,
ვერძი (21 მარტი – 19 აპრილი)
დღეს ბევრი გაუგებრობა გელოდება, განსაკუთრებით კომუნიკაციაში. ფრთხილად იყავი დაპირებებთან – შენს სიტყვებს შეიძლება ზედმეტად სერიოზულად აღიქვან.
ოჯახი: საყვარელ ადამიანთან კამათის საფრთხეა, მაგრამ შეგიძლია თავიდან აიცილო, თუ ზედმეტ ემოციებს არ აჰყვები.
ბიზნესი: ფინანსებში სიფრთხილე გმართებს – ახალი ინვესტიციების დრო არ არის.
სიყვარული: შესაძლოა, წარსული ურთიერთობის აჩრდილმა იჩინოს თავი. კარგად დაფიქრდი, გიღირს თუ არა ისევ იმავე გზაზე დადგომა.
კარიერა: თუ ცვლილებები გინდა, ჯერ სიტუაცია კარგად უნდა შეაფასო – რისკიანი ნაბიჯი ახლა შეცდომა იქნება.
სამსახური: ხელმძღვანელობასთან შეხლა-შემოხლა გელის, თუმცა მშვიდი ტონი დაგეხმარება.
კურო (20 აპრილი – 20 მაისი)
ზედმეტმა სიჯიუტემ შეიძლება დღეს ცუდი შედეგები მოგიტანოს. გირჩევ, ცოტა დათმობაზეც იფიქრო.
ოჯახი: გარშემომყოფებმა შეიძლება შენს გადაწყვეტილებებს არ დაუჭირონ მხარი – საკუთარ სიმართლეს მშვიდად დაამტკიცე.
ბიზნესი: ინტერესი და სიმტკიცე სწორი მიმართულებით რომ მიმართო, სერიოზულ შედეგებს მიიღებ.
სიყვარული: ერთი ნაბიჯით უკან დაიხიე და პარტნიორის თვალით შეხედე ურთიერთობას.
კარიერა: ზოგიერთი ახალი შესაძლებლობა მოგეცემა, მაგრამ წინდახედულობა უნდა გამოიჩინო.
სამსახური: შესაძლოა, ახალი მოვალეობები გაწვეს მხრებზე, ამიტომ განაწილება და პრიორიტეტების სწორად დასმა არ გაწყენდა.
ტყუპები (21 მაისი – 20 ივნისი)
დღეს გაორება შეგაწუხებს – ვერ გადაწყვიტავ, რომელ გზას დაადგე. ჯობია ემოციების ნაცვლად ლოგიკა ჩართო.
ოჯახი: ოჯახის წევრები შეიძლება შენს გადაწყვეტილებებს ეჭვის თვალით უყურებდნენ – მშვიდი საუბარი ყველაფერს დაალაგებს.
ბიზნესი: ახლა სწრაფ გადაწყვეტილებებს ნუ მიიღებ – ზოგიერთი შემოთავაზება შეიძლება ძალიან კარგია, რომ სიმართლე იყოს.
სიყვარული: ძველი ნაცნობი შეიძლება ისევ გამოჩნდეს – შენზეა დამოკიდებული, შანსს მისცემ თუ არა.
კარიერა: დიდი გეგმები გაქვს, მაგრამ ჯერ პატარა ნაბიჯებით იმოძრავე.
სამსახური: დღევანდელი დღე კოლეგებთან უთანხმოებას მოგიტანს, ამიტომ სჯობს, ზედმეტი ემოციები შეიკავო.
კირჩხიბი (21 ივნისი – 22 ივლისი)
დღეს ემოციები გადაგღლის – ეცადე, მნიშვნელოვანი გადაწყვეტილებები არ მიიღო.
ოჯახი: ახლობლებთან გულისამაჩუყებელი საუბრები გექნება – სჯობს, გულწრფელი იყო.
ბიზნესი: თუ საკუთარ ძალებში ეჭვი გეპარება, სხვების რჩევა არ გაწყენს.
სიყვარული: რომანტიკული განწყობა გაქვს, მაგრამ პარტნიორი შესაძლოა ასეთივე ხასიათზე არ იყოს.
