USD 2.7585
EUR 2.9910
RUB 3.0337
თბილისი
ასტროლოგი - რას გვპირდება 19 სექტემბერი?
თარიღი:  3590

რას გვირჩევენ ვარსკვლავები 19 სექტემბრისთვის:

ვერძი (21 მარტი - 20 აპრილი)

ამ დღეს მიიღებთ მხარდაჭერას, რომელსაც დიდხანს ელოდით. შესანიშნავი დროა ნაცნობობისთვის - შეხვდებით ადამიანებს, რომლებიც თქვენი მეგობრები და თანამოაზრეები გახდებიან.

საღამოს შეიძლება სიტუაცია უკონტროლო გახდეს, რაც ძალიან განერვიულებთ და გაღიზიანებთ. გირჩევთ, დინებას მიჰყვეთ - პრობლემები არც ისე სერიოზულია, როგორც თქვენ ფიქრობთ.

კურო (21 აპრილი - 21 მაისი)

ყურადღებით იყავით - ეს ბევრად უფრო მნიშვნელოვანი დღეა, ვიდრე შეიძლება ერთი შეხედვით ჩანდეს. დააკვირდით თქვენ გარშემო განვითარებულ მოვლენებს - თუ სწორ დასკვნებს გამოიტანთ, მომავალში ბევრ პრობლემას აიცილებთ თავიდან.

სანამ ახალ საქმეს დაიწყებთ, დარწმუნდით, რომ საყვარელი ადამიანები მხარს დაგიჭერენ. თუ დახმარება არა, რჩევები და გამამხნევებელი სიტყვები აუცილებლად დაგჭირდებათ.

ტყუპები (22 მაისი - 21 ივნისი)

თუ ღრუბლებიდან მიწაზე დაეშვებით და სიტუაციას ობიექტურად შეაფასებთ ,ამ დღის სირთულეების გადალახვა გაგიადვილდებათ. თავიდან დამოუკიდებლად მუშაობა მოგიწევთ, მოგვიანებით მოკავშირეები დაგეხმარებიან.

სავარაუდოდ, ამ დღის სიახლეები არ მოგეწონებათ. დასკვნების გამოტანას ნუ იჩქარებთ - მალე მიხვდებით, რომ ყველაფერი არც ისე ცუდადაა.

კირჩხიბი (22 ივნისი - 22 ივლისი)

მოსალოდნელია სიურპრიზები, მათ შორის ძალიან სასიამოვნო. პლანეტების განლაგება დაგეხმარებათ, ისეთ შედეგს მიაღწიოთ, როგორზეც ვერასოდეს იოცნებებდით. ენდეთ საკუთარ ინტუიციას - ის ამ დღეს ნამდვილად არ გიღალატებთ.

ამ დღეს თავში ბევრი ახალი იდეა მოგივათ და მათი განხორციელების საშუალება უახლოეს მომავალში მოგეცემათ.

ლომი (23 ივლისი - 23 აგვისტო)

დღის პირველ ნახევარში ფრთხილად უნდა იყოთ - გირჩევთ, ამ დროს მნიშვნელოვანი არაფერი გააკეთოთ. მოგვიანებით, პროფესიული საქმიანობისთვის ხელსაყრელი დრო დადგება და ფულის გამომუშავების შანსიც მოგეცემათ.

ხელსაყრელი დღეა ინვესტიციებისთვის. ნუ შეგეშინდებათ პასუხისმგებლობის აღება - ინტუიცია დაგეხმარებათ, მოვლენების განვითარება იწინასწარმეტყველოთ.

ქალწული (24 აგვისტო - 23 სექტემბერი)

გარკვეული სირთულეების მიუხედავად, ეს დღე კარგად ჩაივლის. ოპტიმიზმი და კარგი განწყობა პრობლემებთან გამკლავებაში დაგეხმარებათ. კოლეგებთან და ბიზნესპარტნიორებთან ურთიერთობას ადვილად დაამყარებთ.

ზოგი ქალწული მაცდურ შეთავაზებას მიიღებს, რომელიც საინტერესო პერსპექტივას გაუხსნის. პირადი პრობლემების გადაჭრა დიდ დროს წაგართმევთ, თუმცა ეს თქვენთვის პრობლემას არ წარმოადგენს.

სასწორი (24 სექტემბერი - 23 ოქტომბერი)

ეცადეთ, შესაძლებლობა გამოიყენოთ - პერსპექტიული ნაცნობობა შეიძლება ხანგრძლივ ურთიერთობაში გადაიზარდოს. სავარაუდოდ, ეს რომანტიკული ურთიერთობა იქნება, თუმცა უყურადღებოდ არც მეგობრული და საქმიანი კავშირები უნდა დაგრჩეთ.

