,
რას გვირჩევენ ვარსკვლავები 25 თებერვლისთვის:
ვერძი
აქტიურობა, აზარტი და მოქმედების სურვილი შესაძლებლობას მოგცემთ ლიდერის თვისებები გამოავლინოთ და კარიერულ კიბეზე ერთი საფეხურით აიწიოთ. ნუ იდარდებთ, თუ რაღაც ისე არ ხდება, როგორც გსურთ. მოითმინეთ და ყველაფერი თავისთავად მოგვარდება.
კურო
ხელსაყრელი და ნაყოფიერი დღეა. მცირე პრობლემები, რომლებიც დიდი ხანია, ხელს გიშლით, სწრაფად და ადვილად მოგვარდება და ეს დადებითი ტენდენციები წინსვლაში დაგეხმარებათ. დროა, ოჯახური და საყოფაცხოვრებო საქმეებისთვისაც მოიცალოთ და პატარა რემონტი ან სახლის საფუძვლიანი დალაგება დაიწყოთ.
ტყუპები
თავს მხნედ და ენერგიულად გრძნობთ და მოქმედებისთვის მზად ხართ, მაგრამ გირჩევთ, ცოტა დაიცადოთ და სერიოზული საქმე არ დაიწყოთ. ეცადეთ, დაწყებული საქმეები დროულად დაასრულოთ და სახლის მოწესრიგებაზე იზრუნოთ. სავარაუდოდ, დღის მეორე ნახევარში მნიშვნელოვანი შეხვედრა გელით.
კირჩხიბი
ინფორმაცია, რომელსაც დღეს მიიღებთ, შეგიძლიათ თქვენს სასარგებლოდ გამოიყენოთ. ამ ინფორმაციაზე დაყრდნობით შეიძლება გეგმები შეცვალოთ ან ახალი გადაწყვეტილება მიიღოთ. დროა, საკუთარ შეცდომებზე იფიქროთ და ახალი პრიორიტეტები დაისახოთ.
ლომი
დროა, ფინანსური პრობლემების აღმოფხვრაზე იფიქროთ. პირველ რიგში, ხარჯების შემცირება და ბიუჯეტის შედგენა მოგიწევთ. უარი თქვით ისეთი ნივთების შეძენაზე, რომლებიც არაფერში გჭირდებათ. გამონახეთ დრო საკუთარი თავის, გარეგნობისა და საჭიროებებისთვის. შეგიძლიათ საღამო საუნაში გაატაროთ ან სახლში, ოჯახის წევრებთან ერთად დაისვენოთ.
ქალწული
წარმატებული და ნაყოფიერი დღეა. ყველაზე რთულ საქმესაც კი სწრაფად და იოლად უმკლავდებით, პარტნიორები მოგებიან გარიგებებს გთავაზობენ, პირად ურთიერთობებში კი ყველაფერი შესანიშნავადაა. სამსახურში შესაძლოა, სირთულეებს წააწყდეთ, მაგრამ ჯობს, ჯერ დასვენებაზე და ძალების აღდგენაზე იზრუნოთ. პრობლემებთან გამკლავების დროც მოვა.
სასწორი
ენერგიით სავსე ხართ და ახალი სიმაღლეების დაპყრობას გეგმავთ. გირჩევთ, ეს შესაძლებლობა რაც შეიძლება მეტი საქმის გაკეთებისთვის გამოიყენოთ. გირჩევთ, გადაწყვეტილების მიღებისას სხვა ადამიანების გამოცდილება გაითვალისწინოთ და რჩევა სთხოვოთ. კარგია, თუ ახლოს გყავთ სანდო და პასუხისმგებლობის მქონე ადამიანი, რომელიც რთულ სიტუაციაში დაგეხმარებათ.
მორიელი
ამ დღეს თქვენს პროფესიულ საქმიანობაში შეცდომები და ხარვეზები გამოჩნდება. სხვების კრიტიკას, ჯობს საკუთარი შეცდომების გამოსწორება დაიწყოთ. ამ სფეროებს განვითარება და უკეთესი დაგეგმვა სჭირდება. ნუ იზარმაცებთ - სახლი კარგად დაასუფთავეთ და დეკორის ახალი ელემენტებით შეავსეთ.
მშვილდოსანი
ამ დღეს წვრილმანებზე ბევრი რამ არის დამოკიდებული, რადგან სწორედ ისინი მოახდენს მოვლენებზე გადამწყვეტ გავლენას. ეცადეთ, მიმდინარე საქმეს მეტი ყურადღება მიაქციოთ, თუნდაც ეს კარგად ნაცნობი საქმე იყოს. საღამოს, გირჩევთ, კარგად დაისვენოთ, დროულად დაიძინოთ და ჯანმრთელობის პრევენციაზე იზრუნოთ.
თხის რქა
ვარსკვლავები თხის რქებს ახალ შესაძლებლობებს სთავაზობენ. მთავარია, დროულად შენიშნოთ და სწორად გამოიყენოთ. თქვენს აზრს მოისმენენ და მოიწონებენ, ასე რომ კამათის დროს საკუთარი პოზიციის დაცვა ნუ მოგერიდებათ. მუშაობის დროს აჩქარებას შეიძლება საბედისწერო შეცდომა მოჰყვეს, ამიტომ მშვიდად და თანმიმდევრულად იმოქმედეთ.
მერწყული
თქვენს ცხოვრებაში ცვლილებების დრო დადგა, მაგრამ ბევრ მერწყულს ამ აზრთან შეგუება არ უნდა. ტყუილად შიშობთ - ეს ცვლილებები ცხოვრების ჩვეულ რიტმს არ შეეხება, მაგრამ შესაძლებლობას მოგცემთ კარიერული მდგომარეობა თუ ურთიერთობები გააუმჯობესოთ. მოერიდეთ ზედმეტი პასუხისმგებლობების აღებას - ეს თქვენს ჯანმრთელობაზე იმოქმედებს.
თევზები
შეიძლება, ამ დღეს პირობის შესრულება ვერ შეძლოთ. ეცადეთ, ყველა საქმე და პროექტი დროულად დაასრულოთ და ახალ საქმეებს მხოლოდ ამის შემდეგ შეეჭიდოთ. გირჩევთ, გადაწყვეტილება სწრაფად მიიღოთ - ახლა ფიქრი და ყოყმანი დამღუპველია.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