კარიერა: მოთმინება იქონიე – ყველაფერი ერთ დღეში ვერ მოგვარდება.
სამსახური: შესაძლოა, ზედმეტი პასუხისმგებლობა დაგაკისრონ – სჯობს, ტაქტიანად დაალაგო საქმეები.
ლომი (23 ივლისი – 22 აგვისტო)
დღეს ზედმეტი თავდაჯერებულობა შეიძლება მახე აღმოჩნდეს – ზოგჯერ სხვების მოსმენაც საჭიროა.
ოჯახი: ოჯახის წევრებისგან მხარდაჭერას ნუ მოითხოვ, თუ თავადაც არ უსმენ.
ბიზნესი: კარგი დღეა წარსული შეცდომების გამოსასწორებლად.
სიყვარული: პარტნიორთან დაძაბულობა მოსალოდნელია – ეცადე, არ გაამწვავო.
კარიერა: თუ ახალი გამოწვევები გაქვს, ბოლომდე გაარკვიე, სანამ გადადგამ ნაბიჯს.
სამსახური: ზედმეტი დაპირისპირება არ ღირს – დღეს ჯობია, დინებას მიჰყვე.
ქალწული (23 აგვისტო – 22 სექტემბერი)
დაგეგმილი საქმეები შეიძლება სხვების დაუდევრობამ გაგიფუჭოს – მოთმინება მოიკრიბე.
ოჯახი: დროა, უფრო მეტი დრო დაუთმო საყვარელ ადამიანებს.
ბიზნესი: სანამ ინვესტიციას გააკეთებ, კარგად გადაამოწმე დეტალები.
სიყვარული: თუ შენს მეორე ნახევარს საკმარის ყურადღებას არ აქცევ, შესაძლოა, ეს შენს წინააღმდეგ შემოტრიალდეს.
კარიერა: ახალ იდეებს გულგრილად ნუ მოეკიდები – შეიძლება, მომგებიანი აღმოჩნდეს.
სამსახური: ზედმეტი კრიტიკულობა დაგაზიანებს – შეეცადე, კომპრომისები მოძებნო.
სასწორი (23 სექტემბერი – 22 ოქტომბერი)
დღეს ეცადე, ზედმეტ პასუხისმგებლობას ნუ აიღებ – უკვე საკმარისად ბევრი გაქვს.
ოჯახი: ოჯახის წევრებმა შეიძლება შენგან მეტ ყურადღებას მოითხოვონ – ეცადე, ბალანსი იპოვო.
ბიზნესი: დროა, ძველი ფინანსური ვალდებულებები გადახედო და საჭიროების შემთხვევაში კორექტირება შეიტანო.
სიყვარული: სიფრთხილეა საჭირო – დღეს ზედმეტი გულახდილობა შეიძლება საწინააღმდეგოდ შემოტრიალდეს.
კარიერა: მოერიდე მნიშვნელოვანი გადაწყვეტილებების მიღებას, თუ კარგად არ გაქვს გაანალიზებული შედეგები.
სამსახური: ერთდროულად რამდენიმე საქმეზე გადართვა შენს პროდუქტიულობას შეამცირებს – ეცადე, პრიორიტეტები სწორად გაანაწილო.
მორიელი (23 ოქტომბერი – 21 ნოემბერი)
დღეს შენი ინტუიცია ზედმეტად გამძაფრებულია – მაგრამ ყველაფერს ნუ დაუჯერებ, რაც თავში მოგდის.
ოჯახი: შესაძლოა, ოჯახის წევრები შენს გეგმებს სკეპტიკურად შეხვდნენ – არ ღირს ნერვიულობა.
ბიზნესი: წარმატების მიღწევა შესაძლებელია, მაგრამ სხვისი შეცდომების გამოსწორება არ არის შენი საქმე.
სიყვარული: შეიძლება, საყვარელ ადამიანთან გაუგებრობა მოხდეს – მოთმინება არ გაწყენდა.
კარიერა: ზოგჯერ ჯობია, ნაკლებად ილაპარაკო და მეტს აკეთო – დღეს ეს პრინციპი გამოგადგება.
სამსახური: თუ კონფლიქტს ვერ აარიდებ თავს, ეცადე, ემოციები მოთოკო.
