,
რას გვირჩევენ ვარსკვლავები 23 დეკემბრისთვის:
ვერძი (21 მარტი - 20 აპრილი)
ნუ მიეჯაჭვებით წარსულს, უკან ყურების ნაცვლად, ჯობს წინ გაიხედოთ და მომავალი დაგეგმოთ. ისწავლეთ საკუთარ შეცდომებზე და გათავისუფლდით ყველაფრისგან, რაც წინსვლაში ხელს გიშლით. გამონახეთ დრო ძველი მეგობრებისთვის - მათი გამოცდილება და რჩევები ძალიან დაგეხმარებათ. მოერიდეთ უსარგებლო ნივთების შეძენას, მით უმეტეს, რომ ადრე შეძენილებიც არ იცით, სად წაიღოთ.
კურო (21 აპრილი - 21 მაისი)
გირჩევთ, ბოლო დღეების მანძილზე თუ რამე ძალიან გაწუხებთ, საუკეთესო მეგობარს გაუზიაროთ. ენერგიით სავსე ხართ. ეცადეთ, ეს ენერგია სასარგებლო საქმეებისკენ მიმართოთ და ტყუილად არ გაფლანგოთ. შორიდან მიღებული სიახლეები განწყობას აგიმაღლებთ და შესაძლოა, უახლოესი გეგმების შეცვლა გაიძულოთ. ახალი ნაცნობები თქვენს მომხიბვლელობას ღირსეულად დააფასებენ, ამიტომ მოწვევაზე უარს ნუ იტყვით და თქვენთვის საჭირო კავშირები დაამყარეთ.
ტყუპები (22 მაისი - 21 ივნისი)
დღეს გარშემომყოფებს თქვენი პიროვნული თვისებებით ადვილად მოხიბლავთ და თქვენ სასარგებლოდაც ადვილად გამოიყენებთ. ნუ გადაიღლებით და ყველა საქმის ერთდროულად კეთებას არ ეცადოთ. დღის უდიდესი ნაწილი მოსაწყენი საქმის კეთება მოგიწევთ, მაგრამ მიზნის მისაღწევად ეს მნიშვნელოვანი იქნება.
კირჩხიბი (22 ივნისი - 22 ივლისი)
ენერგიით სავსე ხართ, მაგრამ ამის გამო ერთდროულად ათი საქმეს კეთება არ უნდა სცადოთ და ქანცგაწყვეტამდე არ უნდა იმუშაოთ. არ არის გამორიცხული, რომ დაუგეგმავ მივლინებაში გაემგზავროთ. მეგობრებისგან შეიძლება საინტერესო შეთავაზებები მიიღოთ და გირჩევთ, ყურადღებით განიხილოთ. დაუფიქრებლად არაფერი თქვათ, რადგან შეიძლება უნებურად, ვიღაც შეურაცხყოთ.
ლომი (23 ივლისი - 23 აგვისტო)
დღის უდიდეს ნაწილს ინფორმაციის მოძიება და დოკუმენტების მომზადება წაგართმევთ. ბიზნესის სფეროში მომუშავე ლომებს მოულოდნელი მოვლენები და მცირეოდენი დაბრკოლება ელით, თუმცა მის დასაძლევად დიდი ძალისხმევა მოგიწევთ. დაელოდეთ სასიხარულო ამბებს ახლობლებისგან. კარგი დღეა სპორტული ვარჯიშების ან სხვა ფიზიკური აქტივობის დასაწყებად.
ქალწული (24 აგვისტო - 23 სექტემბერი)
თუ შექმნილი სიტუაციის რეალურად შეფასება გიჭირთ, გადაწყვეტილებების მიღება არ უნდა იჩქაროთ. დაურეკეთ მეგობრებს და მხარდაჭერა სთხოვეთ. თუ საქმე პროფესიულ საქმიანობას ეხება, კოლეგები უნდა დაიხმაროთ. მოკლედ, ყველაფერი იღონეთ იმისთვის, რომ მოულოდნელმა ცვლილებებმა მიზანს არ აგაცდინოთ. ეცადეთ, სიმშვიდე შეინარჩუნოთ.
