,
რას გვირჩევენ ვარსკვლავები 17 აგვისტოსათვის:
ვერძი (21 მარტი - 20 აპრილი)
თქვენ გარშემო ვითარება სწრაფად იცვლება. ეცადეთ, მიზნისკენ ახალი გზებით იაროთ და ახალი შესაძლებლობები იპოვოთ. ახალი ნაცნობობა სასარგებლო იქნება და ჩანაფიქრის განხორციელებაში დაგეხმარებათ. ამ დღეს მეტი უნდა იაქტიუროთ. ექსპერიმენტების ნუ შეგეშინდებათ. თუ გამჭრიახობას და წინდახედულობას გამოიჩენთ, თქვენი წამოწყება სასურველ შედეგს მოიტანს.
კურო (21 აპრილი - 21 მაისი)
თქვენს ცხოვრებაში ცვლილებების დრო დადგა. ბედი ახალ შესაძლებლობებს გთავაზობთ, რომლითაც აუცილებლად უნდა ისარგებლოთ. ეცადეთ, ურთიერთობებში მეტი მოქნილობა და დიპლომატია გამოიჩინოთ. ვარსკვლავები ფიქრობენ, რომ ამ გზით მეტს მიაღწევთ და სასარგებლო გამოცდილებას მიიღებთ. ახლობელი ადამიანების მიმართ მეტი სითბო და ყურადღება გმართებთ. წყენა დაივიწყეთ, აპატიეთ და მოწყალება გაეცით.
ტყუპები (22 მაისი - 21 ივნისი)
ენერგიით სავსე ხართ და ამ დღეს ურთულესი საკითხების გადაჭრა შეგიძლიათ. თქვენი აქტიურობა შეუმჩნეველი არ დარჩება და მალე სასიკეთო ცვლილებებს მოგიტანთ. გაითვალისწინეთ, რომ საკუთარ თავზე გადაჭარბებული წარმოდგენამ და სხვებზე უფროსობის სურვილმა შეიძლება ურთიერთობებში პრობლემები შეგიქმნათ.
კირჩხიბი (22 ივნისი - 22 ივლისი)
როგორც არ უნდა გაჩქარებდნენ, ამ დღეს ყველაზე მეტად აჩქარებას უნდა მოერიდოთ. ყველაფერს მოასწრებთ, თუ ძალებს რაციონალურად გაანაწილებთ. შეიძლება ახლობელმა ადამიანმა გაწყენინოთ, მაგრამ ეცადეთ, აგრესიით არ უპასუხოთ. პირად ურთიერთობებში თავდაჯერებულად მოქმედებთ და იცით, პარტნიორზე შთაბეჭდილება როგორ მოახდინოთ. ეცადეთ ეს შანსი გამოიყენოთ.
ლომი (23 ივლისი - 23 აგვისტო)
საინტერესო და მოვლენებით დატვირთული დღეა. სასიამოვნო სიურპრიზებისთვის უნდა მოემზადოთ. ახალი ნაცნობობა და შეხვედრები გელით. გარემოებები თქვენ სასარგებლოდ განვითარდება. უმჯობესია, ფინანსური საკითხების მოგვარება სამომავლოდ გადადოთ. თუ გადაწყვეტილების მიღება გიჭირთ, რჩევა საყვარელ ადამიანებს უნდა სთხოვოთ. ამ დღეს ყველაზე მეტად პრობლემების დავიწყება და მშვიდ გარემოში დასვენება გჭირდებათ.
ქალწული (24 აგვისტო - 23 სექტემბერი)
თუ იაქტიურებთ, შეიძლება შესანიშნავ შედეგებს მიაღწიოთ და სასურველი მიიღოთ. იმედს ნუ დაკარგავთ - თუ რაღაც პირველივე ცდაზე არ გამოდის, გირჩევთ სხვა ხერხი მოსინჯოთ. როგორი მაცდურიც არ უნდა ჩანდეს, შეთავაზებას დაუფიქრებლად ნუ მიიღებთ. ეცადეთ რეალობას თვალი გაუსწოროთ და მიხვდებით, რომ ყველაფერი, რაც ბედნიერებისთვის გჭირდებათ, ცხვირწინ გაქვთ.
