,
რას გვირჩევენ ვარსკვლავები 16 აგვისტოსათვის:
ვერძი (21 მარტი - 20 აპრილი)
დღის დასაწყისში გადაღლას და სტრესულ სიტუაციებს უნდა მოერიდოთ - ამ დროს განსაკუთრებით ემოციური ხართ და ნებისმიერი წვრილმანი გაღიზიანებთ. შეიძლება ყველა საქმეს დამოუკიდებლად ვერ გაუმკლავდეთ, მაგრამ თქვენ გვერდით იქნებიან ადამიანები, რომლებიც მხარდაჭერას შემოგთავაზებენ. სავარაუდოდ, იპოვით პასუხებს კითხვებზე, რომლებიც ბოლო დროს ძალიან გაღელვებთ და ყველა შვებით ამოისუნთქავს.
კურო (21 აპრილი - 21 მაისი)
დღის პირველ ნახევარში უთანხმოების თავიდან აცილება გაგიჭირდებათ. ზოგჯერ მათაც კი ეკამათებით, ვისაც აქამდე ყველაფერში ეთანხმებოდით. მოგვიანებით სიტუაცია უკეთესობისკენ შეიცვლება და ახალი შესაძლებლობები გაჩნდება. საღამო საშუალება გექნებათ, რომ ნაცნობ საკითხებს ახლებურად შეხედოთ. გამორიცხული არ არის, შეცვალოთ დამოკიდებულება იმ ადამიანების მიმართ, რომლებიც აქამდე არ მოგწონდათ.
ტყუპები (22 მაისი - 21 ივნისი)
პირად ურთიერთობებში პოზიტიური ტენდენციების გავლენა ჭარბობს. თუ მოინდომებთ, შეიძლება დაასრულოთ უთანხმოება რომელიც დიდი ხნის წარმოიშვა - ძველი წყენა წარსულში დარჩება და აღარასოდეს გაიხსენებთ. თქვენი პრიორიტეტები შეიძლება შეიცვალოს - ზოგი ტყუპები მიხვდება, რომ ბოლო დროს უმნიშვნელო საკითხების მოგვარებას ზედმეტ დიდ დროს და ყურადღებას უთმობდა.
კირჩხიბი (22 ივნისი - 22 ივლისი)
დაძაბული დღეა. მიმდინარე პრობლემების სწრაფად გადაჭრა და ნაჩქარევი გადაწყვეტილებების მიღება გიწევთ, რაც ძალიან არ მოგწონთ. დაძაბულობა ურთიერთობაშიც იგრძნობა - შეთანხმება იმ ადამიანებთანაც კი გიჭირთ, რომლებიც ყოველთვის სიამოვნებით გიჭერდნენ მხარს. კონფლიქტამდე საქმე არ მივა, თუმცა უსიამოვნო მოგონება დარჩება. ვარსკვლავები გირჩევენ, რომ ფულთან სიფრთხილე გამოიჩინოთ, განსაკუთრებით ძვირად ღირებული ნივთების შეძენას უნდა მოერიდოთ.
ლომი (23 ივლისი - 23 აგვისტო)
ახალი წამოწყებისთვის ხელსაყრელი დღეა. შანსი გაქვთ, რომ ბოლო დროს წარმოქმნილი რამდენიმე პრობლემა მოაგვაროთ და ძველი შეცდომები გამოასწოროთ. ამ ნიშნის ბევრი წარმომადგენელი ძველი საქმიანი კავშირების განმტკიცებას და ახალი კავშირების დამყარებას შეძლებს. არ არის გამორიცხული, რომ წარმატებით მოგვარდეს საკითხი, რომელზედაც თქვენ და თქვენი ახლობლები ბევრს ფიქრობთ. დღის მეორე ნახევარში თავშეკავება და თვითკონტროლი დაგეხმარებათ, რომ კონფლიქტური სიტუაციები თავიდან აიცილოთ. უმჯობესია მნიშვნელოვანი საკითხების განხილვა სამომავლოდ გადადოთ.
ქალწული (24 აგვისტო - 23 სექტემბერი)
მუშაობისთვის ხელსაყრელი დღეა - ადვილად უმკლავდებით ისეთ ამოცანებსაც კი, რომლებიც ადრე ძალიან რთული გეჩვენებოდათ. გარშემო მყოფებს თქვენი იდეები მოსწონთ და მზად არიან, მათ განხორციელებაში დაგეხმარონ. შესაძლოა, მაცდური შეთავაზებები მიიღოთ, მაგრამ ინფორმაციის შესწავლამდე ნუ დათანხმდებით. ოჯახის წევრებთან ერთად სამომავლო გეგმების განხილვისას გაგიჩნდებათ იდეა, რომელიც ყველას მოეწონება.
