,
რას გვირჩევენ ვარსკვლავები 23 ნოემბრისთვის:
ვერძი (21 მარტი - 20 აპრილი)
იღბლიანი დღეა. რასაც არ უნდა აკეთებდეთ, ვარსკვლავები დაგეხმარებიან. კარგად გააზრებული დღის გეგმა შეცდომების თავიდან აცილებაში დაგეხმარებათ. ეცადეთ თქვენი პიროვნული ხიბლი სწორად გამოიყენოთ და ყველაზე სკეპტიკურად განწყობილ ადამიანსაც კი დაარწმუნებთ. ვარსკვლავები გირჩევენ, რომ არც დასვენების შესახებ დაივიწყოთ.
კურო (21 აპრილი - 21 მაისი)
ამ დღეს ეცადეთ ფული ეკონომიურად ხარჯოთ - გამორიცხული არ არის, რომ გაუთვალისწინებელი ხარჯების გამო ფინანსური სირთულეები შეგექმნათ. ვარსკვლავები გირჩევენ, რომ თავი შეიკავოთ ფულის სესხად აღებისგანაც და მიცემისგანაც. იდეა, რომლის განხორციელებაც გსურთ, ჯერ კიდევ უნდა დაამუშაოთ.
ტყუპები (22 მაისი - 21 ივნისი)
ყურადღებით მოუსმინეთ რას ამბობენ სხვა ადამიანები თქვენზე. ავტორიტეტულმა აზრმა ან კონსტრუქციულმა კრიტიკამ შეიძლება მუშაობის უფრო ეფექტიანი მეთოდებისკენ გიბიძგოთ. გამორიცხული არ არის, რომ ახალმა გატაცებამ სიამოვნების გარდა, დამატებითი შემოსავალიც მოგიტანოთ.
კირჩხიბი (22 ივნისი - 22 ივლისი)
აუცილებელი არ არის საკუთარი მიზნისთვის ყველაფერი გაწიროთ. უბრალოდ, ეცადეთ ნაკლები იაქტიუროთ და სიტუაციას „გარედან“ შეხედოთ. 23 ნოემბერს რთული არჩევანის გაკეთება მოგიწევთ, თუმცა ვარსკვლავები გირჩევენ, რომ საკუთარ პრინციპებს არ უღალატოთ. საყვარელი ადამიანების რჩევები ძალიან გამოგადგებათ, ამიტომ ნუ მოგერიდებათ, რომ დახმარება სთხოვოთ.
ლომი (23 ივლისი - 23 აგვისტო)
ძველი პრობლემების მოგვარება დიდ დროს წაგართმევთ. ეცადეთ, პირად ურთიერთობებში ინიციატივა გამოიჩინოთ, საყვარელ ადამიანს რომანტიკული პაემანი მოუწყოთ და საკუთარი გრძნობების შესახებ უამბოთ. ყურადღებით იყავით - შესაძლოა, წარმატებას ერთი ნაბიჯი გაშორებთ. შეთავაზებაზე, რომელსაც საღამოს მიიღებთ, უარი არ უნდა თქვათ.
ქალწული (24 აგვისტო - 23 სექტემბერი)
ვარსკვლავები გვირჩევენ, რომ ძველი პრობლემები საბოლოოდ დაასრულოთ და აღარასოდეს დაუბრუნდეთ. სანამ ამ პრობლემას არ გაუმკლავდებით, მნიშვნელოვან საკითხებზე ყურადღების გამახვილება უკიდურესად რთული იქნება. ეცადეთ, სხვისი გავლენის ქვეშ არ მოექცეთ.
სასწორი (24 სექტემბერი - 23 ოქტომბერი)
დღეს სასწორს წარმატებული და ნაყოფიერი დღე ელის - სამსახურშიც და პირად ცხოვრებაშიც. შეგიძლიათ ხელსაყრელი გარემოებებით ისარგებლოთ და თამამად დაიწყოთ რთული პროექტი, რომელიც ადრე გაშინებდათ. საინტერესო ნაცნობობა გელით, რომელიც შეიძლება ხანგრძლივ ურთიერთობაში გადაიზარდოს.
მორიელი (24 ოქტომბერი - 22 ნოემბერი)
რთული და ემოციურად არასტაბილური დღეა - განწყობა სწრაფად იცვლება და მარტივი საკითხების მოგვარებაც კი დროში ჭიანურდება. ეცადეთ, საკუთარი სიტყვები და ქმედებები აკონტროლოთ, რათა ძვირფას ადამიანებთან ურთიერთობა არ გაიფუჭოთ. თუ აუცილებელი არ არის, შოპინგისგან თავის შეკავება ჯობს.
მშვილდოსანი (23 ნოემბერი - 21 დეკემბერი)
დილიდან უმიზეზო შფოთვას ებრძვით - მცირე პრობლემებიც კი ძალიან რთული გეჩვენებათ და საკუთარი შესაძლებლობები გაეჭვებთ. ვარსკვლავები გირჩევენ, რომ ფული უფრო ეკონომიურად ხარჯოთ და ჯერჯერობით, ძვირად ღირებული ნივთების შეძენისგან თავი შეიკავოთ. ოჯახური ურთიერთობები ჰარმონიულია, ჯანმრთელობის მხრივ პრობლემები არ გელით.
თხის რქა (22 დეკემბერი - 20 იანვარი)
დაძაბული დღეა. სიჩქარის ან უყურადღებობის გამო შეიძლება სერიოზული შეცდომა დაუშვათ. მოერიდეთ დამატებითი პასუხისმგებლობების აღებას. სჯობს, საკუთარი ვალდებულებები მშვიდად შეასრულოთ და საღამოს განმარტოებით დაისვენოთ. შეიძლება გარკვეულ საკითხებში გასარკვევად ძველი ურთიერთობების აღდგენა მოგიწიოთ, რას სასურველ შედეგებს მოგიტანთ.
მერწყული (21 იანვარი - 18 თებერვალი)
ხელსაყრელი დღეა დიდი ხნის წინ დაგეგმილი იდეის განხორციელებისთვის. საყვარელი ადამიანების რჩევა პროფესიულ საქმიანობაში ძალიან დაგეხმარებათ. მოერიდეთ დაუფიქრებელ შესყიდვებს, რათა ფულის სესხება არ მოგიწიოთ. გირჩევთ, საკუთარი სურვილები აკონტროლოთ და იმპულსურად არ იმოქმედოთ.
თევზები (19 თებერვალი - 20 მარტი)
გაძლიერებული ემოციური ფონი გადაწყვეტილებების მიღებაში ხელს გიშლით. გარშემომყოფების უწყინარ შენიშვნასაც კი შეიძლება ურთიერთობების გარკვევა და კონფლიქტი მოჰყვეს. უმჯობესია, დღის უმეტესი ნაწილი მარტომ გაატაროთ და დაწყებული საქმეები დროულად დაასრულოთ. წლის ბოლომდე სულ ცოტა დრო დარჩა, ამიტომ ეცადეთ უსარგებლო ნივთებისა და ურთიერთობებისგან გათავისუფლდეთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