სასწორი (24 სექტემბერი - 23 ოქტომბერი)
ამ დღის საუკეთესო გადაწყვეტილება იქნება, რომ დახმარებაზე უარი თქვათ და ყველაფერი თავად აკეთოთ, რადგან თქვენს საქმეში სხვების ჩარევას შეიძლება შეცდომა მოჰყვეს და შემდეგ ყველაფრის თავიდან კეთება მოგიწიოთ. ეცადეთ, თქვენ გარშემო განვითარებული მოვლენების მიმართ პოზიტიური დამოკიდებულება გქონდეთ. ამ დღეს დაუგეგმავ შოპინგს უნდა ერიდოთ.
მორიელი (24 ოქტომბერი - 22 ნოემბერი)
ამ დღეს ადამიანების დარწმუნებას ნებისმიერ საკითხზე ახერხებთ. თქვენი არგუმენტები იმდენად მტკიცე და უტყუარია, რომ შეწინააღმდეგებას ვერავინ ბედავს და ეს შეიძლება როგორც სამსახურში, ისე პირად ცხოვრებაში გამოგადგეთ. გამორიცხული არ არის, რომ თქვენს საახლობლოში ვიღაცას სერიოზული პრობლემები აქვს და ამის სხვებისგან დამალვას ცდილობს. დაეხმარეთ ისე, რომ მისი საიდუმლო არ გაამჟღავნოთ და მოგვიანებით დიდ სამსახურს გაგიწევთ.
მშვილდოსანი (23 ნოემბერი - 21 დეკემბერი)
ზოგჯერ ტყუილი გადარჩენის ერთადერთი და აუცილებელი საშუალებაა. თუ ამას კეთილი მიზნებისთვის აკეთებთ და თქვენს ქმედებებს სწორად ასაბუთებთ, ყველაფერი რიგზეა, მაგრამ ფრთხილად უნდა იმოქმედოთ. თქვენი მოქმედება თხელ ყინულზე სიარულს ჰგავს, ამიტომ წონასწორობა უნდა შეინარჩუნოთ. გირჩევთ, წინასაახალწლოდ დამატებითი შემოსავლის ძებნა ან არსებული რესურსების სწორად განაწილება სცადოთ.
თხის რქა (22 დეკემბერი - 20 იანვარი)
განმარტოვებით ფიქრს ჯობს, რომ თქვენი ურთიერთობა ან სამუშაო პრობლემები საუკეთესო მეგობრებთან ერთად განიხილოთ და მათი რჩევები გაითვალისწინოთ. საკმაოდ ჭკვიანი და მოხერხებული ხართ, თუმცა ამის საჯაროდ გამოვლენას ერიდებით. თუ სიმორცხვეს დაძლევთ, თქვენს უნარებს ხელმძღვანელობა შენიშნავს და სათანადოდ დააფასებს. რომანტიკულ ურთიერთობებში მოულოდნელი ცვლილებები გაგაოცებთ.
მერწყული (21 იანვარი - 18 თებერვალი)
თუ სამსახურში არ იზარმაცებთ და დაკისრებულ მოვალეობებს დროულად შეასრულებთ, თქვენი ძალისხმევა სათანადოდ დაფასდება. ამ დღეს ინდივიდუალურად მუშაობა უფრო სასიამოვნო და ნაყოფიერი იქნება, ვიდრე კოლექტიურად. ნათესავებისგან მოულოდნელი სიახლეები გელით.
თევზები (19 თებერვალი - 20 მარტი)
ამ დღეს საქმის ირგვლივ კონსულტაციას კოლეგებთან თუ გაივლით, ისინი აუცილებლად დაგეხმარებიან და თქვენთვის ძალისხმევას არ დაიშურებენ. დღეს მიხვდებით, რომ შეიძლება გვერდით მყოფ ადამიანებს დაეყრდნოთ. გირჩევთ, საღამოს მობილური ტელეფონი გამორთოთ და საყვარელ ადამიანთან ერთად რომანტიკული საღამო მოიწყოთ. ახლა ეს ყველაზე მეტად გჭირდებათ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
