,
♈ ვერძი (21 მარტი – 19 აპრილი)
დღეს ენერგიულად დაიწყებთ, მაგრამ შუადღისკენ ძალა გამოგეცლებათ. ოჯახში შესაძლოა კამათი მოხდეს უმნიშვნელო საკითხზე, მაგრამ საღამოს ყველაფერი დალაგდება. ბიზნესში ახალი შესაძლებლობები გამოჩნდება, მაგრამ ფრთხილად იყავით – ზედმეტმა ენთუზიაზმმა შეიძლება შეცდომა დაგაშვებინოთ.
♉ კურო (20 აპრილი – 20 მაისი)
დღეს პრაქტიკული აზროვნება გადაგარჩენთ. ოჯახის წევრები ცოტათი კონსერვატიულად მოიქცევიან და ცვლილებებს სკეპტიკურად შეხედავენ. ჯანმრთელობის მხრივ ზომიერება დაიცავით კვებაში. სამუშაო ადგილზე ზედმეტი დაძაბულობაა, მაგრამ თუ სიმშვიდეს შეინარჩუნებთ, კონფლიქტს აირიდებთ.
♊ ტყუპები (21 მაისი – 20 ივნისი)
დღეს არ არის იდეალური დღე ურთიერთობებისთვის – ნათქვამმა სიტყვამ შეიძლება არასწორად გაგიგონ. ოჯახში სჯობს ზედმეტი სიურპრიზები არ მოაწყოთ. ფინანსური გადაწყვეტილებები გადადეთ, განსაკუთრებით თუ სპონტანური ხართ. სამსახურში მეტი დაკვირვება დაგჭირდებათ, ვინაიდან დეტალები გადამწყვეტი იქნება.
♋ კირჩხიბი (21 ივნისი – 22 ივლისი)
ემოციური დღე გელით. ოჯახში ერთგვარი სტრესული ფონი იქნება, მაგრამ თქვენი მოთმინება კონფლიქტების აცილებაში დაგეხმარებათ. ჯანმრთელობის მხრივ თავს კარგად იგრძნობთ, თუ გონიერ რეჟიმს დაიცავთ. ბიზნესში ნაჩქარევი გადაწყვეტილებები არ მიიღოთ, რადგან შესაძლოა შედეგი თქვენთვის სასურველი არ აღმოჩნდეს.
♌ ლომი (23 ივლისი – 22 აგვისტო)
დღეს ენერგიული ხართ, მაგრამ ზედმეტი თავდაჯერებულობა არ გარგებთ. ოჯახში ლიდერის პოზიციას დაიკავებთ, მაგრამ სჯობს სხვებსაც მისცეთ აზრის გამოხატვის შესაძლებლობა. კარიერული შესაძლებლობა გამოჩნდება, მაგრამ მისი გამოყენება მხოლოდ იმ შემთხვევაში გამოგივათ, თუ დიპლომატიურად იმოქმედებთ.
♍ ქალწული (23 აგვისტო – 22 სექტემბერი)
დაგეგმილი საქმეები წინ წაიწევს, მაგრამ პატარა შეფერხებები მოსალოდნელია. ოჯახის წევრებთან სჯობს ნაკლები სიმკაცრე გამოიჩინოთ. ბიზნესში შანსი გაქვთ, მაგრამ თუ სიტუაციას ზედმეტად გაანალიზებთ, შეიძლება დრო დაკარგოთ. ჯანმრთელობის მხრივ ზომიერი აქტივობა კარგი იქნება.
♎ სასწორი (23 სექტემბერი – 22 ოქტომბერი)
დღეს ბალანსის დაცვა გაგიჭირდებათ – არ იჩქაროთ დასკვნების გამოტანა. ოჯახში ზედმეტი მგრძნობიარობა გაწუხებთ, რაც მცირე უთანხმოებას გამოიწვევს. სამსახურში ნეიტრალური პოზიცია შეინარჩუნეთ, რათა ზედმეტ დაპირისპირებაში არ გაებათ. ფინანსურად სიფრთხილე გმართებთ – გაუთვალისწინებელი ხარჯები არ გამორიცხოთ.
♏ მორიელი (23 ოქტომბერი – 21 ნოემბერი)
დღეს ინტუიცია დაგეხმარებათ გადაწყვეტილებების მიღებაში. ოჯახში მოსალოდნელია მნიშვნელოვანი საუბარი, რომელიც სამომავლო გეგმებზე იმოქმედებს. სამსახურში სიახლეებია, მაგრამ სანამ რაიმეს გადაწყვეტთ, ჯერ ყველა დეტალი გაარკვიეთ. ფულის საქმეებში ჭკვიანური ნაბიჯების გადადგმა მოგიწევთ.
♐ მშვილდოსანი (22 ნოემბერი – 21 დეკემბერი)
დღეს მოტივირებული ხართ, მაგრამ სიფრთხილე გმართებთ, რომ ზედმეტი ენთუზიაზმი შეცდომებში არ გადაიზარდოს. ოჯახში პატარა გაუგებრობებია, მაგრამ მშვიდი საუბარი ყველაფერს გაარკვევს. ბიზნესში თუ გარისკავთ, შედეგი შეიძლება საინტერესო იყოს, მაგრამ სრული სურათის დანახვა გმართებთ.
♑ თხის რქა (22 დეკემბერი – 19 იანვარი)
დღეს მეტად სერიოზული იქნებით, რაც შესაძლოა სხვებს ზედმეტ სიმკაცრედ მოეჩვენოთ. ოჯახში გირჩევთ მეტი მოქნილობა გამოიჩინოთ. კარიერაში მოთმინება მოგეთხოვებათ – სასურველი შედეგი შესაძლოა იმაზე გვიან მიიღოთ, ვიდრე ელოდით. ფინანსების მხრივ ზომიერება სჯობს.
♒ მერწყული (20 იანვარი – 18 თებერვალი)
დღეს იდეებით სავსე ხართ, მაგრამ გირჩევთ, მათ დაუფიქრებლად ნუ გაახმოვანებთ. ოჯახში ცვლილებები მოსალოდნელია, რაც სჯობს გეგმიურად განახორციელოთ. კარიერაში ახალი პერსპექტივები გამოჩნდება, თუმცა ნუ აჩქარდებით. ფულის ხარჯვას ყურადღება მიაქციეთ – სპონტანურობა არაფერს გარგებთ.
♓ თევზები (19 თებერვალი – 20 მარტი)
დღეს ემოციურად მგრძნობიარე იქნებით. ოჯახის წევრებთან ზედმეტ ემოციებს მოერიდეთ, რათა მცირე უთანხმოება დიდ პრობლემად არ გადაიქცეს. კარიერაში განვითარებისთვის კარგი დროა, მაგრამ სჯობს ზუსტად განსაზღვროთ, რა გსურთ. ბიზნესში ახალი პარტნიორობის შანსია, თუმცა წინასწარ კარგად გააანალიზეთ ყველაფერი.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
