15:11,
04/06
რას გვირჩევენ ვარსკვლავები 24 ნოემბრისთვის:
ვერძი (21 მარტი - 20 აპრილი)
წარმატებული დღე რომ გქონდეთ, ღრუბლებიდან მიწაზე უნდა დაეშვათ და მოვლენები ობიექტურად შეაფასოთ. უამრავი საქმე დაგიგროვდათ, ამიტომ ნუ გადადებთ და ახლავე შეუდექით. კოლეგებთან ურთიერთობა რთული იქნება, მოსალოდნელია გაუგებრობები, ამიტომ გირჩევთ, წვრილმანებზე კამათს მოერიდოთ და მთელი ყურადღება სამუშაოზე გადაიტანოთ. თუ ვინმე ძალიან გენატრებათ, უბრალოდ დაურეკეთ ან მოინახულეთ.
კურო (21 აპრილი - 21 მაისი)
წარმატებული და ნაყოფიერი დღეა. ოპტიმიზმი და თავდაჯერება საშუალებას გაძლევთ, რომ ყველაზე რთული პრობლემები ადვილად გადაწყვიტოთ. ხელსაყრელი დროა სხვადასხვა მიზეზით გაწყვეტილი ურთიერთობების აღდგენისა და შერიგებისთვის. ნუ გაჯიუტდებით და ეცადეთ, გარემოებების შესაბამისად იმოქმედოთ.
ტყუპები (22 მაისი - 21 ივნისი)
ამ დღეს რაც უფრო ნაკლები ურთიერთობა გექნებათ გარშემო მყოფებთან, თავს მით უფრო უკეთ იგრძნობთ. პლანეტების ნეგატიური ზემოქმედების გამო ნებისმიერი საუბარი შეიძლება კამათსა და დაპირისპირებაში გადაიზარდოს და განწყობა დიდი ხნით გაგიფუჭოთ. გამორიცხული არ არის, რომ ვიღაცამ თქვენი მოტყუება სცადოს და არასწორი ინფორმაცია გამიზნულად მოგაწოდოთ.
კირჩხიბი (22 ივნისი - 22 ივლისი)
ეცადეთ, სწრაფად ცვლად გარემოებებს მოერგოთ, რათა თქვენთვის ძვირფასი ურთიერთობა არ დააზიანოთ. იგივე ეხება სამსახურს - მოერიდეთ საკუთარი მოსაზრებების სხვებისთვის თავზე მოხვევას. შეეგუეთ, რომ ადამიანებს შეიძლება თქვენგან განსხვავებული აზრები ჰქონდეთ და ეს დაპირისპირების მიზეზად არ გამოდგება.
ლომი (23 ივლისი - 23 აგვისტო)
დილიდან სიზარმაცის შეტევებს ებრძვით. ეცადეთ დაძლიოთ, რადგან თაროებზე უამრავი მნიშვნელოვანი საქმე დაგიგროვდათ. სუფთა ჰაერზე ფეხით სიარული ან ვარჯიში ფიზიკური ფორმის გაუმჯობესებაში დაგეხმარებათ. გამორიცხული არ არის, რომ ახალმა გატაცებამ სიამოვნების გარდა, დამატებითი შემოსავალიც მოგიტანოთ.
ქალწული (24 აგვისტო - 23 სექტემბერი)
ეცადეთ, სიბრძნე გამოიჩინოთ და უსარგებლო კამათს ან დაპირისპირებას მოერიდოთ. ეს, ურთიერთობის გაფუჭების გარდა, არაფერს მოგიტანთ. გირჩევთ, აუჩქარებლად იმუშაოთ, რათა შეცდომა არ დაუშვათ. მოერიდეთ სარისკო პროექტში ჩართვას. სასურველია, საღამოს ოჯახთან ერთად სამომავლო გეგმებზე ისაუბროთ და შექმნილი ვითარებიდან კომპრომისული გამოსავალი მოძებნოთ.
სასწორი (24 სექტემბერი - 23 ოქტომბერი)
შესაძლოა, ძველი პრობლემა ისევ აქტუალური გახდეს ან თქვენი ცხოვრებიდან წასული ადამიანი ისევ გამოჩნდეს. ვარსკვლავები გირჩევენ, რომ წარსულთან დაბრუნებას მოერიდოთ, რადგან ეს განწყობას დიდი ხნით გაგიფუჭებთ. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ.
მორიელი (24 ოქტომბერი - 22 ნოემბერი)
ნუ უგულებელყოფთ ავტორიტეტული ადამიანების რჩევებსა და მოსაზრებებს, რომლებიც დაწყებული საქმის წარმატებით დასრულებაში დაგეხმარებათ. საყვარელი ადამიანები ამ დღეს თქვენს ნებისმიერ წამოწყებას მხარს დაუჭერენ, ამიტომ რთულ სიტუაციებში მათთან დაკავშირება ნუ მოგერიდებათ. ყურადღებით იყავით - შესაძლოა, წარმატებას ერთი ნაბიჯი გაშორებთ. შეთავაზებაზე, რომელსაც საღამოს მიიღებთ, უარი არ უნდა თქვათ.
მშვილდოსანი (23 ნოემბერი - 21 დეკემბერი)
ეცადეთ, მთელი ყურადღება პერსპექტიული საქმეებისკენ მიმართოთ, რომლებიც მომავალში მოგებას და წარმატებას მოგიტანთ. თუ შესაძლებელია, გავლენიან ადამიანებსაც დაუკავშირდით, რომლებსაც თქვენი დახმარება შეუძლიათ. ყურადღებით იყავით - წარმატებას ერთი ნაბიჯი გაშორებთ.
თხის რქა (22 დეკემბერი - 20 იანვარი)
ამ დღეს საკუთარ თავს და პირად საჭიროებებს მეტი დრო უნდა დაუთმოთ. უსმინეთ საკუთარ სურვილებს და ის აკეთეთ, რაც ნამდვილად გსურთ. გირჩევთ, ამ დღეს უცნობ ადამიანებთან ურთიერთობა მინიმუმამდე შეამციროთ. მოერიდეთ ნაჩქარევ შესყიდვებს და ფული დაუფიქრებლად არ დახარჯოთ.
მერწყული (21 იანვარი - 18 თებერვალი)
მიზნის მისაღწევად შესაძლოა, საყვარელ ადამიანთან დაპირისპირება მოგიწიოთ. კარგად დაფიქრდით, ღირს თუ არა ამის გაკეთება, რადგან სავარაუდოდ, მოგვიანებით ინანებთ. ნუ მოუსმენთ სხვა ადამიანების რჩევებს და ეცადეთ, ამ დღეს ყველანაირი ურთიერთობა შეზღუდოთ. საკუთარი ინტუიცია საქმეში ძალიან დაგეხმარებათ.
თევზები (19 თებერვალი - 20 მარტი)
ოპტიმისტური განწყობა ამ დღის სირთულეების დაძლევაში და მიზნების მიღწევაში დაგეხმარებათ. გირჩევთ მეგობრების რჩევებს ყურადღებით მოუსმინოთ. უარი თქვით დამატებით სამუშაოზე, უმჯობესია საღამო დასვენებას და ჯანმრთელობაზე ზრუნვას დაუთმოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
