,
♈ ვერძი (21 მარტი - 19 აპრილი)
დღეს შესაძლოა მცირე კონფლიქტები მოგივიდეს, მაგრამ თუ დროზე გაჩერდები, მეტ ზიანს აირიდებ. ოჯახი: ახლობლებთან კამათს სჯობს, დროებით დისტანცია დაიჭირო. ბიზნესი: ახალი შესაძლებლობები გამოჩნდება, მაგრამ სწრაფი რეაგირება გჭირდება. სიყვარული: ემოციებს ნუ აჰყვები, თორემ დაუფიქრებელი სიტყვები ყველაფერს გააფუჭებს. კარიერა: უფროსთან ურთიერთობა დელიკატურად მართე – დღეს ზედმეტი ინიციატივა შეიძლება საწინააღმდეგოდ შემოგიბრუნდეს. ჯანმრთელობა: გადაღლილობა გაწუხებს, დასვენება არ გაწყენდა.
♉ კურო (20 აპრილი - 20 მაისი)
დღეს გეგმებს ნუღარ შეცვლი, დროა, წინასწარ განზრახული ბოლომდე მიიყვანო. ოჯახი: საყვარელი ადამიანი მხარში დაგიდგება, თუ საჭიროა – დახმარებასაც არ მოგაკლებს. ბიზნესი: ფინანსური მდგომარეობა შედარებით დასტაბილურდება, მაგრამ ფულის უაზროდ ხარჯვა არ ღირს. სიყვარული: ურთიერთობაში მეტი გულახდილობა მოგეთხოვება. კარიერა: მშვიდად იმუშავე და კონფლიქტებს გვერდი აუარე. ჯანმრთელობა: გადაჭარბებული ნერვიულობა არაფერს მოგიტანს – მოდუნდი.
♊ ტყუპები (21 მაისი - 20 ივნისი)
ენერგიული ხარ, მაგრამ უმიზნოდ წანწალი არაფერს მოგიტანს. ოჯახი: ოჯახის წევრები დღეს შენგან მეტ ყურადღებას ელიან. ბიზნესი: დროა, ხელშეკრულებების პირობები გადაამოწმო – შეიძლება რაღაც გამოგრჩა. სიყვარული: მოსალოდნელია მოულოდნელი აღიარება ან საინტერესო შეხვედრა. კარიერა: ახალი იდეები გექნება, მაგრამ ჯერ განხორციელებაზე ნუ იჩქარებ. ჯანმრთელობა: თავბრუსხვევამ ან უძილობამ შეიძლება შეგაწუხოს.
♋ კირჩხიბი (21 ივნისი - 22 ივლისი)
დღეს სენსიტიური იქნები, ამიტომ სჯობს, ზედმეტად ემოციურ თემებს მოერიდო. ოჯახი: ოჯახის წევრებმა შეიძლება დაგაბნიონ, მაგრამ სიმშვიდე შეინარჩუნე. ბიზნესი: ფინანსური რისკები ჯერ ისევ შენს სასარგებლოდ არ არის. სიყვარული: თუ ქორწინებაში ხარ, შესაძლოა, მცირე გაუგებრობები გაჩნდეს. კარიერა: ბევრი საქმე გექნება, მაგრამ მთავარია, პრიორიტეტები სწორად დასვა. ჯანმრთელობა: სჯობს, მძიმე საკვები მოერიდო.
♌ ლომი (23 ივლისი - 22 აგვისტო)
შენი ავტორიტეტი იზრდება, მაგრამ ზედმეტი თავდაჯერება არ მოგიტანს კარგს. ოჯახი: შესაძლოა, ახლობელმა რჩევა გთხოვოს – არ უგულებელყო. ბიზნესი: ფინანსური სირთულეების გადაჭრას თუ სწორად მიუდგები, მოგება არ დააყოვნებს. სიყვარული: ვიღაც შენს ყურადღებას მოითხოვს, მაგრამ ნურავის თამაშში არ გახვედი. კარიერა: სამსახურში მნიშვნელოვანი ნაბიჯი უნდა გადადგა. ჯანმრთელობა: თავი ზედმეტ დატვირთვას ნუ დაუქვემდებარებ.
