,
რას გვირჩევენ ვარსკვლავები 22 თებერვლისთვის:
ვერძი
გაქვთ რეალური შანსი, შეიცვალოთ სამსახურებრივი პოზიცია ან თქვენი გავლენის სფერო გააფართოოთ. კარგი დღეა ბინის აურის გასაწმენდად, განსაკუთრებით იმ ადგილის, სადაც უმეტეს დროს ატარებთ. ამ მიზნით გამოიყენეთ სანთლები და საკმეველი. წარმატებით განვითარდება ის საქმე, რომელსაც დღეს დაიწყებთ - მთავარია, სიზარმაცემ არ დაგძლიოთ.
კურო
დღე ხელსაყრელი იქნება მუშაობისათვის, რთული ამოცანების გადაჭრისთვის. საერთო ენის გამონახვას შეძლებთ იმ ადამიანებთან, რომლებსაც ადრე არ ეთანხმებოდით. შესაძლებელია, რომ იპოვოთ მოკავშირეები, რომლებიც მზად არიან მხარი დაგიჭირონ თქვენი ყველაზე გაბედული იდეების განხორციელებაში. საყვარელ ადამიანთან ურთიერთობაში მოსალოდნელია ორმხრივი პრეტენზიები. შეეცადეთ, მშვიდად განიხილოთ ყველაფერი.
ტყუპები
ეს დღე უფრო შესაფერისია დამოუკიდებელი მუშაობისთვის, ვიდრე ერთობლივ პროექტებში მონაწილეობისთვის, რადგან ემოციების მოთოკვა დიდი ხნის მოკავშირეებთანაც კი გაგიჭირდებათ. თუმცა,დღე, მთლიანობაში, სერიოზულ პრობლემებს არ მოიტანს. გარდა ამისა, პოზიტიური ტენდენციების გავლენა საღამოსკენ გაიზრდება - მოსალოდნელია სასიამოვნო სიურპრიზი ან კარგი ახალი ამბავი.
კირჩხიბი
ნუ შეგეშინდებათ ცვლილებების, მით უმეტეს, თუ რაიმე ახლის სწავლას ან ახალი სასარგებლო ურთიერთობის დამყარებას შეძლებთ.
მშვიდად მიიღეთ სიახლეები. დრო თქვენზე მუშაობს - მთავარია, ის სწორად გაანაწილოთ და შრომასთან ერთად, დასვენებაც შეძლოთ.
ლომი
პროფესიულ საქმეებში ახალი შესაძლებლობები გამოჩნდება. თუ მოულოდნელად ინიციატივის გამოჩენა მოგიწევთ, გამბედაობა გამოიჩინეთ და თავდაჯერებულად იმოქმედეთ. საღამო განსაკუთრებით ხელსაყრელი იქნება ნებისმიერი სახის - როგორც საქმიანი, ასევე პირადი ურთიერთობებისთვის. ეს დღე შესაფერისია როგორც დიდი შეხვედრებისთვის, ასევე სახლში მეგობრული წვეულებისთვის.
ქალწული
დღის დასაწყისში მოერიდეთ სერიოზული საქმის განხილვას და მნიშვნელოვან საუბრებს. ზოგიერთ ქალწულს ძლიერი ემოციები ხელს შეუშლის ინფორმირებული გადაწყვეტილებების მიღებაში, თუმცა დღის მეორე ნახევარში დადებითი ტენდენციების გავლენა გაიზრდება. ოღონდ, ნუ ცდილობთ, შეიძლება სწრაფად გააკეთოთ ყველაფერი - ყურადღებით დაფიქრდით თითოეულ დეტალზე.
სასწორი
დღეს შესაძლოა, ჩვეულებრივზე მეტი საქმე გამოგიჩნდეთ. არ არის გამორიცხული, სამუშაო დღის გეგმებიც შეიცვალოს გარკვეული გაუთვალისწინებელი მოვლენების გამო. თუ სიმშვიდეს შეინარჩუნებთ, სიტუაციასაც სწრაფად აუღებთ ალღოს და საუკეთესო გადაწყვეტილებას მიიღებთ. თქვენს მაგალითს ბევრი გაჰყვება და მადლიერებიც დაგრჩებიან.
მორიელი
ყურადღება მიაქციეთ იმ ნიშნებს, რომლებსაც ბედი გიგზავნით და ყველაფერში წარმატებას მიაღწევთ. კარგი დღეა ახალი პროექტის დეტალების გასარკვევად. ამისთვის დიდი ძალისხმევა მოგიწევთ და საღამოს შინაგანად და ფიზიკურად ძალიან დაღლილი იქნებით, თუმცა საუკეთესო შედეგი ამად ღირდა. ძალების აღდგენაში სპორტი და დაბალანსებული კვება დაგეხმარებათ.
მშვილდოსანი
ახალმა ნაცნობობამ შეიძლება საინტერესო ბიზნესის კარი გაგიღოთ. ამ დღეს შუდარებლად აქტიური იქნებით და, შესაბამისად, ბრწყინვალედ გაართმევთ თავს პროფესიულ მოვალეობებს. ეცადეთ, კოლეგების მიმართ ნაკლებად კრიტიკული იყოთ - ყველას ხომ არ შეუძლია თქვენსავით სწრაფ ტემპში მუშაობა.
თხის რქა
ეს დღე თქვენს კარიერაში ახალ პერსპექტივებს გააჩენს. შესაძლოა, დაწინაურების წინადადებაც მიიღოთ. იმ შემთხვევაში დათანხმდით, თუ დარწმუნებული ხართ, რომ დამოუკიდებლად მოქმედების უნარი გაქვთ.
იზრუნეთ ჯანსაღ კვებაზე, მით უფრო, თუ ბოლო დროს ცხიმიან და მშრალ საკვებზე ხართ გადასული.
მერწყული
შექმნილი სიტუაცია ახალ მიდგომას მოითხოვს. სამსახურში მოსალოდნელია რთული ვითარება, თუმცა თქვენი კომუნიკაბელურობით და ადამიანების ქმედებების სწორი მიმართულებით წარმართვის უნარით ნებისმიერი პრობლემის მოგვარებას შეძლებთ. ზოგადად ეს დღე ბევრ სასარგებლო რამეს მოიტანს.
თევზები
ხელსაყრელი დღეა კომუნიკაციისთვის. საქმეზე შეთანხმებას მოახერხებთ მათთან, ვისთანაც აქამდე მორიგება გიჭირდათ. ზოგიერთი თევზი შემოსავლის ახალ წყაროს იპოვის.
ვარსკვლავები გაფრთხილებენ, რომ ამ დღეს მაღალია ტრავმის მიღების რისკი. კარგი დღეა საოჯახო საყიდლებისთვის.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