სასწორი (24 სექტემბერი - 23 ოქტომბერი)
ნაყოფიერი დღეა და განწყობაც შესანიშნავი გაქვთ. რაღაც მოვლენამ შეიძლება გეგმების შეცვლა და ახალ გარემოებებთან ადაპტაცია გაიძულოთ. ვარსკვლავები გირჩევენ, გარეთ, სუფთა ჰაერზე მეტი დრო გაატაროთ და სპორტით დაკავდეთ. გირჩევთ, საკუთარი პრობლემები უახლოეს მეგობართან ერთად განიხილოთ - სავარაუდოდ, მისგან ფასეულ რჩევას მიიღებთ, რომელიც სირთულეების დაძლევაში დაგეხმარებათ.
მორიელი (24 ოქტომბერი - 22 ნოემბერი)
ამ დღეს ბასრ საგნებს და ელექტროხელსაწყოებს უნდა ერიდოთ, რათა რამე არ დაიზიანოთ. უმჯობესია, ეს დღე მშვიდად გაატაროთ და დასვენებით დატკბეთ. თუ ვინმეს არ ეთანხმებით, ეს პირდაპირ უნდა უთხრათ, მაგრამ აგრესიის და უხეშობის გარეშე. ვარსკვლავები მარტოსულ ადამიანებს თავგადასავლებს ჰპირდებიან, შეყვარებულებს კი რომანტიკას. მოერიდეთ სპონტანურ, ნაჩქარევ გადაწყვეტილებებს.
მშვილდოსანი (23 ნოემბერი - 21 დეკემბერი)
ხელსაყრელი დღეა ურთიერთობისას და გულწრფელი საუბრებისთვის. ახალ ნაცნობთან ურთიერთობაში სიფრთხილე უნდა გამოიჩინოთ. პირველი შთაბეჭდილება შეიძლება მცდარი აღმოჩნდეს და იმედგაცრუებული დარჩეთ. შურიან კოლეგებს ყურადღებას ნუ მიაქცევთ, მთავარია, თქვენი საქმიანი თვისებები დამსაქმებლებმა შენიშნონ.
თხის რქა (22 დეკემბერი - 20 იანვარი)
თუ საკუთარ სიმართლეში დარწმუნებული ხართ, ოპონენტთან კამათი არ მოგერიდოთ. ყურადღება მიაქციეთ ადამიანებს, რომლებიც პერსპექტიულ წინადადებას გთავაზობენ. სწორი მენეჯმენტის პირობებში ამან შეიძლება დამატებითი შემოსავალი მოგიტანოთ.
მერწყული (21 იანვარი - 18 თებერვალი)
პოზიტიური ცვლილებები გელით, რომლებიც გარკვეულ მოვლენებზე შეხედულებებს შეგიცვლით და თქვენს ცხოვრებას გააუმჯობესებს. მოერიდეთ საპასუხისმგებლო საქმის დაწყებას და მეტი დრო სასიამოვნო სამუშაოს დაუთმეთ. ამ დღეს ყველაზე მეტად პრობლემებისგან თავის დაღწევა და მშვიდ გარემოში დასვენება გჭირდებათ, ამიტომ ვარსკვლავები გირჩევენ, რომ ტელეფონი გათიშოთ და საღამო სახლში გაატაროთ.
თევზები (19 თებერვალი - 20 მარტი)
ამ დღეს ოჯახური საქმეების კეთება ისე გსიამოვნებთ, როგორც არასდროს. უფრო მეტიც, ის სტრესის მოხსნაში და განწყობის ამაღლებაში დაგეხმარებათ. გირჩევთ, საღამო თავის მოწესრიგებას დაუთმოთ - სტილისტთან წადით, მასაჟი გაიკეთეთ, კარგად გამოიძინეთ და ძალები აღიდგინეთ. ხელსაყრელი დღეა დიდი ხნის წინ გაწყვეტილი ურთიერთობების აღსადგენად. მნიშვნელოვანი საკითხის გადაჭრამდე მოსაფიქრებლად დრო ითხოვეთ და კითხვას მაშინვე ნუ უპასუხებთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
