,
♈ ვერძი (21 მარტი - 19 აპრილი)
დღის მოვლენები: დღეს რაღაცის დანგრევის და თავიდან აშენების სურვილი გექნება – ოღონდ სანამ ჩაქუჩს აიღებ, დაფიქრდი, ღირს თუ არა.
ოჯახი: შენთან კამათს აზრი არ აქვს, მაგრამ ოჯახის წევრები მაინც ეცდებიან – აუღე ტაიმაუტი.
ბიზნესი: დღეს ფულის ხარჯვას უფრო იოლად შეხედავ, ვიდრე მიღებას – ცუდი კომბინაციაა.
სიყვარული: ურთიერთობაში ინტრიგები და გაურკვევლობები გაჩნდება – სიფრთხილე არ გაწყენს.
კარიერა: უფროსს რაღაც სურს, მაგრამ პირდაპირ ვერ გეტყვის – თუ გამოიცნობ, ქულებს დაიწერ.
სამსახური: ენერგია გაქვს, მაგრამ მიმართულება გაკლია – გაწერე პრიორიტეტები.
♉ კურო (20 აპრილი - 20 მაისი)
დღის მოვლენები: გეგმების განხორციელება რთული იქნება, მაგრამ თუ ინატრებ – შეიძლება მაინც არ აგიხდეს.
ოჯახი: გაღიზიანებული ხარ და თუ ახლობლები არ დაგითმობენ, ყველაფერი ფიალიდან გადმოიღვრება.
ბიზნესი: ვიღაცას შენი რესურსების გამოყენება უნდა – თუ არ დაგეგმე, დაგჩრდილავენ.
სიყვარული: ბევრი ლაპარაკი, ცოტა მოქმედება – შენს პარტნიორს მოთმინება მალე ამოეწურება.
კარიერა: ყველაფრის საკუთარ თავზე აღებას შეეშვი – გუნდური მუშაობა სასარგებლოა.
სამსახური: უკეთესი დღეები გქონია, მაგრამ დღეს რაღაც მაინც შეიძლება გამოგივიდეს.
♊ ტყუპები (21 მაისი - 20 ივნისი)
დღის მოვლენები: დღეს ნებისმიერ თემაზე ექსპერტად მოგაჩვენებ თავს, მაგრამ გარშემომყოფები შენს სიყალბეს ამოიცნობენ.
ოჯახი: არავის არ უნდა შენი ჭკუის სწავლება, მით უმეტეს ოჯახის წევრებს.
ბიზნესი: მოულოდნელი იდეა გაგიჩნდება – თუ დროს არ დაკარგავ, შეიძლება რაღაც ღირებული გამოხვიდეს.
სიყვარული: სერიოზულობა დღეს შენთვის უცხო ცნებაა – მოკლედ, ხალისი გექნება.
კარიერა: პატარ-პატარა შეცდომებს ნუ გამოტოვებ – მათ დიდ პრობლემებად გადაქცევა იციან.
სამსახური: კოლეგები უფრო მეტს ელიან შენგან, ვიდრე გაწვდები.
♋ კირჩხიბი (21 ივნისი - 22 ივლისი)
დღის მოვლენები: ემოციურად შებოჭილი ხარ – ასე დიდხანს ვერ გაძლებ, რამე უნდა შეიცვალოს.
ოჯახი: ოჯახი შენგან ყურადღებას მოითხოვს, მაგრამ შენ ამისთვის დრო არ გაქვს.
ბიზნესი: ფინანსური სიტუაცია გაურკვეველია – რისკიან გადაწყვეტილებებს ნუ მიიღებ.
სიყვარული: ყოფილი დაგესიზმრება – ხოდა, ისედაც არ გეყო ნერვიულობა?
კარიერა: თუ გაჩუმდები, რაღაც გადაგივლის, თუ იტყვი – კიდევ უარესი მოხდება.
სამსახური: ბევრი საქმეა, მაგრამ ენთუზიაზმი ნულზე გაქვს.
♌ ლომი (23 ივლისი - 22 აგვისტო)
დღის მოვლენები: დღეს ისეთი ადამიანი შეგახსენებს თავს, ვისზეც დიდი ხნის წინ უარი თქვი.
ოჯახი: შეიძლება მოისმინო სიმართლე, რომელიც არ გაწყობს – მაგრამ ასეა ცხოვრება.
ბიზნესი: ენერგიული ხარ, მაგრამ ეს არ ნიშნავს, რომ გარშემომყოფებიც შენს ტემპში იმუშავებენ.
სიყვარული: თაყვანისმცემლები გყავს, მაგრამ ყურადღების გადანაწილება გიჭირს.
კარიერა: შენი ინიციატივა შეიძლება სხვამ მიიწეროს – ამას ყურადღება მიაქციე.
სამსახური: დღეს ყველა შენს ნერვებზე ითამაშებს – მოთმინება გამოიჩინე.
♍ ქალწული (23 აგვისტო - 22 სექტემბერი)
დღის მოვლენები: შენთვის დეტალები მთავარია, მაგრამ დღეს ჯობია დიდ სურათს შეხედო.
ოჯახი: თუ ზედმეტად კრიტიკული იქნები, შეიძლება საჭირო ადამიანების მხარდაჭერა დაკარგო.
ბიზნესი: ფრთხილად იყავი, რაღაც უცნაური გარიგება გემუქრება.
სიყვარული: ზედმეტი სერიოზულობით ურთიერთობას კლავ.
კარიერა: უფროსი გენდობა, მაგრამ ეს იმას არ ნიშნავს, რომ სამუდამოდ უპირობოდ გაღიარებს.