♍ ქალწული (23 აგვისტო - 22 სექტემბერი)
დღეს ყველაფერი არც ისე მარტივად წარიმართება, როგორც გეგონა. ოჯახი: მოულოდნელი სიახლე ოჯახიდან – შესაძლოა, კარგი ან არც ისე სასიამოვნო. ბიზნესი: ახალ პროექტებზე ფიქრი არ გაწყენდა, მაგრამ რისკიან ნაბიჯს მოერიდე. სიყვარული: პარტნიორთან ურთიერთობაში შუღლი გაჩნდება, თუ სენსიტიურ თემებს ზედმეტად შეეხები. კარიერა: წვრილმანები გამოგეპარება, ყურადღებით იყავი. ჯანმრთელობა: კუჭთან დაკავშირებული პრობლემები მოსალოდნელია.
♎ სასწორი (23 სექტემბერი - 22 ოქტომბერი)
გაუთვალისწინებელი გარემოებები შენს გეგმებს შეცვლის. ოჯახი: მეგობარი ან ნათესავი დაგეხმარება ძველ პრობლემის მოგვარებაში. ბიზნესი: მცირე მოგება შესაძლოა, მაგრამ დიდი ფინანსური მიღწევები ჯერ არ ჩანს. სიყვარული: სასიამოვნო საუბრები გელოდება, თუმცა ზედმეტად ნუ გაიხსნები. კარიერა: კოლეგასთან უთანხმოება მოსალოდნელია. ჯანმრთელობა: ძილის რეჟიმს მიხედე.
♏ მორიელი (23 ოქტომბერი - 21 ნოემბერი)
დროა, გადახედო შენს პრიორიტეტებს. ოჯახი: შეიძლება, ოჯახის წევრებთან საუბარი საჭირო გახდეს. ბიზნესი: ახალი შემოთავაზება გექნება, მაგრამ კარგად დაფიქრდი, სანამ დასთანხმდები. სიყვარული: მოულოდნელი სიურპრიზი გელოდება. კარიერა: სჯობს, ინტრიგებს მოერიდო. ჯანმრთელობა: მეტი მოძრაობა გჭირდება.
♐ მშვილდოსანი (22 ნოემბერი - 21 დეკემბერი)
მიზნამდე არ გაჩერდე, მაგრამ ზედმეტი სიჩქარეც არ ვარგა. ოჯახი: სჯობს, ახლობლებთან დრო გაატარო. ბიზნესი: მნიშვნელოვანი შეხვედრები კარგად ჩაივლის. სიყვარული: ახალი გატაცება მოსალოდნელია. კარიერა: შენს სამუშაოს დღეს უფროსიც დააფასებს. ჯანმრთელობა: ენერგია დაგაკლდება, კარგად გამოიძინე.
♑ თხის რქა (22 დეკემბერი - 19 იანვარი)
დღეს ბევრს ფიქრობ, მაგრამ მოქმედებაც საჭიროა. ოჯახი: გადაწყვეტილება, რომელიც დღეს მიიღებ, მომავალზე იმოქმედებს. ბიზნესი: ფული ფრთხილად დახარჯე. სიყვარული: ნაკლებად ელაპარაკე ძველ საკითხებზე. კარიერა: კოლეგებთან ურთიერთობა გაუმჯობესდება. ჯანმრთელობა: მცირე ხნით დასვენება არ გაწყენს.
♒ მერწყული (20 იანვარი - 18 თებერვალი)
ახალი იდეების განხორციელება შეგიძლია, მაგრამ ყველა შენს აზრს არ გაიზიარებს. ოჯახი: მშვიდი დღე გელოდება. ბიზნესი: ძველი ვალდებულებები არ დაგავიწყდეს. სიყვარული: ყურადღება მოგაკლდება, თუ თვითონ არ მოითხოვ. კარიერა: მოულოდნელი ბონუსი ან ახალი შესაძლებლობა გაჩნდება. ჯანმრთელობა: თავი დაუთმე ფიზიკურ აქტივობას.
♓ თევზები (19 თებერვალი - 20 მარტი)
შენი შრომა დაფასდება, მაგრამ არანაკლებ მნიშვნელოვანია საკუთარი დასვენებაც. ოჯახი: ოჯახის წევრები შენგან მეტ ყურადღებას ელიან. ბიზნესი: შანსია, ვიღაც შენს ნდობას გამოსცდის. სიყვარული: ემოციური იქნება დღევანდელი საღამო. კარიერა: შენზე ბევრს იქნება დამოკიდებული. ჯანმრთელობა: იმუნიტეტი გაიმაგრე.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
