,
♈ ვერძი (21 მარტი - 19 აპრილი)
დღეს ისეთი შეგრძნება გაქვს, თითქოს მთელი სამყარო შენს წინააღმდეგ მოქმედებს, მაგრამ სინამდვილეში, უბრალოდ ცუდად გეძინა. ოჯახში რაღაც გაუგებრობაა – ან ვიღაცას შენი მოთმინების გამოცდა უნდა. სამსახურში ნერვები არ მოიშალო, საქმე სწრაფად გაივლის. ბიზნესში ფრთხილად – ზოგიერთი შეთავაზება ზედმეტად კარგი ჩანს, რომ სიმართლე იყოს. სიყვარულში ცოტა მეტი თავშეკავება აჯობებს – ზედმეტი ემოციები არავის არგებს.
♉ კურო (20 აპრილი - 20 მაისი)
დღეს შენს თავზე ზედმეტად დიდი პასუხისმგებლობა გაწერია, მაგრამ ვერ გააკეთებ ყველაფერს. ოჯახში ყურადღება მიაქციე უფროსებს – შეიძლება რამე ჭირდებათ, მაგრამ არ ამბობენ. სამსახურში სიჩუმე სჯობს – ზედმეტი სიტყვები საქმეს არ შველის. ბიზნესში ახალი იდეა გაგიჩნდება, მაგრამ ფული არ უნდა ჩადო, სანამ დეტალები არ გადაამოწმე. სიყვარულში ცივი გონება გჭირდება – ემოციებმა არ გაგაბრუოს.
♊ ტყუპები (21 მაისი - 20 ივნისი)
დღეს ბევრი ლაპარაკის დღეა, მაგრამ მეტი მოსმენა მოგიწევს. ოჯახში ვიღაც ნერვებზე გაწვება, მაგრამ ღიმილით მოიგერიე. სამსახურში ყველაფერი კარგად მიდის, თუ არ დაიწყებ სხვის საქმეში ჩარევას. ბიზნესში არის ერთი კარგი შესაძლებლობა, მაგრამ ყურადღებით უნდა შეამოწმო, ვისთან მუშაობ. სიყვარულში გაწონასწორებული მოქმედება გმართებს – ზედმეტი სპონტანურობა შეიძლება ცუდად შემოგიბრუნდეს.
♋ კირჩხიბი (21 ივნისი - 22 ივლისი)
დღეს ნოსტალგიის ტალღა გეწვევა, მაგრამ წარსულში ჩარჩენა არ ღირს. ოჯახში მშვიდადაა, თუ თავად არ გაართულებ. სამსახურში ზედმეტი საქმე გაწვება, მაგრამ ღირს, რომ მოითმინო – შეიძლება გონივრული ბონუსიც მიიღო. ბიზნესში კონკურენტები გააქტიურდნენ, მაგრამ პანიკა საჭირო არ არის – შენს გზას მიჰყევი. სიყვარულში გამონახე დრო ურთიერთობისთვის – პარტნიორს შენი ყურადღება აკლია.
♌ ლომი (23 ივლისი - 22 აგვისტო)
დღეს ენერგია გაქვს, მაგრამ სწორად უნდა გადაანაწილო. ოჯახში ყურადღებით იყავი – პატარა კონფლიქტები დიდ პრობლემებად არ გადააქციო. სამსახურში შანსია, რომ ახალი პროექტი დაიწყოს, მაგრამ სიფრთხილე გმართებს. ბიზნესში მოერიდე ემოციური გადაწყვეტილებების მიღებას – მხოლოდ ციფრებს ენდე. სიყვარულში ყველაფერი კარგადაა, თუ თავად არ წამოჭრი არარსებულ პრობლემებს.
♍ ქალწული (23 აგვისტო - 22 სექტემბერი)
დღეს სერიოზული ფიქრის დღეა – რაღაც ცვლილებები გჭირდება, მაგრამ ჯერ არ იჩქარო. ოჯახში მეტი სითბო გამოავლინე – შენს სიყვარულს ყოველთვის არ გამოხატავ, და დროა, რომ შეცვალო ეს. სამსახურში ზედმეტი პასუხისმგებლობა გაწუხებს, მაგრამ შენ ეს შეგიძლია. ბიზნესში დეტალებს მიაქციე ყურადღება – წარმატება წვრილმანებშია. სიყვარულში პირდაპირობა სასარგებლოა, მაგრამ ზედმეტად მკვეთრი ნათქვამი დაპირისპირებას გამოიწვევს.
