,
ვერძი (21 მარტი - 20 აპრილი)
სანამ დასკვნებს გამოიტანთ, ეცადეთ, შექმნილი სიტუაცია კარგად შეისწავლოთ. ამ დღეს ასაკით უფროს ადამიანებთან ურთიერთობა სასარგებლოა - მათი სიბრძნე და ცხოვრებისეული გამოცდილება ძალიან დაგეხმარებათ. თუ დაქორწინებული არ ხართ, მალე შეხვდებით ადამიანს, რომელიც თავდავიწყებით შეგიყვარდებათ.
კურო (21 აპრილი - 21 მაისი)
ამ დღეს გარშემომყოფებისგან ბევრ საქებ სიტყვას მოისმენთ. ეს ნამდვილად დაიმსახურეთ, რადგან ბევრისთვის საუკეთესო მეგობარი იყავით და ბევრჯერ დაეხმარეთ. მშვენიერი დღეა ახალი საქმიანი კავშირების დამყარების და ძველის გაძლიერებისთვის. შანსი გაქვთ, სპონსორი იპოვოთ, რომელიც თქვენს ბიზნესპროექტებს დააფინანსებს.
ტყუპები (22 მაისი - 21 ივნისი)
მხოლოდ იმიტომ, რომ „მარცხენა ფეხზე ადექით“, ადამიანები არ უნდა შეურაცხყოთ და თქვენთვის ძვირფასი ურთიერთობა არ უნდა გააფუჭოთ. მით უმეტეს, რომ მეორე დღესვე ყველაფერს სხვანაირად შეაფასებთ და შეიძლება საკუთარი საქციელი სანანებლად გაგიხდეთ. საღამოს, გირჩევთ უცნობ ადამიანებთან ურთიერთობა მინიმუმამდე შეამციროთ და ფული დაუფიქრებლად არ დახარჯოთ.
კირჩხიბი (22 ივნისი - 22 ივლისი)
უმიზეზო ნერვიულობით საკუთარ თავსაც და გარშემო მყოფებსაც განწყობას გაუფუჭებთ. ეცადეთ, მოდუნდეთ და ბრაზი იმ ადამიანებზე არ იყაროთ, ვისაც თქვენს ცუდ განწყობასთან საერთო არაფერი აქვს. ოჯახურ პრობლემებზე ფიქრი მუშაობაში ხელს გიშლით, ამიტომ ეცადეთ, ოჯახის საქმეები ოჯახში დატოვოთ და სამსახურში მუშაობისთვის განეწყოთ. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ.
ლომი (23 ივლისი - 23 აგვისტო)
ვარსკვლავები ხელსაყრელ და წარმატებულ დღეს გპირდებიან. გახსოვდეთ, რომ რობოტი არ ხართ და დროდადრო დასვენება გჭირდებათ. მხოლოდ იმიტომ, რომ ვიღაცამ თქვენი მონდომება შენიშნოს, ჯანმრთელობა არ უნდა დაიზიანოთ. ამ დღეს აღმოაჩენთ კავშირს ფაქტებსა და მოვლენებს შორის, რომლებიც ადრე შემთხვევითი გეგონათ. ადამიანს, რომელიც ადრე ბევრჯერ დაგეხმარათ, შეიძლება თქვენი დახმარება დასჭირდეს
ქალწული (24 აგვისტო - 23 სექტემბერი)
ეცადეთ, პროფესიულ საქმიანობაში მეტი შემოქმედებითი უნარი გამოიჩინოთ. ამით საჭირო ადამიანების ყურადღებას მიიპყრობთ და შეიძლება ხელსაყრელი შეთავაზებები მიიღოთ. ნუ მისცემთ შურიან კოლეგებს უფლებას, რომ თქვენზე ჭორები გაავრცელონ და ავტორიტეტი შეგილახონ. დააფასეთ პარტნიორი, რომელიც ხშირად თქვენს აუტანელ ხასიათს ითმენს და აგრძნობინეთ, რომ საჭირო დროს ყოველთვის მის გვერდით იქნებით.
