რას გვირჩევენ ვარსკვლავები 19 ივნისისთვის:

ვერძი (21 მარტი - 20 აპრილი)

დილიდან ერთგვარ გაურკვევლობაში იმყოფებით და საკუთარ შესაძლებლობებში ეჭვი გეპარებათ. სავარაუდოდ, ამის გამო სამუშაოზე ფოკუსირება და შინაგანი შფოთვისგან გათავისუფლება გიჭირთ. თუ ზემოთ თქმულს არ ჩავთვლით, ხელსაყრელი და წარმატებული დღეა. თუ დამშვიდება და სამუშაოზე კონცენტრირება მოახერხეთ, კარიერული წინსვლა გელით.

კურო (21 აპრილი - 21 მაისი)

მოზღვავებული ემოციები მუშაობაში ხელს გიშლით და ყურადღებას გიფანტავთ. ეცადეთ დამშვიდდეთ და საკუთარი შესაძლებლობები ირწმუნოთ. ვარსკვლავების მხარდაჭერით ახალ და რთულ პროექტებსაც კი გაუმკლავდებით, მთავარია შეცდომების თავიდან ასაცილებლად ნებისმიერი ინფორმაცია რამდენჯერმე გადაამოწმოთ.

ტყუპები (22 მაისი - 21 ივნისი)

რთული, მრავალმხრივი ტენდენციებით დატვირთული დღეა. გირჩევთ, შეხვედრები ან მნიშვნელოვანი საქმეები არ დაგეგმოთ. სავარაუდოდ, ახალ გარემოებებთან ადაპტირება და იმის კეთება მოგიწევთ, რაც კარგად არ გამოგდით. ყურადღება მიაქციეთ ჯანმრთელობის მდგომარეობას და საჭიროების შემთხვევაში ექიმს მიმართეთ.

კირჩხიბი (22 ივნისი - 22 ივლისი)

ამ დღეს თამამად შეგიძლიათ გარისკოთ ან ექსპერიმენტები ჩაატაროთ. ეს დაგეხმარებათ, რომ სამსახურში შედეგები გააუმჯობესოთ და საქმე „მკვდარი წერტილიდან“ დაძრათ. ახალი კონტრაქტები და საქმიანი წინადადებები წარმატებული და ფინანსურად მოგებიანი იქნება. გჯეროდეთ საკუთარი თავის და ყველაფერი გამოვა.

ლომი (23 ივლისი - 23 აგვისტო)

ამ დღეს თქვენი პიროვნული თვისებები ნებისმიერ ადამიანს მოხიბლავს. თუ შანსს გამოიყენებთ და მენეჯმენტს მიმართავთ შეიძლება სამსახურებრივი მდგომარეობა გაიუმჯობესოთ. თანამოსაუბრის დარწმუნება და სასურველის მიღებას ისე ახერხებთ როგორც არასდროს. ეცადეთ საღამოს მოდუნდეთ და დაისვენოთ.

ქალწული (24 აგვისტო - 23 სექტემბერი)

ამ დღეს რაც უფრო მეტი ადამიანი გაიგებს თქვენი ნიჭისა და შესაძლებლობების შესახებ, მით მეტი შანსია, რომ მოგებიანი შეთავაზება მიიღოთ. გირჩევთ ახალი იდეები ოჯახთან, კოლეგებთან ან მეგობრებთან განიხილოთ. რთული გადაწყვეტილების მიღება მოგიწევთ, რომელიც გულმოდგინე ფიქრს მოითხოვს.

სასწორი (24 სექტემბერი - 23 ოქტომბერი)

მიზნისკენ მიმავალ გზაზე მონდომებული უნდა იყოთ. პრობლემებთან გამკლავებაში იუმორი და ორიგინალური აზროვნება დაგეხმარებათ. შესაძლოა, გაიცნოთ ადამიანი, რომელიც თქვენს ცხოვრებაში მნიშვნელოვან როლს შეასრულებს. იზრუნეთ საკუთარ ჯანმრთელობაზე და გამონახეთ დრო ფიზიკური ვარჯიშებისთვის.

მორიელი (24 ოქტომბერი - 22 ნოემბერი)

ვარსკვლავები გირჩევენ, რომ ამ დღეს განვითარებული მოვლენები ცივი გონებით და პრაგმატულად შეაფასოთ. თუ საკუთარი გადაწყვეტილების სისწორეში დარწმუნებული არ ხართ, რამდენიმე დღე მოიცადეთ და რჩევა ახლობელ ადამიანებს სთხოვეთ. იგივე ეხება ბიზნესწინადადებებსაც, რომლებსაც სავარაუდოდ, ამ დღეს მიიღებთ.

მშვილდოსანი (23 ნოემბერი - 21 დეკემბერი)

თუ გსურთ, რომ დაგროვილი პრობლემებისგან გათავისუფლდეთ და რთული საქმეები დროულად მოაგვაროთ, სასურველსა და რეალობას შორის ზღვარი უნდა გაავლოთ. თუ ხვდებით, რომ დახმარება გჭირდებათ, რჩევისთვის მეგობრებს ან ნათესავებს უნდა მიმართოთ. ურთიერთობებს გაუფრთხილდით და ეცადეთ, ადამიანებს გული დაუმსახურებლად არ ატკინოთ.

თხის რქა (22 დეკემბერი - 20 იანვარი)

ამ დღეს საქმეზე კონცენტრირება და სწორი გადაწყვეტილებების მიღება გიჭირთ. ნერვიულობა და შინაგანი შფოთვა მუშაობაში ხელს გიშლით, ამიტომ თქვენს ფსიქოლოგიურ მდგომარეობას განსაკუთრებული ყურადღება უნდა მიაქციოთ. ეცადეთ, ემოციები აკონტროლოთ და ცხოვრებას პოზიტიურად უყუროთ.

 მერწყული (21 იანვარი - 18 თებერვალი)

წარმატებული და ნაყოფიერი დღეა. ერთდროულად რამდენიმე პრობლემის მოგვარებას და რთულ სიტუაციებში სწორი გადაწყვეტილებების მიღებას ადვილად ახერხებთ. ეცადეთ, განსაკუთრებული ყურადღება საკუთარ ჯანმრთელობას და წვრილმანებს მიაქციოთ. კარგი იქნება, თუ იმუნიტეტის ამაღლებაზე და ფიზიკური ფორმის გაუმჯობესებაზე იზრუნებთ.

თევზები (19 თებერვალი - 20 მარტი)