♎ სასწორი (23 სექტემბერი - 22 ოქტომბერი)
დღეს ისეთი დღეა, როცა ოქროს შუალედი უნდა მოძებნო. ოჯახში შეიძლება უცნაური დიალოგი გაიჩაღოს – მშვიდად უპასუხე. სამსახურში ცოტა ნელა იმუშავე – სიჩქარემ შეცდომები არ მოგიტანოს. ბიზნესში ახალი პარტნიორობის შანსი ჩნდება, მაგრამ ჯერ არ იჩქარო. სიყვარულში მშვიდი საუბარი აუცილებელია – ნუ დატოვებ გაურკვევლობას.
♏ მორიელი (23 ოქტომბერი - 21 ნოემბერი)
დღეს შენზეა დამოკიდებული, როგორ განვითარდება მოვლენები. ოჯახში ცოტა დაძაბულობაა – ეცადე, რომ თავი არ აგყვეს. სამსახურში რაღაც ცვლილებები იგეგმება, მაგრამ ჯერ არაფერი ჩანს. ბიზნესში ეჭვიან კონკურენტს შეიძლება ხელი გაეშალოს – ფრთხილად იყავი. სიყვარულში ზედმეტი დრამატიზმი არ გჭირდება – ობიექტურად შეხედე ვითარებას.
♐ მშვილდოსანი (22 ნოემბერი - 21 დეკემბერი)
დღეს სჯობს, მეტი ყურადღება მიაქციო დეტალებს, ვიდრე დიდ გეგმებს. ოჯახში სიმშვიდე და ჰარმონიაა, თუ თავად არ გააფუჭებ. სამსახურში რაღაც ახალი ინფორმაცია გამოგადგება – კარგად მოუსმინე. ბიზნესში სერიოზული წინსვლა გელოდება, მაგრამ მოთმინება გჭირდება. სიყვარულში მეტი გულწრფელობა აჯობებს – თამაშები არაფერს გამოიღებს.
♑ თხის რქა (22 დეკემბერი - 19 იანვარი)
დღეს გგონია, რომ ბევრი რამ შეგიძლია, მაგრამ სჯობს, ნელ-ნელა მიხვიდე მიზნამდე. ოჯახში ბევრი საქმე დაგიგროვდა – ნუ გადადებ. სამსახურში რთული საუბარი გექნება, მაგრამ საბოლოოდ შენს სასარგებლოდ შემოტრიალდება. ბიზნესში რისკიან ინვესტიციებს მოერიდე – ჯერ დრო არ არის. სიყვარულში თუ რამე გაწუხებს, პირდაპირ თქვი და არ დაგროვო.
♒ მერწყული (20 იანვარი - 18 თებერვალი)
დღეს ყველაფერი ისე არ წავა, როგორც გეგმავდი, მაგრამ ნერვიულობა გამოსავალი არ არის. ოჯახში სიმშვიდე შენს ხელშია – ნუ აჰყვები ემოციებს. სამსახურში მცირე გაუგებრობა იქნება, მაგრამ საღი აზრი გიშველის. ბიზნესში რაღაც მოულოდნელი შემოთავაზება გექნება – კარგად აწონ-დაწონე. სიყვარულში ჯობს, ცოტა მეტი მოთმინება გამოიჩინო – არავის უყვარს ზედმეტი კრიტიკა.
♓ თევზები (19 თებერვალი - 20 მარტი)
დღეს ნერვიულობა არ ღირს – რაც უნდა მოხდეს, მაინც მოხდება. ოჯახში შეიძლება ძველი დავალებები შეგახსენონ – მოაგვარე, სანამ გვიან არ არის. სამსახურში რაღაც ახალზე უნდა იფიქრო, მაგრამ ჯერ არ გაბედო გადამწყვეტი ნაბიჯი. ბიზნესში რაღაც შეჩერებულია, მაგრამ ეს დროებითია – ცოტა მოითმინე. სიყვარულში გახსნილობა აუცილებელია – სხვაგვარად გაუგებრობა გარდაუვალია.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
