,
♈ ვერძი (21 მარტი – 19 აპრილი)
დღის მოვლენები: ცოტა ნერვიულობა შეიძლება გამოიწვიოს იმედგაცრუებამ გარშემო მყოფებში.
ოჯახი: სჯობს დღეს ზედმეტი კამათი აირიდოთ, განსაკუთრებით მშობლებთან ან უფროს ნათესავებთან.
ბიზნესი: მოსალოდნელია გაუთვალისწინებელი ხარჯები, კარგად გათვალეთ ბიუჯეტი.
სიყვარული: წარსული ურთიერთობის ჩრდილმა შეიძლება თავი შეგახსენოთ, მაგრამ წინსვლის დროა.
კარიერა: რთული დღეა, თუმცა სწორად დაგეგმვის შემთხვევაში პრობლემებს თავს დააღწევთ.
სამსახური: კოლეგებთან ურთიერთობაში სიფრთხილე გმართებთ – ყველა ღიმილი გულწრფელი არ არის.
♉ კურო (20 აპრილი – 20 მაისი)
დღის მოვლენები: რუტინა და დაღლილობა იგრძნობა, მაგრამ საღამოსკენ განწყობა გაგიუმჯობესდებათ.
ოჯახი: ოჯახის წევრებმა შეიძლება თქვენზე მეტი ყურადღება მოითხოვონ – მოთმინებით შეიარაღდით.
ბიზნესი: ფულის მიმართ ზედმეტად თავისუფალი დამოკიდებულება პრობლემად იქცევა.
სიყვარული: პარტნიორისგან ემოციურ მხარდაჭერას მოელით, მაგრამ შესაძლოა თავად მოგიწიოთ მხარის დაჭერა.
კარიერა: მცირე, მაგრამ მნიშვნელოვანი წინსვლა შეიძლება განიცადოთ.
სამსახური: უფროსთან ურთიერთობა შესაძლოა რთული გახდეს, მაგრამ კონფლიქტის გამწვავება არ ღირს.
♊ ტყუპები (21 მაისი – 20 ივნისი)
დღის მოვლენები: ბევრი საქმე და ცოტა დრო – ასეთი იქნება თქვენი დღე.
ოჯახი: ოჯახურ საკითხებში სჯობს დიდი გეგმები ცოტა გადადოთ.
ბიზნესი: ახალი იდეა შეიძლება გაგიჩნდეთ, მაგრამ რეალიზაციისთვის დაფინანსება დაგჭირდებათ.
სიყვარული: თუ მარტო ხართ, ახალ ნაცნობობაში ნუ იჩქარებთ, დაკვირვებით იმოქმედეთ.
კარიერა: უფროსობისგან მოულოდნელად დადებითი შეფასება შეიძლება მიიღოთ.
სამსახური: დეტალებს მიაქციეთ ყურადღება, არაპროგნოზირებადი შეცდომები მოსალოდნელია.
♋ კირჩხიბი (21 ივნისი – 22 ივლისი)
დღის მოვლენები: სენტიმენტალური ხართ და წარსული გახსენებთ თავს, მაგრამ წინსვლის დროა.
ოჯახი: შესაძლებელია მცირე გაუგებრობა, რომელიც მშვიდი საუბრის შემდეგ მოგვარდება.
ბიზნესი: ფრთხილად იყავით პარტნიორებთან, ყველა არ არის ისეთი, როგორც ჩანს.
სიყვარული: ურთიერთობაში მეტი სითბო და პირდაპირობა გჭირდებათ.
კარიერა: პროფესიული ზრდისთვის მნიშვნელოვანია, რომ დღეს თქვენს ცოდნას გაუსვათ ხაზი.
სამსახური: შესაძლოა ზედმეტი პასუხისმგებლობა დაგაკისრონ, უარის თქმაც უნდა შეგეძლოთ.
♌ ლომი (23 ივლისი – 22 აგვისტო)
დღის მოვლენები: ყურადღების ცენტრში ყოფნა გსურთ, მაგრამ დღეს სჯობს ჩრდილში დარჩეთ.
