,
ვერძი (21 მარტი - 19 აპრილი)
სიყვარული: დღეს თქვენი პარტნიორისადმი გულწრფელი ყურადღება ურთიერთობას გაამყარებს. მარტოხელებს კი ახალი ნაცნობობის შანსი აქვთ, რაც დიდხანს გაბედნიერებთ.
კარიერა: ყურადღება მიაქციეთ მოლაპარაკებებსა და დეტალებს, რათა წარმატებით შეასრულოთ სამუშაო.
ჯანმრთელობა: ჯანმრთელობა სტაბილურია, მაგრამ სტრესისგან თავის არიდება აუცილებელია.
ფინანსები: ფინანსური მდგომარეობა გაუმჯობესდება, თუ ხარჯებს აკონტროლებთ.
კურო (20 აპრილი - 20 მაისი)
სიყვარული: კუროებისთვის დღეს სიყვარული ჰარმონიულ ტალღაზეა. დრო საყვარელ ადამიანთან ერთად განსაკუთრებულად სასიამოვნო იქნება.
კარიერა: თქვენი შრომისმოყვარეობა კოლეგებს შთააგონებს. შედეგები მნიშვნელოვანი იქნება.
ჯანმრთელობა: ფიზიკური აქტივობები და ჯანსაღი კვება დღევანდელი დღის აუცილებელი ელემენტებია.
ფინანსები: მოულოდნელი შემოსავალი შესაძლოა გეგმების გაფართოებაში დაგეხმაროთ.
ტყუპები (21 მაისი - 20 ივნისი)
სიყვარული: მარტოხელა ტყუპებს დღეს რომანტიკული თავგადასავალი ელით, ხოლო არსებული ურთიერთობები ახალი იდეებით და ემოციებით შეივსება.
კარიერა: თქვენი ინოვაციური ხედვა დღეს ყურადღების ცენტრში იქნება და წარმატებას მოგიტანთ.
ჯანმრთელობა: მეტი ყურადღება დაუთმეთ დასვენებას და ფიზიკურ განტვირთვას.
ფინანსები: ფული უჩვეულო გზებით შემოვა, თუმცა გონივრულად გაანაწილეთ.
კირჩხიბი (21 ივნისი - 22 ივლისი)
სიყვარული: ემოციური სიღრმის აღნიშვნა თქვენი ურთიერთობის გაძლიერებას მოიტანს. მარტოხელებს კი შესაძლოა მნიშვნელოვანი ნაცნობობა ჰქონდეთ.
კარიერა: სამსახურში ყურადღებით იყავით და გუნდური მუშაობით წარმატებას მიაღწევთ.
ჯანმრთელობა: თავი არ გადაიტვირთოთ. დასვენებისთვის დრო გამონახეთ.
ფინანსები: ფინანსური საკითხები სტაბილურია, მაგრამ დიდი ხარჯებისგან თავი შეიკავეთ.
ლომი (23 ივლისი - 22 აგვისტო)
სიყვარული: თქვენი ენერგია და ქარიზმა პარტნიორს გაახალისებს. მარტოხელებს კი შანსი აქვთ, რომ შთამბეჭდავი შეხვედრა მოხდეს.
კარიერა: სასარგებლო კონტაქტები და ეფექტური კომუნიკაცია წარმატების გარანტია გახდება.
ჯანმრთელობა: ენერგიულობას შეინარჩუნებთ, თუმცა ზომიერად მოეკიდეთ ფიზიკურ დატვირთვას.
ფინანსები: ინვესტიციები კარგი იდეა იქნება, მაგრამ სიფრთხილე გამოიჩინეთ.
ქალწული (23 აგვისტო - 22 სექტემბერი)
სიყვარული: პარტნიორთან გულწრფელობა და გულახდილობა ურთიერთობას გაამყარებს. მარტოხელებს კი საინტერესო ნაცნობობა ელით.
კარიერა: დეტალებზე კონცენტრაცია წარმატებას მოგიტანთ.
ჯანმრთელობა: იზრუნეთ ფსიქიკურ და ფიზიკურ კეთილდღეობაზე.