სამსახური: საქმის გადადება დაგიჯდება.
♎ სასწორი (23 სექტემბერი - 22 ოქტომბერი)
დღის მოვლენები: თავში რაღაც იდეა გიტრიალებს, მაგრამ დრო არ გაქვს მისთვის.
ოჯახი: ოჯახის წევრებთან ურთიერთობა დელიკატურ მიდგომას მოითხოვს.
ბიზნესი: ვინმეს შენთან ფულის ჩადება უნდა – დაფიქრდი, ღირს თუ არა.
სიყვარული: გულის ამრევი რომანტიკა არ გჭირდება – კონკრეტულობა მოგწონს.
კარიერა: თუ კარგი შთაბეჭდილება გინდა დატოვო, მეტი იაქტიურე.
სამსახური: ყველაფერი წესრიგშია, მაგრამ მაინც შიგადაშიგ გაღიზიანებს რაღაც.
♏ მორიელი (23 ოქტომბერი - 21 ნოემბერი)
დღის მოვლენები: შურისძიების გრძნობა გაწუხებს – ფრთხილად, შეიძლება უკან დაგიბრუნდეს.
ოჯახი: ვიღაცას შენი გაღიზიანება უნდა – ნუ აჰყვები.
ბიზნესი: ერთ ნაბიჯში ხარ მოგებიდან, მაგრამ თუ იჩქარებ, შეიძლება კრახით დასრულდეს.
სიყვარული: ურთიერთობა დაძაბულია – ყველაფერს შენც ნუ აბრალებ.
კარიერა: დღეს შენი წარმატება სხვაზეა დამოკიდებული.
სამსახური: დაგეძაბება ურთიერთობა ხელმძღვანელობასთან.
♐ მშვილდოსანი (22 ნოემბერი - 21 დეკემბერი)
დღის მოვლენები: ბევრი გეგმა გაქვს, მაგრამ მცირე ნაწილია რეალური.
ოჯახი: ოჯახის წევრები ცდილობენ მიგახვედრონ რაღაცას, მაგრამ შენ მაინც შენი გზა გაქვს.
ბიზნესი: დღეს კარგი დღეა მოლაპარაკებებისთვის.
სიყვარული: თუ ძალიან გაიმეტებ საკუთარ აზრს, შეიძლება მარტო დარჩე.
კარიერა: დაუფიქრებელი ნაბიჯები ცუდ შედეგს მოგიტანს.
სამსახური: მუშაობ, მაგრამ დაღლა უკვე თვალებში გეტყობა.
♑ თხის რქა (22 დეკემბერი - 19 იანვარი)
დღის მოვლენები: ყველაფერი არ შეგიძლია აკონტროლო – თუნდაც შენ ასე ფიქრობდე.
ოჯახი: გაღიზიანება იქნება, მაგრამ უმჯობესია არ გამოამჟღავნო.
ბიზნესი: კარგი შანსი გაქვს, მაგრამ თუ არ იაქტიურებ, ვერ გამოიყენებ.
სიყვარული: ზედმეტად სერიოზული ხარ – ოდნავ მოდუნდი.
კარიერა: კოლეგები შენს წინააღმდეგ არ არიან, მაგრამ არც ბოლომდე გიჭერენ მხარს.
სამსახური: დიდი გეგმები, მცირე პროგრესი.
♒ მერწყული (20 იანვარი - 18 თებერვალი)
დღის მოვლენები: თითქოს რაღაც ახალ ეტაპზე გადადიხარ, მაგრამ ჯერ არ იცი, კარგია თუ ცუდი.
ოჯახი: ახლობლები შენს მხარდაჭერას ითხოვენ, მაგრამ დღეს შენს თავსაც ვერ უვლი.
ბიზნესი: სარისკო პროექტი გელოდება – ან დიდ ფულს მოიგებ, ან დაკარგავ.
სიყვარული: შენი სპონტანურობა ან გაახალისებს პარტნიორს, ან ნერვებს უშლის – გააჩნია, როგორ გაართმევ.
კარიერა: გადაწყვეტილების მიღება რთული იქნება, მაგრამ ხვალ უფრო რთული გახდება.
სამსახური: საქმეს აკეთებ, მაგრამ გონება სხვაგან გიდგას – ყურადღება დაგჭირდება.
♓ თევზები (19 თებერვალი - 20 მარტი)
დღის მოვლენები: შენი ინტუიცია დღეს ან დაგეხმარება, ან გაგაფუჭებს – გააჩნია, როგორ გამოიყენებ.
ოჯახი: ოჯახში სიტუაცია ჩახლართულია, მაგრამ თუ სიმშვიდეს შეინარჩუნებ, ყველაფერი მოგვარდება.
ბიზნესი: რაღაც პერსპექტიული ჩანს, მაგრამ ბოლომდე არ ენდო – კარგად გადაამოწმე.
სიყვარული: იდუმალებას ინარჩუნებ, მაგრამ ეს შეიძლება მარტოობას მოგიტანოს.
კარიერა: რაღაც დიდ ცვლილებას მოასწავებს, მაგრამ ჯერ აშკარა არ არის.
სამსახური: ყურადღების მოკრეფა გაგიჭირდება – უმჯობესია მექანიკური სამუშაო გააკეთო.
ასე რომ, 16 მარტს ზედმეტი ემოციებით დატვირთვა არ ღირს, პრაგმატულად იმოქმედე და ნაკლებად დაიჯერო ის, რაც ზედმეტად კარგად ჟღერს.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
