,
რას გვირჩევენ ვარსკვლავები 24 ივლისისთვის:
ვერძი (21 მარტი - 20 აპრილი)
შეიძლება ადამიანზე, მოვლენაზე ან პრობლემაზე აზრის შეცვლა მოგიწიოთ - ახალ ფაქტები გაჩნდება, რომლებსაც ანგარიში უნდა გაუწიოთ. ჰოროსკოპის ვარსკვლავები გირჩევენ მოულოდნელი ინფორმაციის მიღებისთვის მოემზადოთ.
კურო (21 აპრილი - 21 მაისი)
ნებისმიერ ურთიერთობაში საკუთარი პოზიციის დაცვას ჯიუტად ცდილობთ. თუ გავითვალისწინებთ, რომ დილიდან უჩვეულოდ გაღიზიანებული და ემოციური ხართ, გასაკვირი არ არის, რომ ყველგან კონფლიქტებს იწვევთ. ჰოროსკოპის ვარსკვლავები გირჩევენ, რომ თქვენი აზრები თქვენთვის შეინახოთ და კომპრომისზე წასასვლელად მოემზადოთ.
ტყუპები (22 მაისი - 21 ივნისი)
გსურთ, რომ თქვენს გარშემო ყველაფერი იდეალურად იყოს. ამისთვის ცდილობთ რიგში სული, აზრები და სამუშაო მაგიდა მოაწესრიგოთ. ამ დღეს ყველაზე მეტად გარშემო მყოფთა არაორგანიზებულობა და სიზარმაცე გაბრაზებთ და შესაძლოა, ამის შესახებ პირდაპირ სახეში მიახალოთ.
კირჩხიბი (22 ივნისი - 22 ივლისი)
ცდილობთ, საგნების არსს ატომებსა და მოლეკულებამდე ჩასწვდეთ, თუმცა ამან შეიძლება ახალ, მოულოდნელ დასკვნებამდე მიგიყვანოთ. გამჭრიახ კირჩხიბს შანსი აქვს, რომ უმარტივეს ყოველდღიურ საქმეებშიც კი საინტერესო სიახლეები აღმოაჩინოს. გამონახეთ დრო დიდი ხნის უნახავი ნათესავების მონახულებისთვის.
ლომი (23 ივლისი - 23 აგვისტო)
ამ დღეს ვიღაცამ შეიძლება საქმეში ჩაგითრიოთ, რომელიც პირდაპირ ან ირიბად ფულს უკავშირდება. ეს შეიძლება უფროსებთან ხელფასის მომატებაზე საუბარი ან მეუღლესთან ფულის ფლანგვის გამო დაწყებული კამათი იყოს. ვარსკვლავები გირჩევენ, რომ ასეთი საუბრების დროს ემოციები აკონტროლოთ დაუფიქრებლად ნათქვამი სიტყვით არავინ გაანაწყენოთ - უკმაყოფილება და ორმხრივი პრეტენზიები შეიძლება ურთიერთობაზე უარყოფითად აისახოს.
ქალწული (24 აგვისტო - 23 სექტემბერი)
თქვენს ხმაში დროდადრო მბრძანებლური ნოტები ჟღერს - ცდილობთ გარშემო მყოფებს საკუთარი სიმართლე დაუმტკიცოთ. საკუთარ თავში იმდენად დარწმუნებული ხართ, რომ მათი მხრიდან დახმარების თხოვნაზე უარის თქვას დივერსიად აფასებთ. მთელმა დღემ რომ უაზრო კამათში არ ჩაიაროს, ეცადეთ ვნებები დაიცხროთ და გარშემო მყოფებზე ზეწოლა შეამციროთ.
სასწორი (24 სექტემბერი - 23 ოქტომბერი)
მშვენიერი დღეა ვინმესთან ურთიერთობის გასარკვევად თუ ასეთი საჭიროება არსებობს. ის რაზეც ადრე ლაპარაკს ვერ ბედავდით, კითხვები, რომელთა დასმას ვერ ახერხებდით - ამ დღეს ყველაფერზე თამამად საუბარი შეგიძლიათ და ეს შანსი ხელიდან არ უნდა გაუშვათ.
მორიელი (24 ოქტომბერი - 22 ნოემბერი)
ზოგ საკითხში თქვენს რწმენას შეიძლება ბზარი გაუჩნდეს. ის, რაშიც ის 100%-ით დარწმუნებული იყავით, შეიძლება განსხვავებული აღმოჩნდეს. გამორიცხული არ არის, რომ რაღაც საკითხზე აზრი თავად შეიცვალოთ. ასეა თუ ისე, გირჩევთ ცვლილებისთვის მოემზადოთ, თუნდაც ეს წარმოსახვითი ცვლილება იყოს.
მშვილდოსანი (23 ნოემბერი - 21 დეკემბერი)
ამ დღეს ნებისმიერ, თუნდაც ყველაზე უმნიშვნელო საკითხში ბოლომდე გარკვევას ცდილობთ. საქმეებში ან სიტყვებში უმცირესი გაურკვევლობაც კი გაღიზიანებთ და გაიძულებთ, რომ ყველა კითხვაზე პასუხი იპოვოთ. იმდენ კითხვას დასვამთ, რომ გარშემო მყოფებს თავს მოაბეზრებთ, ამიტომ ნუ გაგიკვირდებათ თუ ყველა გაგირბით.
თხის რქა (22 დეკემბერი - 20 იანვარი)
ამ დღეს უნდა გადაწყვიტოთ, ცხოვრებიდან რა უნდა მოიცილოთ, რომ ახლისთვის ადგილი გაათავისუფლოთ. შესაძლოა, ეს მოძველებული იდეები, არარეალური გეგმები, შეუძლებელი ვალდებულებების ტვირთი, ძველი ავეჯი ან რაღაც სხვა იყოს. დროა დაემშვიდობოთ იმას, რაც განვითარებაში ხელს გიშლით და რეალურ პერსპექტივებს მიესალმოთ.
მერწყული (21 იანვარი - 18 თებერვალი)
ამ დღეს კომპრომისებისკენ განწყობილი არ ხართ. მზად იყავით იმისთვის, რომ სამყაროს შავ-თეთრად დაყოფის მცდელობა გარშემო მყოფთა წინააღმდეგობას წააწყდება. თქვენი ემოციურობა და სამართლიანობისკენ სწრაფვა შეიძლება ურთიერთობების გარკვევით და კამათით დასრულდეს. ამის თავიდან ასაცილებლად, გათავისუფლდით ილუზიისგან, რომ ვინმესთვის რამის დამტკიცებას შეძლებთ - ხვალ ეს ნამდვილად არ გამოგივათ.
თევზები (19 თებერვალი - 20 მარტი)
ჰოროსკოპის ვარსკვლავები გირჩევენ, სერიოზული გადაწყვეტილების მიღებისას არ იჩქაროთ. სავარაუდოდ, რაღაც ვერ გაითვალისწინეთ ან ყველა ინფორმაციას არ ფლობთ. შეცდომების თავიდან ასაცილებლად, გირჩევთ გამოცდილ ადამიანებს ესაუბროთ, საჭირო ლიტერატურას გაეცნოთ და ფაქტები შეისწავლოთ. ამის შემდეგ შეგიძლიათ ბრძოლაში თამამად ჩაერთოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
