,
რას გვირჩევენ ვარსკვლავები 17 დეკემბრისთვის:
ვერძი (21 მარტი - 20 აპრილი)
ეს დღე ცვლილებების სურვილს გაამძაფრებს, რაც საკუთარი შესაძლებლობების გამოვლენისთვის შესანიშნავი შესაძლებლობაა. აჩქარებამ და იმპულსურობამ შეიძლება ძალიან დაგაზიანოთ. ეცადეთ, მოთმინება გამოიჩინოთ - ახლა ეს ისე გჭირდებათ, როგორც არასდროს. გახსოვდეთ, საქმეში რამდენ ენერგიასაც ჩადებთ, იმდენი თანხა დაგიბრუნდებათ. სასურველია, რომ სამომავლო გეგმები ოჯახთან და ახლო მეგობრებთან ერთად განიხილოთ.
კურო (21 აპრილი - 21 მაისი)
ამ დღეს შეიძლება ეჭვიანობამ და უნდობლობამ შეგიპყროთ. თქვენი სიჯიუტის გამო თქვენი დარწმუნება თითქმის შეუძლებელია. ნუ იქნებით ზედმეტად დამოკიდებული პარტნიორზე და საკუთარი ინტერესებიც გაითვალისწინეთ. გირჩევთ, კამათის დროს მოწინააღმდეგეზე ზეწოლას მოერიდოთ. სასურველი შედეგის მისაღწევად მეტი მოქნილობა და დიპლომატიური თვისებები გმართებთ.
ტყუპები (22 მაისი - 21 ივნისი)
ყოველმხრივ წარმატებული დღეა. შესაძლოა, გაუმკლავდეთ პრობლემას, რომელიც ადრე გადაუჭრელი ჩანდა. ამ დღეს ექსპერიმენტი ძველ, გამოცდილ მეთოდზე უფრო წარმატებული იქნება. გარშემო მყოფებთან საერთო ენის პოვნას ადვილად მოახერხებთ, არ დაიბნევით და კარგ შთაბეჭდილებას მოახდენთ. შეიძლება შეხვდეთ საინტერესო ადამიანს და მიხვდეთ, რომ ხანგრძლივი და სტაბილური ურთიერთობები არც ისე ცუდია.
კირჩხიბი (22 ივნისი - 22 ივლისი)
დაივიწყეთ ყველაფერი ცუდი, რაც წარსულში მოხდა და ყურადღება მხოლოდ მომავალზე გაამახვილეთ. სამყარო გააძლიერებს თქვენს სწრაფვას ცოდნისა და პიროვნული განვითარებისკენ. სამსახურში მოსალოდნელია ცვლილებები, რომლებიც არ მოგეწონებათ და შეიძლება სამსახურის შეცვლა გადაწყვიტოთ. დღის მეორე ნახევარში სასურველია, ძველი ნივთებისგან ბინის დაცლა დაგეგმოთ.
ლომი (23 ივლისი - 23 აგვისტო)
ძალებითა და ახალი იდეებით სავსე ხართ და თუ არ იზარმაცებთ, მათ განხორციელებასაც შეძლებთ. პირადი ცხოვრებისთვის დრო აღარ გრჩებათ, სამაგიეროდ, პროფესიულ საქმიანობაში ახალ სიმაღლეებს იპყრობთ და კოლეგებს შრომის ნაყოფიერებით აოცებთ. ამ დღეს წვრილმანები მნიშვნელოვან როლს თამაშობს, ამიტომ მეტი ყურადღება უნდა მიაქციოთ.
ქალწული (24 აგვისტო - 23 სექტემბერი)
ამ დღეს საშუალება გექნებათ, ოცნება აისრულოთ - ეს შეიძლება დაწინაურება, წარმატებულ კომპანიაში გადასვლა ან საკუთარი ბიზნესის დაწყება იყოს, მაგრამ მზად იყავით, რომ ამას დიდი ძალისხმევა და მოთმინება დასჭირდება. მნიშვნელოვანია, ყურადღება წვრილმანებზე არ გაგეფანტოთ. ვარსკვლავები გირჩევენ, საქმიანი შეხვედრებისა და დისკუსიებისთვის მოემზადოთ.