სასწორი (24 სექტემბერი - 23 ოქტომბერი)
დღის დასაწყისი ხელსაყრელია საქმიანი ურთიერთობისთვის, თანამშრომლობასთან დაკავშირებული საკითხების განხილვისა და სამომავლო გეგმების შედგენისთვის. ადვილად პოულობთ საერთო ენას მათთანაც კი, ვისაც არავინ მოსწონს. არ არის გამორიცხული, რომ გავლენიანი მოკავშირეები გაგიჩნდეთ, მაგრამ ფრთხილად უნდა იყოთ - ასეთი ადამიანები უანგაროდ არაფერს აკეთებენ. დღის მეორე ნახევარში მოულოდნელი და მცირე ხარჯები გელით.
მორიელი (24 ოქტომბერი - 22 ნოემბერი)
ამ დღეს დაბრკოლების გადალახვას და მიზნის მიღწევას შეძლებთ, თუმცა ეს დიდ დროს და ძალას წაგართმევთ. უკვე შუადღეს იგრძნობთ, რომ დასვენება გჭირდებათ, ამიტომ საღამოსთვის რაიმე დამღლელი აქტივობა არ უნდა დაგეგმოთ. უმჯობესია, დრო მშვიდად გაატაროთ და ძალები აღადგინოთ. დღეს ფულთან დაკავშირებულ ნებისმიერ საკითხს სწრაფად მოაგვარებთ. საღამოს შეიძლება რთული გადაწყვეტილების მიღება მარტოს მოგიწიოთ. გახსოვდეთ, რომ თქვენს პრობლემებს თქვენზე უკეთ ვერავინ გაუმკლავდება.
მშვილდოსანი (23 ნოემბერი - 21 დეკემბერი)
რთული დღეა. სავარაუდოდ, ძველი კონფლიქტები გამწვავდება და დაბრუნდება პრობლემები, რომლებიც მოგვარებული გეგონათ. სხვისი შეცდომის გამო გეგმების შეცვლა მოგიწევთ. იძულებული იქნებით, დაეხმაროთ ადამიანს, რომელიც საკუთარი სისულელის გამო რთულ სიტუაციაში აღმოჩნდა. მოსალოდნელია ახალი ნაცნობობა, რომელსაც შეიძლება რომანტიკული გაგრძელება მოჰყვეს.
თხის რქა (22 დეკემბერი - 20 იანვარი)
საქმის მიმართ სერიოზულად დამოკიდებულების წყალობით დღის პირველ ნახევარში წარმატებას მიაღწევთ. არახელსაყრელი დროა ახალი საგნების შესწავლის, ინფორმაციის შეგროვებისა და დასკვნების გამოტანისთვის. საკუთარ ინტუიციას უსმინეთ და ის გიკარნახებთ, რა და როგორ გააკეთოთ. დღის მეორე ნახევარში გარშემო მყოფებთან კამათი ყურადღების მოკრეფაში ხელს შეგიშლით. თუ განმარტოებას ვერ ახერხებთ, ეცადეთ, სუფთა ჰაერზე გაისეირნოთ - ეს წონასწორობის აღდგენაში დაგეხმარებათ.
მერწყული (21 იანვარი - 18 თებერვალი)
წარმატებული და ნაყოფიერი დღეა, რომელიც წარმატებას გპირდებათ. ამ დღეს პროფესიული პოზიციის განმტკიცებას და მნიშვნელოვანი საკითხების გადაჭრას შეძლებთ. კარგად გესმით, რისი მიღწევა შეგიძლიათ და რისი არა, ამიტომ ძალას ფუჭად არ ხარჯავთ. მოკავშირეების არჩევისას ინტუიციას უნდა ენდოთ - ის არ გიღალატებთ. საყვარელ ადამიანებთან ურთიერთობაში სასიამოვნო ცვლილებები გელით. წყენა და გაუგებრობა დავიწყებას მიეცემა და ოჯახში სიმშვიდე და ჰარმონია დაისადგურებს.
თევზები (19 თებერვალი - 20 მარტი)
ხელსაყრელი დღეა რთული საკითხების გადასაჭრელად, რაზედაც ბოლო დროს ბევრს ფიქრობთ. ყველაზე კარგად ის საქმეები გამოგდით, სადაც შემოქმედებითი მიდგომაა საჭირო. დამოუკიდებლად მოქმედებთ და გარედან ზეწოლას არ ემორჩილებით. დღის მეორე ნახევარში მცირე გაუგებრობა გელით, რაც თქვენს განწყობაზე აისახება. ნერვიულობის სერიოზული მიზეზი არ არსებობს, ამიტომ ეცადეთ, ბნელი აზრები განდევნოთ და პოზიტიური დამოკიდებულება შეინარჩუნოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
