რას გვირჩევენ ვარსკვლავები 23 მარტისთვის:

ვერძი (21 მარტი - 20 აპრილი)

ამ დღეს მეტი აქტიურობა და მოულოდნელად წარმოქმნილი პრობლემების მოგვარება მოგიწევთ. ამისთვის დღის პირველი ნახევარი ყველაზე შესაფერისი დროა, საღამოს კი თავს უფლება მიეცით, დაისვენოთ და განიტვირთოთ. შეგიძლიათ, თქვენი საიდუმლო საყვარელ ადამიანს გაუმხილოთ და რჩევა სთხოვოთ. ახალი იდეის განხორციელება დიდ წარმატებას გპირდებათ.

კურო (21 აპრილი - 21 მაისი)

ამ დღეს თქვენთვის მნიშვნელოვან კითხვებზე პასუხს მიიღებთ, რაც თქვენს თავდაჯერებას გააძლიერებს და თვითშეფასებას აამაღლებს. გირჩევთ, თავისუფალ დროს თვითგანვითარებაზე იზრუნოთ - საინტერესო წიგნი წაიკითხოთ ან ინტელექტუალურ თამაშში ჩაერთოთ. ზომიერი ფიზიკური აქტივობა კი თქვენს განწყობას და ჯანმრთელობას მნიშვნელოვნად გააუმჯობესებს.

ტყუპები (22 მაისი - 21 ივნისი)

ამ დღეს მოულოდნელი პრობლემების ალბათობა მაღალია, ამიტომ გადაწყვეტილებების გზადაგზა მიღება მოგიწევთ. ეცადეთ, სამოქმედო გეგმა შეადგინოთ და თანამოაზრეების გუნდი შეკრიბოთ. მიღებულ ინფორმაციას ნუ ენდობით და ყველა ფაქტი თავად გადაამოწმეთ - გამორიცხული არ არის, რომ ვიღაც თქვენით მანიპულირებას ცდილობს.

კირჩხიბი (22 ივნისი - 22 ივლისი)

თქვენგან დამოუკიდებელი მიზეზების გამო, დღის პირველ ნახევარში გეგმების შეცვლა მოგიწევთ. გირჩევთ გაღიზიანებულ ან აგრესიულ ადამიანებთან ურთიერთობას მოერიდოთ და ცხოვრების მიმართ პოზიტიური დამოკიდებულება შეინარჩუნოთ. დაეხმარეთ ადამიანს, ვისაც ეს სჭირდება. პოზიტიური ემოციების სურვილი დაუფიქრებელი მოქმედებისკენ გიბიძგბთ, რასაც მალე ინანებთ.

ლომი (23 ივლისი - 23 აგვისტო)

ემოციურად რთული და დაძაბული დღეა. სირთულეებმა არ უნდა შეგაშინოთ, რადგან მეგობრებისა და ოჯახის წევრების დახმარებით პრობლემებთან გამკლავებას ადვილად შეძლებთ. მოერიდეთ ახალი საქმეების დაწყებას. ზოგ ლომს ოდესღაც გაწყვეტილი სასიყვარულო ურთიერთობების აღდგენა, დიდი შესყიდვები და მნიშვნელოვან საბუთებზე ხელის მოწერა ელის.

ქალწული (24 აგვისტო - 23 სექტემბერი)

შესაფერისი დროა, რომ დაპირისპირება დაასრულოთ და მშვიდობა დაამყაროთ. შეგიძლიათ, შეცდომები აღიაროთ, პატიება ითხოვოთ და გაწყვეტილი ურთიერთობები აღადგინოთ. ეს სულიერ შვებას და შინაგან კმაყოფილებას მოგიტანთ, მაგრამ თუ ამის გაკეთება შეუძლებელია, უარყოფითი გამოცდილება წარსულში უნდა დატოვოთ და ყველაფერი დაივიწყოთ. ეცადეთ, პირადი საზღვრები ნებისმიერ ფასად დაიცვათ და თქვენით მანიპულირების უფლება არავის მისცეთ.

სასწორი (24 სექტემბერი - 23 ოქტომბერი)

თუ ახალ ემოციებს და დაუვიწყარ შთაბეჭდილებებს ეძებთ, პირველ რიგში, სახლიდან უნდა გახვიდეთ და გაერთოთ. ნურც საკუთარი ჯანმრთელობის შესახებ დაივიწყეთ. გრძელი ზამთრის შემდეგ თქვენს სხეულს ვიტამინების მიღება, ვარჯიში და მასაჟი სჭირდება. ეს ძალების აღდგენაში და იმუნიტეტის ამაღლებაში დაგეხმარებათ.

მორიელი (24 ოქტომბერი - 22 ნოემბერი)

იღბლიანი დღეა, რომელიც სურვილების ასრულებას გპირდებათ. თქვენი ინტუიცია იდეალურად მუშაობს, ამიტომ გადაწყვეტილების მიღებისას მხოლოდ მას უნდა ენდოთ. სავარაუდოდ, მნიშვნელოვანი შეხვედრა გელით, რომელიც სერიოზულ ურთიერთობაში გადაიზრდება ან კარიერაზე იმოქმედებს.

მშვილდოსანი (23 ნოემბერი - 21 დეკემბერი)

ხელსაყრელი დღეა ფინანსური საკითხების განხილვისა და შემოსავლის დამატებით წყაროებზე ფიქრისთვის. მოიშორეთ წარსულზე დარდი და ეცადეთ, მომავალს ოპტიმიზმით შეხედოთ. გარშემო მყოფები მზად არიან, თქვენი ნებისმიერი თხოვნა დააკმაყოფილონ და ამას ოსტატურად იყენებთ. ასე გააგრძელეთ.

თხის რქა (22 დეკემბერი - 20 იანვარი)

ეცადეთ, დილიდანვე პოზიტიურად განეწყოთ. იზრუნეთ საკუთარ ჯანმრთელობაზე - სუფთა ჰაერზე მეტი დრო გაატარეთ და ახალი ხილ-ბოსტნეული მიირთვით. სავარაუდოდ, ახალი ურთიერთობები სწრაფად განვითარდება და ბევრ სასიამოვნო სიურპრიზს მოგიტანთ.

 მერწყული (21 იანვარი - 18 თებერვალი)

ეცადეთ, სევდიანი განწყობისგან გათავისუფლდეთ. შეწყვიტეთ წარუმატებლობაზე და დანაკარგებზე ფიქრი და მომავალს ოპტიმიზმით შეხედეთ. ეცადეთ, ურთიერთობა სასიამოვნო და ხალისიან ადამიანებთან დაამყაროთ, ბუზღუნებს კი ერიდეთ. მყუდრო გარემოში გატარებული საღამო სულიერი წონასწორობის აღდგენაში დაგეხმარებათ.

თევზები (19 თებერვალი - 20 მარტი)

ვიღაც თქვენს გაღიზიანებას და გაბრაზებას ცდილობს, მაგრამ პროვოკაციას არ უნდა წამოეგოთ. მოერიდეთ კონფლიქტებს და სიმშვიდე შეინარჩუნეთ. ეძებეთ პოზიტივი ყველაფერში, რაც თქვენ გარშემო ხდება.