,
რას გვირჩევენ ვარსკვლავები 19 დეკემბრისთვის:
ვერძი (21 მარტი - 20 აპრილი)
ეცადეთ, საყვარელ ადამიანებთან მეტი დრო გაატაროთ - ეს მათთან კავშირს გააძლიერებს. შესაძლებლობა გექნებათ მოაგვაროთ ძველი დავა, რომელმაც დიდი ხანია, მოსვენება დაგიკარგათ. ამ დღეს გარშემო მყოფების მიმართ მეგობრული დამოკიდებულების გამოვლენა ისე მნიშვნელოვანია, როგორც არასდროს. ნუ მოდუნდებით - შესაძლოა, სამსახურში საკუთარი პოზიციის დაცვა მოგიწიოთ.
კურო (21 აპრილი - 21 მაისი)
სამსახურში უფროსი თავისი კრიტიკული შენიშვნებით გაღიზიანებთ. შეიძლება ხვდებით კიდეც, რომ ეს პიროვნული დაპირისპირებაა, რადგან იცის, რომ მასზე ძლიერი ხართ და შეიძლება ოდესმე ჩაანაცვლოთ. კამათი და დაპირისპირება გამოსავალი არ არის. თქვენ უნდა მიიღოთ გადაწყვეტილება იმის შესახებ, დარჩეთ და მოითმინოთ თუ სხვა სამსახური მოძებნოთ. საახალწლოდ არ გაგიტაცოთ ფულის ხარჯვამ და ეცადეთ, მეტი მომჭირნეობა გამოიჩინოთ.
ტყუპები (22 მაისი - 21 ივნისი)
შესაძლოა, პირად და პროფესიულ ცხოვრებაში დაბრკოლებებს შეეჯახოთ. ეს დღე შესაფერისია ხელოვნებასთან დაკავშირებული იდეების განხორციელებისთვის. გამორიცხული არ არის, ისეთმა რამემ გაგიტაცოთ, რისი არსებობის შესახებ არც კი იცოდით. თუ რაიმე საქმე წამოიწყეთ, ეცადეთ, დროულად დაასრულოთ და თაროზე არ შემოდოთ. ეს აუცილებელია იმისათვის, რომ უსიამოვნებების მთელი წყება აიცილოთ.
კირჩხიბი (22 ივნისი - 22 ივლისი)
ურთიერთობებისთვის ხელსაყრელი დღეა. მოსალოდნელია ახალი ნაცნობობა, რომელიც თქვენ წინაშე ახალ შესაძლებლობებს გააჩენს. ხშირად საკუთარ თავს ძალიან დიდ მოთხოვნებს უყენებთ და იმაზე მეტს მუშაობთ, ვიდრე გევალებათ. გაითვალისწინეთ, რომ ამან, დამატებითი შემოსავლის გარდა, შეიძლება ჯანმრთელობასთან დაკავშირებული პრობლემები მოგიტანოთ.
ლომი (23 ივლისი - 23 აგვისტო)
შესაძლოა, მოაგვაროთ პრობლემა, რომელიც პირად ცხოვრებას უკავშირდება და თქვენი წარსულიდან მოდის. დასკვნების გამოტანას ნუ იჩქარებთ და საკუთარ თავს ფიქრის დრო მიეცით. ამ დღეს ახალ გარემოებებთან შეგუება მოგიწევთ. ვარსკვლავები თქვენს მხარეს არიან, ამიტომ სიტუაციას მალე მოაგვარებთ. იაქტიურეთ, რომ სასურველს უფრო სწრაფად მიაღწიოთ.
ქალწული (24 აგვისტო - 23 სექტემბერი)
პირად ცხოვრებაში ბედნიერი ხართ, მაგრამ არ დაგავიწყდეთ, რომ წარმატებული ურთიერთობისთვის მხოლოდ მიღება საკმარისი არაა და უნდა გასცეთ კიდეც. მშვიდად იმოქმედეთ და ეცადეთ, მოვლენები არ დააჩქაროთ. მიზნის მიღწევაში საჭირო ადამიანებთან ურთიერთობა დაგეხმარებათ, თუმცა თავადაც შეგიძლიათ კოლეგებს საჭირო რჩევებით და მხარდაჭერით დაეხმაროთ.
