,
რას გვირჩევენ ვარსკვლავები 21 თებერვლისთვის:
შიშობთ, რომ შეიძლება დავალებას ვერ გაუმკლავდეთ - ამისთვის გამოცდილება, ცოდნა ან უნარები არ გეყოთ. გაითვალისწინეთ, რომ ასეთი ყოყმანი შეიძლება შედეგზე უარყოფითად აისახოს. გირჩევთ, საქმის დაწყებამდე ეჭვები უკუაგდოთ და თუ არ გამოგივათ, დავალება ვინმე სხვას გადააბაროთ.
კურო
ენთუზიაზმი ნამდვილად არ გაკლიათ! საქმე, რომელსაც აკეთებთ, ძალიან მოგწონთ და შედეგის მისაღწევად ძალ-ღონეს არ იშურებთ. პოზიტიური განწყობის წყალობით, დავალებას ადვილად გაუმკლავდებით და უამრავ თანამოაზრეს გაიჩენთ.
ტყუპები
ამბიცია თქვენს მთავარ მამოძრავებელ ძალად იქცევა! ამ დღეს უბრალოდ რაღაცის კეთება კი არა, სხვებზე უკეთ კეთება გსურთ, თანაც ისე, რომ სხვებმა შეამჩნიონ. სწორედ ამიტომ ეს დღე კარიერული წინსვლისთვის შესანიშნავია. ამ მიმართულებით გადადგმული ნებისმიერი ნაბიჯი წარმატებული იქნება, თუმცა ნუ ელით, რომ გარშემო მყოფები თქვენს წარმატებას სიხარულით შეხვდებიან.
კირჩხიბი
როცა ყოველდღე ერთი და იმავეს ყურება და მოსმენა გიწევს, ეს მომაბეზრებელი ხდება. დეპრესიაში რომ არ ჩავარდეთ, ვარსკვლავები გირჩევენ, რომ გარემო შეცვალოთ ან თავად შეცვალოთ. დაიწყეთ გარდერობის განახლება და სახლიდან გადით. ახლა თქვენთვის სუფთა ჰაერის შესუნთქვა ისე აუცილებელია, როგორც არასდროს.
ლომი
ეცადეთ, მეტი პრინციპულობა გამოიჩინოთ. თუ საჭიროა, მაგიდაზე მუშტის დარტყმაც უნდა შეძლოთ. გახსოვდეთ, თუ სიმტკიცეს არ გამოიჩენთ, კონკურენტები თქვენს იდეებსა და დამსახურებებს მიითვისებენ და უკან დახევას გაიძულებენ. ასე რომ, სხვა გზა არ გაქვთ - ან სათადარიგოთა სკამს უნდა შეეგუოთ, ან მტკიცე ხასიათი გამოიჩინოთ და პირველი ადგილი დაიკავოთ.
ქალწული
ამ დღეს თქვენი წარმატება ველოსიპედის ტარებას ჰგავს - რაც უფრო ნელა მიდიხართ, დაცემის საფრთხე მით უფრო მეტია. ასე რომ, აჩქარება აუცილებელია, თუნდაც ამისთვის მთელი ენერგიის მოკრეფა დაგჭირდეთ. თანაც სიჩქარის აკრეფის შემდეგ გაჩერებას დიდხანს ვეღარ შეძლებთ და უამრავ საქმეს გაუმკლავდებით.
სასწორი
დილიდან მთელი ყურადღება სამუშაოზე გაქვთ გადატანილი და ვერანაირი აურზაური საქმეს ვერ მოგწყვეტთ. ვარსკვლავები გირჩევენ, რომ დროულად დაასრულოთ საქმეები, სადაც ყველაფერი თქვენი გადასაწყვეტია. ეს დღე გუნდური მუშაობისთვის არახელსაყრელია - საკუთარ ფიქრებში ჩაფლულს სხვისი ხმა უბრალოდ არ გესმით.
მორიელი
შესაძლოა, ახლობელმა ადამიანმა შეხვედრის გამართვა ორგანიზება გთხოვოთ. არც ისაა გამორიცხული, რომ ამ დღემ თქვენ წინაშე სხვა ამოცანებს დააყენოს, რომლებიც თქვენგან მენეჯერულ უნარებს და ხალხის ჩართულობას მოითხოვს. ნებისმიერ შემთხვევაში, საქმეს გაუმკლავდებით. დიახ, ამას ბევრი ძალა და ნერვები დასჭირდება, მაგრამ შედეგი მოლოდინს გაამართლებს.
მშვილდოსანი
მთელ დღეს პირადი საქმეების მოგვარებას და კონკურენტებთან ბრძოლას დაუთმობთ. შესაძლოა, რომელიღაც კოლეგამ თქვენი „გვერდით გაწევა“ სცადოს. სავარაუდოდ, არაკეთილსინდისიერი ადამიანების თავდასხმის მოგერიებას შეძლებთ. ნებისმიერ შემთხვევაში, ვარსკვლავები გირჩევენ, რომ ძალა მოიკრიბოთ და პოზიციები არ დათმოთ. წინააღმდეგ შემთხვევაში, დაკარგულის დაბრუნება ძნელი იქნება.
თხის რქა
ამ დღეს მთავარი შემაფერხებელი ფაქტორი შედეგის სწრაფად მიღწევის სურვილია. მზად იყავით იმისთვის, რომ აჩქარება საპირისპიროდ იმოქმედებს და მუშაობას შეაფერხებს. საქმეში დაბრკოლებები გელით. სიტუაციის გამოსწორებას მხოლოდ იმ შემთხვევაში შეძლებთ, თუკი თქვენს შინაგან განწყობას გაუმკლავდებით.
მერწყული
ამ დღეს თქვენი დევიზია "მე თვითონ!". არ აპირებთ, რომ ვინმეს რჩევა ან მითითება გაითვალისწინოთ. ამის გამო შეიძლება ბევრს თქვენი გადაწყვეტილება უცნაური და მოულოდნელი ეჩვენოს. სინამდვილეში, ნაჩქარევად არაფერს აკეთებთ და თუ რამე გადაწყვიტეთ, მზად ხართ, რომ პასუხისმგებლობაც აიღოთ. ყველაფერს მარტო გაართმევთ თავს და შესანიშნავ შედეგსაც მიიღებთ.
თევზები
თქვენი წარმატების საიდუმლო თქვენი ორგანიზაციული უნარებია. შეგიძლიათ ადამიანები მართოთ და მათგან სასურველი შედეგი მიიღოთ. ასე რომ, როგორც ორგანიზატორი, კოორდინატორი და ლიდერი უბრალოდ შეუცვლელი ხართ, რაც გარშემო მყოფების თვალში უზარმაზარ უპირატესობას განიჭებთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