ფინანსები: ფული გონივრულად განკარგეთ და გრძელვადიანი გეგმები შეიმუშავეთ.
სასწორი (23 სექტემბერი - 22 ოქტომბერი)
სიყვარული: სასწორებისთვის დღეს ურთიერთობაში მეტი სიხარული და გაგება იქნება. მარტოხელებს საინტერესო სიახლე ელით.
კარიერა: გუნდის მხარდაჭერა და ინოვაციური იდეები წარმატებას უზრუნველყოფს.
ჯანმრთელობა: ემოციური ჰარმონია მნიშვნელოვანია, ეცადეთ, რომ სტრესს მოერიდოთ.
ფინანსები: ფინანსური მდგომარეობა გაუმჯობესდება, თუ გონივრულად იმოქმედებთ.
მორიელი (23 ოქტომბერი - 21 ნოემბერი)
სიყვარული: რომანტიკული ურთიერთობები დღეს დადებითი მუხტით იქნება სავსე. მარტოხელებს არაჩვეულებრივი ნაცნობობა ელით.
კარიერა: გამოწვევებს მარტივად მოაგვარებთ და გუნდს შთააგონებთ.
ჯანმრთელობა: ჯანსაღი კვება და კარგი განწყობა ფიზიკურ ენერგიას შეგინარჩუნებთ.
ფინანსები: ფინანსური მდგომარეობა სტაბილურია, მაგრამ ზედმეტი რისკისგან თავი შეიკავეთ.
მშვილდოსანი (22 ნოემბერი - 21 დეკემბერი)
სიყვარული: თქვენი გულწრფელობა და გახსნილობა ურთიერთობას გაამყარებს. მარტოხელებს ახალი თავგადასავალი ელით.
კარიერა: შრომისმოყვარეობა და სწორი ორგანიზაცია წარმატებას მოგიტანთ.
ჯანმრთელობა: ფიზიკურად და ემოციურად ძლიერი იქნებით, თუმცა დაისვენეთ, როცა საჭირო იქნება.
ფინანსები: ფინანსური პოზიცია გაუმჯობესდება, თუმცა მეტი სიფრთხილე არ გაწყენთ.
თხის რქა (22 დეკემბერი - 19 იანვარი)
სიყვარული: ურთიერთობები დღეს სიმშვიდით და მხარდაჭერით იქნება სავსე. მარტოხელებს შესაძლოა მნიშვნელოვანი ნაცნობობა ელოდოთ.
კარიერა: წარმატება გელით, თუ ყურადღებას დეტალებზე გაამახვილებთ.
ჯანმრთელობა: იზრუნეთ ჯანსაღ ცხოვრებაზე და მოერიდეთ გადაღლას.
ფინანსები: ფინანსური სტაბილურობა მოსალოდნელია, მაგრამ დიდი ხარჯებისგან თავი შეიკავეთ.
მერწყული (20 იანვარი - 18 თებერვალი)
სიყვარული: ემოციური გულწრფელობა და სიახლეები თქვენს ურთიერთობას გაამდიდრებს. მარტოხელებს საინტერესო შესაძლებლობა ელით.
კარიერა: ახალი იდეები სამსახურში წარმატებას მოგიტანთ.
ჯანმრთელობა: სტაბილურობა შენარჩუნდება, თუმცა ფიზიკურ დატვირთვას მოერიდეთ.
ფინანსები: ფინანსური მდგომარეობა გაუმჯობესდება, თუ ხარჯებს აკონტროლებთ.
თევზები (19 თებერვალი - 20 მარტი)
სიყვარული: თევზებისთვის დღეს პარტნიორთან დროის გატარება განსაკუთრებულ სიხარულს მოიტანს. მარტოხელებს რომანტიკული სიახლეები ელოდებათ.
კარიერა: თქვენი შემოქმედებითი უნარები სამსახურში დაფასდება.
ჯანმრთელობა: მშვიდი და ენერგიული დღე გელით, მაგრამ დასვენებისთვის დრო გამონახეთ.
ფინანსები: ფინანსური მდგომარეობა სტაბილურია, თუმცა ხარჯებზე ყურადღება გაამახვილეთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