ამ დღეს დაწყებული ურთიერთობა შეიძლება ძალიან სასარგებლო იყოს და თქვენს ცხოვრებაში მნიშვნელოვანი როლი შეასრულოს.

მორიელი (24 ოქტომბერი - 22 ნოემბერი)

შესანიშნავი დღეა ახალი ცოდნისა და სასარგებლო გამოცდილების მისაღებად. გირჩევთ, ნებისმიერი ინფორმაცია, რომელსაც ამ დღეს მიიღებთ, რამდენჯერმე გადაამოწმოთ. ამ დღეს დაწყებული საქმიანი ურთიერთობა მრავალი წლის განმავლობაში გაგრძელდება და თქვენს კარიერულ ზრდას დაეხმარება.

შესაძლოა, ამ დღეს საერთო ენა მათთანაც კი იპოვოთ, ვისთანაც ბოლო დროს ვერ თანხმდებოდით.

მშვილდოსანი (23 ნოემბერი - 21 დეკემბერი)

ამ დღეს მცირე ძალისხმევით შეიძლება უდიდეს წარმატებას მიაღწიოთ. შრომისმოყვარე და მონდომებული ადამიანი ხართ, რაც დაგეხმარებათ, შესანიშნავი შედეგი მიიღოთ იქ, სადაც სხვებმა ვერ შეძლეს.

პირად ცხოვრებაში შეიძლება მნიშვნელოვანი გადაწყვეტილების მიღება მოგიწიოთ. სიტუაციას სწორად აფასებთ, კარგად გესმით, რა გსურთ და იცით, სასურველს როგორ მიაღწიოთ. შორეული ნათესავებისგან მიიღებთ ცნობას, რომელსაც დიდი ხანია ელოდით.

თხის რქა (22 დეკემბერი - 20 იანვარი)

ძალიან ნაყოფიერი დღეა. შრომისმოყვარეობისა და მონდომების წყალობით ნებისმიერ ამოცანას გაუმკლავდებით. ზოგჯერ სიტუაცია არასტანდარტული მეთოდების გამოყენებას მოითხოვს, მაგრამ ეს არ გაშინებთ - ექსპერიმენტები მოგწონთ.

თუ ცოტა ხნის წინ ვინმესთან იჩხუბეთ, მშვიდობის დამყარებისთვის საუკეთესო დღეა.

 მერწყული (21 იანვარი - 18 თებერვალი)

გირჩევთ, მოსაწყენი საქმეების კეთება სამომავლოდ გადადოთ და ამ დღეს მხოლოდ ის აკეთოთ, რაც ნამდვილად გაინტერესებთ - თქვენი ნიჭი შეუმჩნეველი არ დარჩება.

გირჩევთ საკუთარ გრძნობებზე გულახდილად ისაუბროთ - ეს მიმზიდველობას გმატებთ. ნებისმიერი ახალი ნაცნობობა, რომელიც ამ დღეს დაიწყება, დიდხანს გაგრძელდება. შეიძლება ისეთი არ აღმოჩნდეს, როგორსაც ელოდით, მაგრამ უამრავ სასიამოვნო ემოციას მოგიტანთ.

თევზები (19 თებერვალი - 20 მარტი)

სახლში და სამსახურში უამრავი საქმე გაქვთ და ყველაფერი რომ მოასწროთ, დასვენებაზე და მეგობრულ შეხვედრებზე უარის თქმა მოგიწევთ, მაგრამ ეს დიდხანს არ გაგრძელდება - თავს შესანიშნავად იგრძნობთ, როდესაც საკუთარი საქმიანობის შედეგებს ნახავთ.

თქვენმა გულგრილობამ და თავშეკავებამ შეიძლება საყვარელი ადამიანი გააღიზიანოს. ეცადეთ, პირადი პრობლემები დროულად მოაგვაროთ, რათა სამომავლოდ ურთიერთობა არ გართულდეს.

ბიზნესი
რას წარმოადგენს ამერიკული BlackRock-ი, რომელიც $10.5 ტრილიონის აქტივებს მართავს?

გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.

ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.

რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?

2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.

აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:

#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)

#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)

#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)

#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)

#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)

#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)

#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)

#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)

#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)

#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)

წყარო:https://bm.ge/

სრულად
გამოკითხვა
ვინ გაიმარჯვებს რუსეთ - უკრაინის ომში?
ხმის მიცემა
სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.