,
რას გვირჩევენ ვარსკვლავები 2 დეკემბრისთვის:
ვერძი (21 მარტი - 20 აპრილი)
მთელი დღე ოცნებებში დაფრინავთ და რეალობის დანახვას თავს არიდებთ. ვარსკვლავები გირჩევენ, მიწაზე დაეშვათ და ფინანსურად მომგებიან საკითხებს მეტი ყურადღება მიაქციოთ. თუ ცვლილებებზე და სიახლეებზე ფიქრობთ, ახლად გაცნობილ ადამიანს ესაუბრეთ ან ეგზოტიკურ რესტორანს ეწვიეთ.
კურო (21 აპრილი - 21 მაისი)
ამ დღეს სამუშაოზე ყურადღების კონცენტრირება ადვილი არ არის. ეიფორია და რომანტიკული განწყობა მუშაობაში ხელს გიშლით. ეცადეთ, თქვენი ყოველდღიური რუტინა კონკურენციის ჟინით უფრო საინტერესო გახადოთ. ხელს ნუ კრავთ ადამიანს, ვისაც თქვენი დახმარება სჭირდებათ. დღის მეორე ნახევარში შეგიძლიათ მოდუნდეთ და დაისვენოთ.
ტყუპები (22 მაისი - 21 ივნისი)
იმდენი საქმე გაქვთ, რომ არ იცით, საიდან დაიწყოთ. გირჩევთ, დიდი ამოცანები პატარა ნაწილებად დაყოთ და ეტაპობრივად შეასრულოთ. ეცადეთ, ძვირფასი დრო არაფრისმომცემ საუბარში არ დაკარგოთ. ნუღარ ფიქრობთ წარსულის შეცდომებზე - ახლა თვითკრიტიკა არაფერში დაგეხმარებათ.
კირჩხიბი (22 ივნისი - 22 ივლისი)
ამ დღეს რთულ საქმეებთან გამკლავება გაგიჭირდებათ, ამიტომ თუ შესაძლებელია, რამდენიმე დღით გადადეთ, დღეს კი ის აკეთეთ, რაც ნამდვილად მოგწონთ და გსიამოვნებთ. ვარსკვლავები გვირჩევენ, რომ ცვლილებების არ შეგეშინდეთ და მათში დადებითი მხარეები იპოვოთ. შესაძლოა ისეთ ადამიანთან მოგიწიოთ ურთიერთობა, რომელიც არ მოგწონთ, მაგრამ ეცადეთ, თქვენი დამოკიდებულება ვერავინ შენიშნოს.
ლომი (23 ივლისი - 23 აგვისტო)
შესანიშნავი დღეა სამომავლო გეგმებზე და პრიორიტეტებზე ფიქრისთვის. მოერიდეთ ახალი საქმის დაწყებას, სანამ ძველი არ დაგისრულებიათ. ნუ ელით, რომ პრობლემებს ვინმე მოგიგვარებთ, თუ სასიკეთო ცვლილებები გსურთ, თავად უნდა იმოქმედოთ. გათავისუფლდით მავნე ჩვევებისგან - დროა ვარჯიში და ჯანსაღი კვება დაიწყოთ.
ქალწული (24 აგვისტო - 23 სექტემბერი)
მშვენიერი დროა ინტერიერის შესაცვლელად. ოჯახური სიმყუდროვე და კომფორტი თქვენს განწყობაზე დადებითად აისახება. ნუ გადაიღლებით, რათა ჯანმრთელობის პრობლემები არ შეიქმნათ. საყვარელ ადამიანთან ურთიერთობაში არსებულ პრობლემას ძვირფასი საჩუქრით ვერ მოაგვარებთ - თქვენგან რაღაც ბევრად უფრო სერიოზულს ელის.
სასწორი (24 სექტემბერი - 23 ოქტომბერი)
ეცადეთ, ეს დღე საინტერესო ადამიანების გარემოცვაში გაატაროთ, ვინც ოპტიმიზმით აგავსებთ. მათგან შეიძლება საინტერესო იდეა ან წინადადება მოისმინოთ, რომელიც მოგვიანებით წარმატებით განხორციელდება. შეზღუდეთ უსარგებლო ურთიერთობები - არაკეთილსინდისიერ ადამიანებზე დასაკარგი დრო არ გაქვთ.
მორიელი (24 ოქტომბერი - 22 ნოემბერი)
ხელსაყრელი დღეა რთული პროფესიული საკითხების მოსაგვარებლად. შანსი გაქვთ, რომ ოპონენტებთან საერთო ენა იპოვოთ და კონკურენტები მხარდამჭერებად აქციოთ. მოერიდეთ უსარგებლო ნივთების შეძენას, რათა ფინანსური პრობლემები არ შეგექმნათ. მოინახულეთ ადამიანი, რომელიც დიდი ხანია, გენატრებათ
მშვილდოსანი (23 ნოემბერი - 21 დეკემბერი)
დღეს იგრძნობთ, რომ თქვენს ცხოვრებაში გარკვეული ცვლილებები გამოჩნდა.წარმატებისკენ ნაბიჯ-ნაბიჯ გააგრძელეთ სიარული და საკუთარი თავის რწმენა არცერთ მომენტში არ დაკარგოთ. წარმატებისთვის საჭირო ყველა თვისება და უნარი გაქვთ. მშვენიერი დღეა საპირისპირო სქესის წარმომადგენლებთან ურთიერთობისა და რომანტიკული პაემნებისთვის.
თხის რქა (22 დეკემბერი - 20 იანვარი)
ამ დღეს რაიმე მოვლენის ან ადამიანის მიმართ აზრს ან დამოკიდებულებას რადიკალურად შეიცვლით. ამ დღეს მნიშვნელოვან გადაწყვეტილებებს ნუ მიიღებთ, რადგან შეიძლება მალე ინანოთ. ეცადეთ ოპონენტის მიმართ მეტი ტაქტი და თავაზიანობა გამოიჩინოთ და მის თვალსაზრისს პატივი სცეთ. ფინანსურ საკითხებში არ გარისკოთ, ახლა ამის გაკეთება არ შეიძლება.
მერწყული (21 იანვარი - 18 თებერვალი)
უმჯიბესია, ამ დღეს გარედან დამკვირვებლის პოზიციას დასჯერდეთ და პროცესების მიმდინარეობაში არ ჩაერიოთ. გამოცდილი ადამიანების რჩევები და მოსაზრებები მომავალში ძალიან გამოგადგებათ. გირჩევთ გადაუდებელი საქმეების სია შეადგინოთ და ეტაპობრივად განხორციელებას შეუდგეთ. რაც მთავარია, ეცადეთ დაძაბული სიტუაციები უფრო მეტად არ გაამწვავოთ.
თევზები (19 თებერვალი - 20 მარტი)
ახალი შეგრძნებების ძიებამ შეიძლება უსიამოვნო ისტორიაში გაგხვიოთ. ფრთხილად იყავით ახალ ნაცნობებთან ურთიერთობაში და მოერიდეთ საეჭვო შეთავაზებებს. ვარსკვლავები გირჩევენ, რომ საკუთარ ჯანმრთელობას მეტი ყურადღება მიაქციოთ და ის აკეთოთ, რაც ნამდვილად გიზიდავთ. დასკვნების გამოტანა არ უნდა იჩქაროთ - უმჯობესია სიტუაციის განვითარებას დააკვირდეთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
