,
ვერძი (21 მარტი – 19 აპრილი)
დღეს რაღაცების დალაგების დღეა – იქნება ეს სახლი, საქმე თუ ურთიერთობები. ოჯახში შეიძლება კამათს ვერ ასცდეთ, მაგრამ თუ გულთან არ მიიტანთ, საღამოს მოლბება სიტუაცია. სამსახურში თავი მოარიდეთ ზედმეტ ინიციატივას – თქვენი მოფიქრებული იდეები დღეს მაინც არავის დააინტერესებს. ბიზნესში ფრთხილად იყავით – პარტნიორის მხრიდან არაკეთილსინდისიერი ნაბიჯი არ არის გამორიცხული.
კურო (20 აპრილი – 20 მაისი)
სახლში სიმშვიდე გაქვთ, მაგრამ გარეთ ზედმეტ ნერვებს დაკარგავთ. ოჯახში სჯობს დღეს ზედმეტ ჩარევას მოერიდოთ, თორემ მტვრევამდე მივა საქმე. ჯანმრთელობას გაუფრთხილდით, განსაკუთრებით ზურგსა და კუნთებს. სამსახურში ბევრი ვალდებულება დაგაწვებათ, მაგრამ დღის ბოლოს შედეგით კმაყოფილი დარჩებით. ბიზნესი ნორმალურად მიდის, ოღონდ გაფრთხილდით – ვიღაც ცდილობს თქვენს ხარჯზე გამდიდრებას.
ტყუპები (21 მაისი – 20 ივნისი)
ბევრი ფიქრი, ცოტა საქმე – ასეთ განწყობაზე ხართ დღეს. ოჯახში ყველაფერი რიგზეა, თუ ზედმეტი ინტრიგების აყოლას არ დაიწყებთ. ჯანმრთელობას გაუფრთხილდით, სტრესი არ გაძლევთ მოდუნების საშუალებას. სამსახურში მოგიწევთ უცხო საკითხებში ჩართვა, რაც ცოტა დაგაბნევთ, მაგრამ ბოლოს მაინც გაართმევთ თავს. ბიზნესში დღეს ახალ პარტნიორებს ნუ ენდობით – ლამაზად ლაპარაკი მარტივია, მაგრამ საქმეს დრო სჭირდება.
კირჩხიბი (21 ივნისი – 22 ივლისი)
დღეს შეიძლება ემოციური გადაღლა იგრძნოთ, განსაკუთრებით ოჯახში. რაღაცის ახსნა მოგიწევთ, რაც გრძნობთ, რომ აღარ უნდა გიხდებოდეთ. ჯანმრთელობას ყურადღება მიაქციეთ, განსაკუთრებით ხერხემალსა და მხრებს. სამსახურში ცვლილებები მოსალოდნელია, მაგრამ ჯერ კიდევ არავინ იცის, ეს კარგია თუ ცუდი. ბიზნესში მოთმინება უნდა მოიკრიბოთ – რაღაც მოლაპარაკებები გაჭიანურდება, მაგრამ საბოლოოდ სასიკეთო იქნება.
ლომი (23 ივლისი – 22 აგვისტო)
დღეს თქვენს მოთმინებას გამოცდიან. ოჯახში მცირე უთანხმოება შეიძლება გაგიჩნდეთ, მაგრამ სჯობს, ზედმეტ ემოციებს არ აჰყვეთ. ჯანმრთელობას რაც შეეხება – გაღიზიანება და ალერგიები გაწუხებთ, ამიტომ სჯობს საკვებზე ყურადღება გაამახვილოთ. სამსახურში ყველაფერი უფრო ნელა მიდის, ვიდრე გსურთ, მაგრამ ნუ იჩქარებთ – ზოგჯერ მოლოდინიც სასარგებლოა. ბიზნესში ინვესტიციებისთვის კარგი დღე არ არის.
ქალწული (23 აგვისტო – 22 სექტემბერი)
თქვენი სიზუსტე და პასუხისმგებლობა დღეს დაგეხმარებათ, მაგრამ მაინც ყველაფერს ვერ დააკონტროლებთ. ოჯახში ყველაფერი მშვიდია, მაგრამ ბავშვები თუ გყავთ, მათთან მეტი მოთმინება გჭირდებათ. ჯანმრთელობის მხრივ ენერგია გაკლდებათ, ამიტომ თავი გადაიტვირთოთ. სამსახურში ბევრი საქმე დაგხვდებათ, მაგრამ ნუ ინერვიულებთ – თქვენზე უკეთ ამას ვერავინ გააკეთებს. ბიზნესში სიტუაცია სტაბილურია, მაგრამ ახლა სჯობს დიდი გადაწყვეტილებები არ მიიღოთ.