სასწორი (24 სექტემბერი - 23 ოქტომბერი)
ამ დღეს რატომღაც დამსაქმებელიც და კოლეგებიც ცდილობენ, რომ იმაზე მეტი საქმის გაკეთებაზე დაგიყოლიონ, ვიდრე გევალებათ. გირჩევთ, პირველ რიგში, საკუთარი მოვალეობები შეასრულოთ და თუ დრო დაგრჩათ, კოლეგებს დაეხმაროთ. მოერიდეთ საეჭვო ადამიანებთან ურთიერთობას და სარისკო საქმეებს, თუნდაც ახლო მეგობრებმა შემოგთავაზონ. ამ დღეს ნებისმიერ საქმეში სიფრთხილე და ყურადღება უნდა გამოიჩინოთ. წინააღმდეგ შემთხვევაში, შედეგებზე პასუხისმგებლობის აღება და სხვა ადამიანების პრობლემების მოგვარება მოგიწევთ.
მორიელი (24 ოქტომბერი - 22 ნოემბერი)
შესაძლოა, ეს დღე ახლობელი ადამიანის პრობლემების მოგვარებას დაუთმოთ. რა თქმა უნდა, გასაჭირში ჩავარდნილი ადამიანის დახმარება მოსაწონია, მაგრამ ნურც საკუთარ ვალდებულებებს დაივიწყებთ. მენეჯმენტთან კარგი ურთიერთობა გაქვთ, რაც შეიძლება კოლეგებისგან დისტანცირების მიზეზი გახდეს. გადაწყვეტილების მიღებისას ეცადეთ, გარშემო მყოფი ადამიანების განწყობა გაითვალისწინოთ.
მშვილდოსანი (23 ნოემბერი - 21 დეკემბერი)
სამსახურში კოლეგებთან განსხვავებული შეხედულებების გამო შეიძლება ვითარება დაიძაბოს და თქვენ ურთიერთობებს გამოცდის გავლა მოუწიოს. ვარსკვლავები გირჩევენ, რომ მთელი ყურადღება საქმეზე მიმართოთ - ეს უახლოეს მომავალში პროფესიულ წარმატებას მოგიტანთ. ადამიანი წარსულიდან თქვენს ცხოვრებაში დაბრუნებას და თქვენი კეთილგანწყობის მოპოვებას ეცდება.
თხის რქა (22 დეკემბერი - 20 იანვარი)
როგორც წესი, პარტნიორს ფრთხილად ირჩევთ, მაგრამ ვარდისფერი სათვალე უნდა მოიხსნათ და ზოგ გადაწყვეტილებას გადახედოთ. ადამიანები იცვლებიან და დროთა განმავლობაში შეიძლება შეხედულებები თქვენც შეიცვალოთ. თუ თქვენი ამჟამინდელი ურთიერთობა არ გაკმაყოფილებთ, ნუ შეგეშინდებათ, რომ ვითარება შეცვალოთ.
მერწყული (21 იანვარი - 18 თებერვალი)
ძალას და დროს არ ზოგავთ და ყველანაირად ცდილობთ, წარმატებას და აღიარებას მიაღწიოთ. ნუ იქნებით საკუთარი თავის მიმართ ზედმეტად მკაცრი და კრიტიკული, თორემ შეიძლება ახლობელი ადამიანები დააფრთხოთ. ზოგჯერ მნიშვნელოვანია, უბრალოდ, მოდუნდეთ და ცხოვრებით ისიამოვნოთ. თუ მარტოხელა ხართ, შესაძლოა ახლო მეგობარმა ან ოჯახის წევრმა საინტერესო ადამიანი გაგაცნოთ. მნიშვნელოვანი გადაწყვეტილებების მიღებისას ენდეთ საკუთარ ინტუიციას და ის სწორ პასუხს გაგცემთ.
თევზები (19 თებერვალი - 20 მარტი)
ამ დღეს დიდი მოცულობით სამუშაოს შესრულება მოგიწევთ და იმდენად დატვირთული იქნებით, რომ თავისუფალ წუთს ვერ იპოვით, თუმცა, ამისთვის აუცილებლად დაჯილდოვდებით. გამორიცხული არ არის კარიერული წინსვლა, რომელზედაც დიდი ხანია, ოცნებობთ. შეეცადეთ უარყოფითი აზრები თავიდან აიცილოთ. გახსოვდეთ, რომ ნებისმიერი ენერგია, რომელსაც ასხივებთ, უკან გიბრუნდებათ. აჩქარება, პრობლემების გარდა, არაფერს მოგიტანთ, ამიტომ მშვიდად და თანმიმდევრულად იმოქმედეთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