სასწორი (24 სექტემბერი - 23 ოქტომბერი)
დაწყება ყოველთვის რთულია, ამიტომ ნუ ინერვიულებთ, თუ რაღაც პირველივე ცდაზე არ გამოდის. შეგიძლიათ მეგობარს ან კოლეგას დახმარება სთხოვოთ, მაგრამ არასოდეს დანებდეთ. სავარაუდოდ, სამსახურში პროფესიულ უთანხმოებებს დაძლევთ და გუშინდელი ოპონენტი თქვენი საუკეთესო მოკავშირე გახდება. ზოგადად, პროფესიული თვალსაზრისით, ძალიან წარმატებული დღეა, თუმცა სწრაფი შედეგის იმედი ნუ გექნებათ.
მორიელი (24 ოქტომბერი - 22 ნოემბერი)
დროა, გეგმების შედგენიდან მოქმედებაზე გადახვიდეთ და გარშემო მყოფებს და საკუთარ თავს დაუმტკიცოთ, რომ სურვილის შემთხვევაში ბევრის მიღწევა შეგიძლიათ. გამორიცხული არ არის, რომ მეგობართან, დამსაქმებელთან ან პარტნიორთან ურთიერთობა გაწყვიტოთ. თავდაჯერება გეხმარებათ, რომ რთულ სიტუაციაში არ დანებდეთ. ასე გააგრძელეთ!
მშვილდოსანი (23 ნოემბერი - 21 დეკემბერი)
ეცადეთ, სირთულეებს მომზადებული შეხვდეთ და თავისუფალი დრო პოზიციების გაძლიერებას დაუთმოთ. გაუფრთხილდით საკუთარ დროს და ნერვებს. ხელსაყრელი დროა ახალი საქმიანი კავშირების დამყარების და ძველის გაძლიერებისთვის. ნებისმიერ ოფიციალურ ღონისძიებაზე თავს ძალიან კომფორტულად გრძნობთ. საღამოს ოჯახის წევრებისგან კარგ რჩევას, მორალურ მხარდაჭერას ან ფინანსურ დახმარებას მიიღებთ.
თხის რქა (22 დეკემბერი - 20 იანვარი)
წლების წინ ყველა საქმეს თავად უმკლავდებოდით და დახმარება არ გჭირდებოდათ, მაგრამ დრო გადის და შეხედულებები და ფასეულობები იცვლება, ამიტომ დახმარების თხოვა ნუ მოგერიდებათ. ყურადღებას ნუ მიაქცევთ ჭორებს, რომლებიც შეიძლება პარტნიორზე მოისმინოთ და საერთოდ, ჭორიკანა ადამიანებისგან თავი შორს დაიჭირეთ. ეცადეთ, საკუთარი ქმედებები თავად აკონტროლოთ და არავის მისცეთ უფლება, თქვენი მანიპულირება მოახდინოს.
მერწყული (21 იანვარი - 18 თებერვალი)
დაბრკოლებების დაძლევის შემდეგ დამსახურებული ჯილდოს მიღებაში ხელს არაფერი შეგიშლით. ეცადეთ, მოთმინება გამოიჩინოთ. სანამ საყვარელ ადამიანთან კამათს დაიწყებთ, ჯობია, საკუთარ აზრებში გაერკვეთ. დღის მეორე ნახევარში შესაძლოა, უფროსი ნათესავებისგან ფინანსური დახმარება მიიღოთ.
თევზები (19 თებერვალი - 20 მარტი)
ამ დღეს ყველაზე მეტად რუტინული სამუშაო გაღიზიანებთ. ეცადეთ, შემოქმედებითი მიდგომა გამოიჩინოთ და გარშემო მყოფი ადამიანები თქვენი უნარებით გააოცოთ. სასურველია, დღის მეორე ნახევარი ოჯახთან ან მეგობრებთან ერთად გაატაროთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