მშვილდოსანი (22 ნოემბერი – 21 დეკემბერი)
საკუთარ აზრებში გარკვევის დროა – დღეს ზედმეტმა ინფორმაციულმა გადატვირთვამ შეიძლება გონება დაგიბინდოს.
ოჯახი: ოჯახის წევრების რჩევები შეიძლება შენთვის სასარგებლო აღმოჩნდეს – არ დაიგნორო.
ბიზნესი: თუ ფინანსურად სტაბილურობა გინდა, ახლა ზედმეტ რისკებზე უარი უნდა თქვა.
სიყვარული: ახალი ნაცნობობა შეიძლება საინტერესო გახდეს, მაგრამ არ იჩქარო სერიოზული ნაბიჯების გადადგმა.
კარიერა: კარიერული წინსვლა შენს მოთმინებასა და სწორი არჩევანის გაკეთებაზეა დამოკიდებული.
სამსახური: შესაძლოა, კოლეგებთან იდეის გაზიარება მოგიწიოს – დარწმუნდი, რომ კარგად გაქვს მომზადებული არგუმენტები.
თხის რქა (22 დეკემბერი – 19 იანვარი)
მთელი დღე იმაზე ფიქრში გაგივლის, სწორ გზას ადგახარ თუ არა – ზედმეტად ნუ დაიტვირთავ თავს.
ოჯახი: ოჯახის წევრებთან სერიოზული საუბრები გელის – სჯობს, არ გადადო.
ბიზნესი: მცირე, მაგრამ მნიშვნელოვანი ცვლილებები უნდა განახორციელო, რომ სტაბილურობა შეინარჩუნო.
სიყვარული: ემოციებს ნაკლებად ენდე და ფაქტებზე დაფუძნებული გადაწყვეტილებები მიიღე.
კარიერა: ბევრი შესაძლებლობა გაქვს, მაგრამ ჯერ დეტალები უნდა გადაამოწმო.
სამსახური: შესაძლოა, უფროსობისგან ახალი დავალებები მიიღო – შეეცადე, პასუხისმგებლიანად მიუდგე.
მერწყული (20 იანვარი – 18 თებერვალი)
დღეს მნიშვნელოვანი ინფორმაცია შეგიძლია მიიღო – უბრალოდ ყურადღებით უნდა იყო.
ოჯახი: საყვარელი ადამიანები შენგან მეტი ყურადღების გამოჩენას ელიან – დროა, მათზე ფიქრს მეტი დრო დაუთმო.
ბიზნესი: საინტერესო შესაძლებლობები გამოჩნდება, მაგრამ ნუ იჩქარებ საბოლოო გადაწყვეტილების მიღებას.
სიყვარული: დღეს შენი მომხიბვლელობა განსაკუთრებით იგრძნობა – კარგი დროა ახალი ნაცნობობისთვის.
კარიერა: მეტი ინიციატივის გამოვლენა არ გაწყენდა – უფროსობას მოსწონს მიზანდასახული ადამიანები.
სამსახური: შესაძლოა, ახალი თანამშრომლების ჩართვა დაგჭირდეს პროექტებში – კარგად უნდა შეაფასო, ვინ რისი გამკეთებელია.
თევზები (19 თებერვალი – 20 მარტი)
დღეს ემოციური ფონი ძალიან ძლიერი იქნება – ეცადე, ყველაფერს ფილტრის გარეშე არ აღიქვა.
ოჯახი: საყვარელ ადამიანთან გულწრფელი საუბარი ბევრ გაუგებრობას აგარიდებს.
ბიზნესი: თუ აქამდე რაიმე მნიშვნელოვანი პროექტი შეჩერებული გქონდა, ახლა მისი გაგრძელება შეიძლება.
სიყვარული: ახალი სიმპათიები გამოჩნდება, მაგრამ ჯერ საკუთარ გრძნობებში უნდა გაერკვე.
კარიერა: თუკი არ ხარ კმაყოფილი არსებული ვითარებით, დროა, გამოსავლის ძიება დაიწყო.
სამსახური: შესაძლოა, მოულოდნელი ცვლილებები მოხდეს – მთავარია, სიმშვიდე შეინარჩუნო.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