სასწორი (23 სექტემბერი – 22 ოქტომბერი)
დღეს ყველაფერში ბალანსს ეძებთ, მაგრამ ზოგიერთი საკითხი მაინც მოგიშლით ნერვებს. ოჯახში მშვიდი ატმოსფეროა, თუმცა საღამოს შეიძლება ვიღაცის ზედმეტი მოთხოვნები დაგღალოთ. ჯანმრთელობა – ნაკლებად მოძრავი დღეა, ამიტომ ცოტა ვარჯიში არ გაწყენთ. სამსახურში შეიძლება ვიღაც თქვენი იდეებით ისარგებლოს, ასე რომ, ყველაფერს ღიად ნუ დააბარებთ. ბიზნესში სჯობს წარსული ვალდებულებები მოაგვაროთ, სანამ ახალს დაიწყებთ.
მორიელი (23 ოქტომბერი – 21 ნოემბერი)
დღეს ცოტა ნეგატიურ ტალღაზე ხართ – რაღაც გაწუხებთ, მაგრამ ვერ არკვევთ, კონკრეტულად რა. ოჯახში მოულოდნელი ახალი ამბავი გაგაოცებთ. ჯანმრთელობის მხრივ ძილის რეჟიმი უნდა მოაწესრიგოთ, თორემ გადაღლილობა მალე თავს იჩენს. სამსახურში შეგიძლიათ გავლენა მოახდინოთ მნიშვნელოვან პროცესებზე, მაგრამ ეს საჭიროებს სიმშვიდეს და სტრატეგიულ მიდგომას. ბიზნესში კონკურენტებისგან სიურპრიზი არ გამორიცხოთ.
მშვილდოსანი (22 ნოემბერი – 21 დეკემბერი)
დღეს თქვენი ენთუზიაზმი შეიძლება სხვებმა ვერ გაიგონ. ოჯახში ყველაფერი რიგზეა, მაგრამ ვიღაცის ზედმეტ მოფერებას თუ არ მოითმენთ, სჯობს მშვიდად გაეცალოთ. ჯანმრთელობა – ენერგია გაქვთ, მაგრამ სჯობს სწორად გადაანაწილოთ. სამსახურში უფროსთან შეხვედრა ან მნიშვნელოვანი გადაწყვეტილება გელით. ბიზნესში კი ფრთხილად იყავით – დღეს გაღებული თანხა შეიძლება უკან ვერ დაიბრუნოთ.
თხის რქა (22 დეკემბერი – 19 იანვარი)
დღეს ცოტა ჩაკეტილი ხართ და სხვებთან კომუნიკაციას თავს არიდებთ. ოჯახში შეიძლება ეჭვები გაგიჩნდეთ, მაგრამ ეს მხოლოდ თქვენი წარმოსახვაა. ჯანმრთელობა – დასვენება გჭირდებათ, რომ ხვალ ნორმალურად იმუშაოთ. სამსახურში ისეთი დღეა, რომ სჯობს ზედმეტ ყურადღებას არ იქცევდეთ. ბიზნესში მოსალოდნელია ახალი შესაძლებლობა, მაგრამ სწრაფი რეაგირება დაგჭირდებათ.
მერწყული (20 იანვარი – 18 თებერვალი)
დღეს თქვენი ექსცენტრიულობა შეიძლება ნერვებზე მოუშალოს ხალხს. ოჯახში გაგიგებენ, მაგრამ ყველას ნუ გააღიზიანებთ. ჯანმრთელობის მხრივ – სტრესის ფონზე თავის ტკივილი შეიძლება შეგაწუხოთ. სამსახურში გელით საინტერესო გამოწვევა, რომელიც დაგაინტერესებთ, მაგრამ დიდ ძალისხმევასაც მოითხოვს. ბიზნესში დღეს კარგი დღეა მოლაპარაკებებისთვის, ოღონდ მოულოდნელ გართულებებს მოემზადეთ.
თევზები (19 თებერვალი – 20 მარტი)
დღეს ემოციური დღეა – რაღაც ამბები შეგაწუხებთ, მაგრამ საღამოს უკვე განწყობა შეგეცვლებათ. ოჯახში სიტუაცია სტაბილურია, თუ თავად არ გაართულებთ. ჯანმრთელობა – ნაკლებად ენერგიული დღეა, ამიტომ თავი ზედმეტ დაძაბვას აარიდეთ. სამსახურში რაღაც ახალს შესთავაზებენ, მაგრამ დაფიქრდით, სანამ დათანხმდებით. ბიზნესში დროა, ძველი ვალები მოაგვაროთ და ახალი გეგმები გაწეროთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
