რას გვირჩევენ ვარსკვლავები 18 ივნისისთვის:

ვერძი (21 მარტი - 20 აპრილი)

მნიშვნელოვან საკითხებზე ფოკუსირება გიჭირთ. ამ დღეს მხოლოდ ის უნდა აკეთოთ, რაც ყველაზე კარგად გამოგდით. ამ გზით საბედისწერო შეცდომას თავიდან აიცილებთ. გირჩევთ ფინანსური საკითხების მოგვარება სამომავლოდ გადადოთ, წინააღმდეგ შემთხვევაში ზედმეტ ხარჯებს თავიდან ვერ აიცილებთ.

კურო (21 აპრილი - 21 მაისი)

დღის პირველი ნახევარი ხელსაყრელი დროა მნიშვნელოვანი საქმეების მოგვარებისთვის. გირჩევთ დრო დაზოგოთ, მკაფიო გეგმა შეადგინოთ და ეტაპობრივად განახორციელოთ. ასე ჩანაფიქრის მიღწევას ზედმეტი ძალისხმევის გარეშე შეძლებთ. დროა, პირობის შესრულებაზე და ძველი ვალების დაბრუნებაზე იფიქროთ.

ტყუპები (22 მაისი - 21 ივნისი)

თუ ოპტიმიზმით შეხედავთ, რთული და უსიამოვნო საქმეების წარმატებით დასრულებაც შესაძლებელია. სუფთა ჰაერზე სეირნობა ან სპორტდარბაზში ვარჯიში სტრესისა და დაღლილობისგან გაგათავისუფლებთ. ყურადღებით მოუსმინეთ ახალ ინფორმაციებს და შეიძლება თქვენთვის მოგებიანი იდეა მოისმინოთ.

კირჩხიბი (22 ივნისი - 22 ივლისი)

რთული და დაძაბული დღეა. სასურველი შედეგის მისაღწევად ჩვეულზე მეტი ძალისხმევა მოგიწევთ. შეცდომების თავიდან ასაცილებლად მნიშვნელოვანი საქმეების განხორციელება დღის მეორე ნახევრისთვის უნდა გადადოთ. შესაძლოა, ამ დღეს გაიცნოთ ადამიანი, რომელიც მომავალში ძალიან დაგეხმარებათ, ამიტომ გირჩევთ სახლში ნაკლები დრო გაატაროთ.

ლომი (23 ივლისი - 23 აგვისტო)

ამ დღეს სარისკო გადაწყვეტილებების მიღებას და ექსპერიმენტების ჩატარებას უნდა მოერიდოთ. სასურველი შედეგის მიღებას მხოლოდ კარგად ნაცნობი, რუტინული სამუშაოს კეთებით მიიღებთ. გამორიცხული არ არის უსიამოვნო ამბავში გაეხვიოთ. დაუჯერეთ რჩევებს, რომლებსაც თქვენი შინაგანი ხმა გაძლევთ. ნუ დაივიწყებთ საკუთარ გამოცდილებას და წარსულის შეცდომებს. საღამოს რომანტიკული შეხვედრა გელით.

ქალწული (24 აგვისტო - 23 სექტემბერი)

დილით თავს დაძაბულად და გაღიზიანებულად იგრძნობთ. ახლობელ ადამიანებთან ურთიერთობაში გაუგებრობები გელით, მაგრამ ეცადეთ საქმე დაპირისპირებამდე არ მიიყვანოთ. ვარსკვლავები გირჩევენ, მარტოობაში მეტი დრო გაატაროთ.

სასწორი (24 სექტემბერი - 23 ოქტომბერი)

რისკის სიყვარულის გამო შეიძლება ამ დღეს უსიამოვნო სიტუაციაში აღმოჩნდეთ. ვარსკვლავები გირჩევენ, რომ ტრადიციული მეთოდებით და ფრთხილად იმოქმედოთ, განსაკუთრებით უცნობ ადამიანებთან ურთიერთობის დროს. მოერიდეთ ნაჩქარევ დასკვნებს - ხვალ შეიძლება აზრი შეიცვალოთ.

მორიელი (24 ოქტომბერი - 22 ნოემბერი)

ეს დღე ადამიანების დახმარებისთვის არის ხელსაყრელი. გახსოვდეთ, რომ კეთილი საქმეები შეუმჩნეველი არ დარჩება და უკან ორმაგად დაგიბრუნდებათ. სიმშვიდე შეინარჩუნეთ, დააკვირდით საკუთარ სიტყვებს და ემოციებს, რათა კონფლიქტები თავიდან აიცილოთ. ამ დღეს ყველაზე მეტად ახალი ადამიანების გაცნობას და გულწრფელობას უნდა მოერიდოთ.

მშვილდოსანი (23 ნოემბერი - 21 დეკემბერი)

ხელსაყრელი დროა საქმისთვის, რომელიც შთაგონებას და მდიდარი წარმოსახვის უნარს მოითხოვს. გამონახეთ დრო შემოქმედებითი საქმიანობისა და ფილოსოფიისთვის. კარგი იქნება, თუ თანამოაზრეთა გუნდს შეკრებთ და ერთმანეთს იდეებს გაუზიარებთ.

თხის რქა (22 დეკემბერი - 20 იანვარი)

ამ დღეს ინდივიდუალურ საქმიანობაზე წარმატებული გუნდური მუშაობა იქნება. ეცადეთ თანამოაზრე ან დამხმარე იპოვოთ, რომელსაც რთულ დროს დაეყრდნობით. დროა წარსული შეცდომები გააანალიზოთ და დასკვნები გამოიტანოთ. გამორიცხული არ არის, რომ დიდი ხნის წინ დასრულებული სასიყვარულო ურთიერთობა აღადგინოთ.

 მერწყული (21 იანვარი - 18 თებერვალი)

ეცადეთ, ღრუბლებიდან მიწაზე დაეშვათ და თქვენ გარშემო განვითარებულ მოვლენებს პრაგმატული თვალით შეხედოთ. ამ დღეს საშუალება გექნებათ, რომ წარსულის შეცდომები გამოასწოროთ და საქმიანი კავშირები გააძლიეროთ. მიზანსწრაფულობის და მონდომების წყალობით, რთულ პროექტებში წინსვლას შეძლებთ.

თევზები (19 თებერვალი - 20 მარტი)