,
რას გვირჩევენ ვარსკვლავები 19 თებერვლისთვის:
კურო
ამ დღეს ცდილობთ, რომ გარშემო ყველა და ყველაფერი აკონტროლოთ. თუ ვინმე ან რამე თქვენი კონტროლის ზონიდან გადის, ამას პირად შეურაცხყოფად აღიქვამთ! ზოგადად ვიღაცების ქმედებებზე ზედმეტად ემოციური და მკვეთრი რეაქციები გაქვთ. განსაკუთრებით მაშინ, როდესაც ის ვიღაც ცდილობს, რომ თქვენი წინსვლა შეაფერხოს.
ტყუპები
ამ დღეს საყოველთაო მიზიდულობის ცენტრად იქცევით! ადამიანები თავიანთ პრობლემებს, სიხარულს და საზრუნავს გიზიარებენ და ხშირ შემთხვევაში, მათ რეალურ დახმარებას გაუწევთ. თქვენი სიკეთე აუცილებლად დაფასდება - შესაძლოა, ამ დროს მონათესავე სულს შეხვდეთ.
კირჩხიბი
არავითარ შემთხვევაში არ ჩაერთოთ კონფლიქტში, განსაკუთრებით იმაში, რომელიც ძალაუფლებისთვის ბრძოლას წააგავს! კიდეც რომ გაიმარჯვოთ, ეს წარმოსახვითი გამარჯვება იქნება - დროთა განმავლობაში, დამარცხებული ძალებს მოიკრეფს და შურს იძიებს. ამიტომ სიმშვიდე შეინარჩუნეთ და მოვლენებს შორიდან დააკვირდით.
ლომი
ამ დღეს ყველაზე მეტად სამართლიანობასთან დაკავშირებული საკითხები გაღელვებთ. უკმაყოფილება იმის გამო, როგორც მოგექცნენ და საკუთარი ამ სიმართლის დამტკიცების სურვილი - ამაზე ფიქრი წუთითაც არ გტოვებთ. მებრძოლი სულისკვეთების მიუხედავად, ვარსკვლავები კატეგორიულად გაფრთხილებენ, კამათში ან კონფლიქტში არ ჩაერთოთ. ასეთი აქტივობა მტკივნეული იქნება და აუცილებლად საპირისპირო შედეგამდე მიგიყვანთ.
ქალწული
ახლობელი ადამიანები თავიანთი დარდისა და პრობლემების უდიდეს ნაწილს თქვენ გადმოგაბარებენ და თქვენც სიამოვნებით იტვირთებთ ამ მისიას. პრობლემების ანალიზის დროს არ აპირებთ ვინმეს გრძნობებს ანგარიში გაუწიოთ. თქვენი სიტყვები ლოგიკური, მაგრამ დაუნდობელი იქნება. ასე რომ, სანამ ქალწულს რჩევისა და დახმარებისთვის მიმართავენ, ყველა კარგად უნდა დაფიქრდეს - იქნებ არ ღირს?
სასწორი
თქვენი ლიდერის თვისებები და ორგანიზაციული უნარები გარშემო მყოფებს აიძულებს, რომ თქვენი მხარდამჭერები გახდნენ. ენერგიით სავსე ხართ, მიზანს კარგად ხედავთ და მზად ხართ, ადამიანებს უხელმძღვანელოთ. საქმე, რომელსაც ამ დღეს დაიწყებთ, აუცილებლად სასურველ შედეგამდე მიგიყვანთ. მთავარია, კურსი არ შეცვალოთ და გზიდან არ გადაუხვიოთ.
მორიელი
ამ დღეს დიდი ხნის მანძილზე დაგროვილი საყოფაცხოვრებო პრობლემების მოგვარებას დაუთმობთ. გარდა ამისა, ახლობლები თქვენგან გამუდმებით ითხოვენ დახმარებას და მხარდაჭერას. რამდენიმე ნაწილად ვერ გაიჭრებით, ამიტომ პრიორიტეტების განსაზღვრა და იმის გადაწყვეტა მოგიწევთ, რომელი საქმეა უფრო მნიშვნელოვანი და რომელია ისეთი, რომ მოიცდის.
მშვილდოსანი
კარგი დღეა დასკვნების გასაკეთებლად. ასევე, 19 თებერვალი შესანიშნავია სწავლისთვის, ზოგადად კომუნიკაციისთვის და მეგობრული შეხვედრებისთვის. ამ დღეს შეგიძლიათ თქვენი გადაწყვეტილების სისწორეში ნებისმიერი ადამიანი დაარწმუნოთ. ადამიანების დარწმუნების წარმოუდგენელ ნიჭს ფლობთ, რაც თქვენი თანმიმდევრულობის და ლოგიკური აზროვნების დამსახურებაა.
თხის რქა
გირჩევთ ეს დღეს საკუთარი ფინანსების მოწესრიგებას დაუთმოთ და საკუთარი შემოსავალი და ხარჯები კარგად გამოთვალოთ. იმის მიუხედავად რამდენი ფულია თქვენს საბანკო ანგარიშზე, ცდილობთ ეკონომიურად იცხოვროთ და დანაზოგი რაღაც მნიშვნელოვანი საქმისკენ მიმართოთ. ასევე, ვარსკვლავები გირჩევენ, ძველი ნივთები, რომლებიც თქვენთვის ღირებულებას აღარ წარმოადგენს, გააჩუქოთ - ვიღაცას ისინი ძალიან სჭირდება.
მერწყული
მოსალოდნელია სასიამოვნო ნაცნობობა. ვიღაცაზე წარუშლელ შთაბეჭდილებას მოახდენთ და არ არის გამორიცხული, რომანტიკული ურთიერთობაც კი დაიწყოს. ეს დღე ხელსაყრელია საყიდლებისთვის: უეჭველად შეიძენთ ისეთ რამეს, რაც დიდხანს გამოგადგებათ. საღამოსთვის უმჯობესია არ დაგეგმოთ რამე დამღლელი სამუშაო ან ხანგრძლივი მგზავრობა - ეს საღამო მხოლოდ დასვენებას დაუთმეთ.
თევზები
ამ დღეს თქვენი გამჭრიახობა, ინტუიცია და ლოგიკა ერთნაირად კარგად მუშაობს, რაც საშუალებას მოგცემთ პრობლემების არსს ჩასწვდეთ და სწორი დასკვნები გამოიტანოთ. გარშემომყოფებს შეიძლება მოეჩვენოთ, რომ მათ აზრებს კითხულობთ! მართლაც, რამდენიმე ისეთ ამბავს გაარკვევთ, რასაც თქვენგან გულმოდგინედ მალავდნენ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