ოჯახი: ზოგჯერ სხვისი მოსმენა უკეთესია, ვიდრე ყველაფრის კონტროლი.
ბიზნესი: რისკიან გადაწყვეტილებებს მოერიდეთ, განსაკუთრებით თუ ინვესტიციებს ეხება.
სიყვარული: შესაძლოა თავი ორმაგი სტანდარტების მსხვერპლად იგრძნოთ.
კარიერა: ავტორიტეტის დამკვიდრება შეგიძლიათ, მაგრამ ზედმეტი თავდაჯერებულობა პრობლემას შეგიქმნით.
სამსახური: სამუშაო გარემოში კონკურენცია იზრდება – დროა, მეტი სიფრთხილე გამოიჩინოთ.
♍ ქალწული (23 აგვისტო – 22 სექტემბერი)
დღის მოვლენები: პრაქტიკული საქმეების მოგვარებას შეეშვით, დროა საკუთარ კომფორტზეც იფიქროთ.
ოჯახი: შინაურულ საქმეებში დახმარება გამოგადგებათ, ყველაფერი თავად ნუ დაიტვირთავთ.
ბიზნესი: დიდ წარმატებას ვერ ელოდებით, მაგრამ სტაბილურობას შეინარჩუნებთ.
სიყვარული: რომანტიკული გრძნობები ოდნავ ჩაკვდა, მაგრამ ეს დროებითია.
კარიერა: კოლეგებთან თანამშრომლობა გაგიუმჯობესებთ შედეგებს.
სამსახური: მეტი ყურადღება მიაქციეთ დეტალებს, მცირე შეცდომამ შეიძლება სერიოზული პრობლემა შექმნას.
♎ სასწორი (23 სექტემბერი – 22 ოქტომბერი)
დღის მოვლენები: წვრილმანებმა შეიძლება ნერვები მოგიშალოთ, მაგრამ არაფერი სერიოზული.
ოჯახი: სჯობს დღეს მშვიდი ატმოსფერო შექმნათ და კონფლიქტს აირიდოთ.
ბიზნესი: მოულოდნელი შემოსავლის წყარო შეიძლება გამოჩნდეს, მაგრამ კარგად გადაამოწმეთ.
სიყვარული: პარტნიორი ყურადღებას მოითხოვს, ეცადეთ მეტი სითბო გამოხატოთ.
კარიერა: სასიამოვნო ცვლილებები მოსალოდნელია, თუმცა მოთმინება გჭირდებათ.
სამსახური: ახალი შესაძლებლობები გამოჩნდება, მაგრამ სჯობს დეტალებში გაერკვეთ.
♏ მორიელი (23 ოქტომბერი – 21 ნოემბერი)
დღის მოვლენები: ინტუიცია დღეს თქვენი მთავარი მეგზური იქნება.
ოჯახი: ოჯახის წევრებმა შესაძლოა თქვენი განწყობა ვერ გამოიცნონ – პირდაპირ უთხარით, რა გჭირდებათ.
ბიზნესი: თუ დიდ გადაწყვეტილებას იღებთ, სჯობს დამატებითი ანალიზი გააკეთოთ.
სიყვარული: ურთიერთობებში მეტი ემოცია გჭირდებათ, წინააღმდეგ შემთხვევაში ცივობას იგრძნობთ.
კარიერა: შეიძლება კოლეგების მხრიდან გარკვეული კონკურენცია გაჩნდეს.
სამსახური: სიფრთხილე გმართებთ საბუთებთან – შეიძლება მნიშვნელოვანი დოკუმენტი დაკარგოთ.
♐ მშვილდოსანი (22 ნოემბერი – 21 დეკემბერი)
დღის მოვლენები: დღეს სპონტანურობა შეიძლება სასარგებლო იყოს, მაგრამ ზომიერად.
ოჯახი: ოჯახურ თემებზე სჯობს ღიად და გულწრფელად ისაუბროთ.