სასწორი (24 სექტემბერი - 23 ოქტომბერი)
დღის პირველი ნახევარი პასიური იქნება, ამიტომ საქმეზე კონცენტრირება გაგიჭირდებათ. თუ შესაძლებელია, ყველა მნიშვნელოვანი შეხვედრა და დავალება შუადღისთვის დაგეგმეთ, როდესაც სასიცოცხლო ენერგიით სავსე იქნებით. სასიყვარულო ურთიერთობებში თავდაჯერება გაკლიათ და არ იცით, ეს კავშირი გააგრძელოთ თუ დაასრულოთ. თუ საყვარელი ადამიანი ჯერ არ გყავთ, ეს გაურკვევლობა შეიძლება მეგობრობას შეეხოს. გირჩევთ, ახალი პროექტის დაწყებისგან თავი შეიკავოთ, სანამ ძველ პროექტებს არ დაასრულებთ.
მორიელი (24 ოქტომბერი - 22 ნოემბერი)
იმ მოცულობის სამუშაოს, რომელსაც დღეს გეგმავთ, მარტო ვერ გაუმკლავდებით, ამიტომ თანამოაზრეები უნდა იპოვოთ. სავარაუდოდ, საღამოს უცნაურ ამბავს გაიგებთ და ეცადეთ ეს ინფორმაცია უფრო სერიოზული პრობლემის თავიდან ასაცილებლად გამოიყენოთ. თუ მცირე გაუგებრობებს არ ჩავთვლით, მთლიანობაში კარგი დღეა. საშუალება ექნებათ საინტერესო ადამიანები გაიცნოთ, რომლებიც გამოცდილებას გაგიზიარებენ.
მშვილდოსანი (23 ნოემბერი - 21 დეკემბერი)
შესაძლოა, დაგირეკოთ ადამიანმა, რომელთანაც წარსულში სასიყვარულო ურთიერთობა გაკავშირებდათ. თქვენზეა გადასაწყვეტია, შეხვდებით თუ არა მას. იდეა, რომელიც ამ დღეს თავში მოგივათ, არ დაივიწყოთ და ეცადეთ უახლოეს ხანებში განახორციელოთ. კარგი დღეა საახალწლო არდადეგების დაგეგმვისა და ბიუჯეტის გამოსათვლელად. გვერდს ნუ აუვლით ადამიანს, რომელსაც თქვენი დახმარება და მხარდაჭერა სჭირდება.
თხის რქა (22 დეკემბერი - 20 იანვარი)
ნებისმიერ საქმეში, რომელსაც ამ დღეს ხელს მოჰკიდებთ, წარმატება გელით. შეეცადეთ ეს შანსი გამოიყენოთ და მნიშვნელოვანი პროექტის განხორციელება დაიწყოთ. სავარაუდოდ, ამ დღეს გამოჩნდება ადამიანი, რომელიც თქვენს ცხოვრებაში მნიშვნელოვან როლს შეასრულებს.
მერწყული (21 იანვარი - 18 თებერვალი)
ეს დღე აღმოჩენებით იქნება სავსე და გარემოებები ამ თუ იმ ადამიანს სრულიად სხვა კუთხიდან დაგანახვებთ. გაუზიარეთ თქვენი აზრები მეგობრებს და საყვარელ ადამიანს და დაინახავთ, რამხელა შვებას იგრძნობთ. შეიძლება რაღაც ისეთი გაიგოთ, რაც თქვენს მომავალზე გავლენას მოახდენს. სამსახურში მცირე გაუგებრობა სწრაფად მოგვარდება.
თევზები (19 თებერვალი - 20 მარტი)
თევზები შრომისმოყვარეები არიან და ხშირად ზედმეტად ბევრს მუშაობენ, მაგრამ მნიშვნელოვანია სამუშაოსა და დასვენებას შორის ბალანსის დაცვა შეძლოთ. კარგი იქნება თუ საღამოსთვის მხიარულ ღონისძიებას დაგეგმავთ, სადაც მეგობრებს მოიწვევთ და დროს სასიამოვნოდ გაატარებთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