ბიზნესი: ექსპერიმენტებისთვის შესაფერისი დღე არ არის.
სიყვარული: თუ ვინმესგან სიგნალს ელოდებით, დღეს არ წამოვა.
კარიერა: თქვენს იდეებს შეიძლება სერიოზულად არ აღიქვან, მაგრამ დანებება არ ღირს.
სამსახური: მცირე შეფერხებები მოსალოდნელია, მაგრამ სერიოზული პრობლემა არ იქნება.
♑ თხის რქა (22 დეკემბერი – 19 იანვარი)
დღის მოვლენები: დღეს რუტინა დაგღლით, მაგრამ მნიშვნელოვან საქმეებს თავს მაინც გაართმევთ.
ოჯახი: ახლობლებთან საერთო ენის გამონახვა გაგიჭირდებათ.
ბიზნესი: ახალი პარტნიორობის დაწყებას ნუ იჩქარებთ.
სიყვარული: საჭიროა მეტი ინიციატივა პარტნიორის მხრიდან, მაგრამ შეიძლება თავად მოგიწიოთ ნაბიჯის გადადგმა.
კარიერა: მცირე ჩავარდნების მიუხედავად, საერთო სურათი პოზიტიურია.
სამსახური: კოლეგები შესაძლოა დახმარებას გთხოვდნენ – ფრთხილად აირჩიეთ, ვის დაეხმარებით.
♒ მერწყული (20 იანვარი – 18 თებერვალი)
დღის მოვლენები: გეგმები შეიძლება მოულოდნელად შეიცვალოს, მაგრამ არ ინერვიულოთ – საბოლოოდ ყველაფერი სასარგებლოდ განვითარდება.
ოჯახი: ოჯახის წევრებთან სჯობს ზედმეტად პრინციპულ პოზიციას მოერიდოთ, მოლაპარაკება უფრო ეფექტურია.
ბიზნესი: მოულოდნელი შესაძლებლობა შეიძლება გამოჩნდეს, მაგრამ კარგად გააანალიზეთ ყველა დეტალი.
სიყვარული: ურთიერთობებში შესაძლოა გაუგებრობები წარმოიშვას, გულწრფელობა საუკეთესო გამოსავალია.
კარიერა: კოლეგებთან ურთიერთობის გაუმჯობესება თქვენს პოზიციებს გაამყარებს.
სამსახური: დღეს ყურადღება არ მოგაკლდებათ, ამიტომ ეცადეთ, თქვენი შესაძლებლობები მაქსიმალურად გამოავლინოთ.
♓ თევზები (19 თებერვალი – 20 მარტი)
დღის მოვლენები: შესაძლოა უმიზეზო სევდა დაგეუფლოთ, მაგრამ სჯობს პრაქტიკულ საკითხებზე გადაერთოთ.
ოჯახი: შესაძლებელია ვინმემ თქვენი დახმარება მოითხოვოს – გულწრფელობითა და მხარდაჭერით ყველაფერს მოაგვარებთ.
ბიზნესი: დღეს ფინანსური გადაწყვეტილებების მიღებაში სიფრთხილე გმართებთ, არ წამოეგოთ ცრუ დაპირებებს.
სიყვარული: ემოციური დაბნეულობა შეიძლება გაწუხებდეთ, მაგრამ ეს დროებითია.
კარიერა: საქმეებში მეტად დაკვირვებული უნდა იყოთ – დეტალებმა შეიძლება დიდი გავლენა მოახდინოს.
სამსახური: ზედმეტი დაღლილობა შესაძლოა პროდუქტიულობაზე აისახოს, ამიტომ საჭირო დასვენება არ დაივიწყოთ.
დასკვნა:
დღეს ზოგადად სიფრთხილე და ყურადღება იქნება საჭირო ყველა სფეროში. მოვლენები შეიძლება არ განვითარდეს ისე, როგორც ელით, მაგრამ მოთმინება და სტრატეგიული მიდგომა საუკეთესო შედეგებს მოგიტანთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
