,
ვერძი (21 მარტი - 20 აპრილი)
რთული დღეა. დაწყებული საქმის დასრულებაში გაუთვალისწინებელი პრობლემები ხელს გიშლით. ეცადეთ, პრიორიტეტები სწორად განსაზღვროთ და მთელი ძალისხმევა ყველაზე მნიშვნელოვანი საკითხისკენ მიმართოთ.
კურო (21 აპრილი - 21 მაისი)
დროა, საყვარელ ადამიანთან ურთიერთობის განახლებაზე იზრუნოთ. როგორმე მოიშორეთ პარტნიორზე ან ახლობელ ადამიანებზე ზეწოლის ჩვევა. გახსოვდეთ, რომ საყვარელ ადამიანთან ჰარმონიული კავშირის შენარჩუნებისთვის გადაწყვეტილებების ერთად მიღება უნდა ისწავლოთ.
ტყუპები (22 მაისი - 21 ივნისი)
სავარაუდოდ, ამ დღეს თქვენთვის პირადი ინტერესები პროფესიულზე უფრო მნიშვნელოვანი იქნება. სამსახურში ბოლოდროინდელი ცვლილებები ახალ კარიერულ შესაძლებლობებს გაგიხსნით, თუმცა შეიძლება შანსი ხელიდან გაუშვათ, რადგან ახლა პირადი, ცხოვრების გარდა, ვერაფერზე ფიქრობთ.
კირჩხიბი (22 ივნისი - 22 ივლისი)
ამ დღეს ბედის საჩუქრებს არ უნდა ელოდოთ, მაგრამ მოსალოდნელია, რომ ჯილდო დიდი ხნის წინ შესრულებული სამუშაოსთვის ან წარსული დამსახურებისთვის მიიღოთ. ეს დღე წარმატებული იქნება თუ შემოქმედებით საქმიანობას, განათლებას და პედაგოგიკას მიუძღვნით.
ლომი (23 ივლისი - 23 აგვისტო)
სავარაუდოდ, ადამიანი, რომელსაც ამ დღეს გაიცნობთ, თქვენი საუკეთესო მეგობარი ან პარტნიორი გახდება. ხელსაყრელი დღეა საჯარო გამოსვლებისა და შემოქმედებითი საქმიანობისთვის. ეს ერთ-ერთი საუკეთესო დღეა ქორწინებისთვის, ამიტომ დასაოჯახებელ ლომებს გირჩევთ, საყვარელ ადამიანთან ურთიერთობის დაკანონების შესაძლებლობა ხელიდან არ გაუშვათ.
ქალწული (24 აგვისტო - 23 სექტემბერი)
ამ დღეს თვითკმაყოფილების შემოტევებს ებრძვით. ცდილობთ, თქვენი საუკეთესო თვისებები წარმოაჩინოთ და საკუთარ უპირატესობას ხაზი გაუსვათ ყველანაირად. გირჩევთ, ღრუბლებიდან მიწაზე დაეშვათ და რეალობა დაინახოთ, თორემ შეიძლება მლიქვნელი ადამიანის იარაღად იქცეთ, რომელიც შეეცდება, საკუთარი ინტერესებისთვის გამოგიყენოთ.
სასწორი (24 სექტემბერი - 23 ოქტომბერი)
თავდაჯერებამ შეიძლება ნაჩქარევი და დაუფიქრებელი ნაბიჯის გადადგმისკენ გიბიძგოთ. შეიძლება ვიღაცას იმაზე მეტს დაჰპირდეთ, ვიდრე შეგიძლიათ მისცეთ და ისეთ საქმეს შეეჭიდოთ, რომელშიც არაფერი გაგეგებათ.
პრობლემების თავიდან ასაცილებლად, გირჩევთ, ამ დღეს მხოლოდ ძველი, კარგად ნაცნობი საქმეები აკეთოთ.
მორიელი (24 ოქტომბერი - 22 ნოემბერი)
შესაძლოა, ამ დღეს ბოროტი და შურიანი ადამიანების ჭორებმა და ინტრიგებმა თქვენი გაღიზიანება და აგრესიაც კი გამოიწვიოს. ეს, პრობლემების გარდა, არაფერს მოგიტანთ, ამიტომ ეცადეთ, ემოციები მოთოკოთ და მტერთანაც კი კომპრომისი იპოვოთ. თუ ხვდებით, რომ დამნაშავე ხართ, ბოდიშის მოხდაც უნდა შეძლოთ. ძველი მეგობარი სიამაყის გამო არ უნდა დაკარგოთ.
მშვილდოსანი (23 ნოემბერი - 21 დეკემბერი)
ამ დღეს მშვილდოსანი კაცები რაინდული საქციელით გარშემო მყოფებს გააოცებენ. გირჩევთ საკუთარ თავს საჩუქარი გაუკეთოთ და საღამოს მხიარული წვეულება ან სასიამოვნო დასვენება მოიწყოთ. რჩევა ლომს უნდა ჰკითხოთ - ასეთ საქმეებში ის პროფესიონალია.
თხის რქა (22 დეკემბერი - 20 იანვარი)
სავარაუდოდ, თქვენი ახლობლების წრე მკვეთრად შევიწროვდება. არავის განაწყენება არ გსურთ, მაგრამ იძულებული ხართ, მოიტყუოთ და სავარაუდოდ, ეს თქვენი მარტოობის მიზეზი გახდება. გირჩევთ საკუთარ „ნაჭუჭში არ ჩაიკეტოთ“ და პრობლემების შესახებ ახლობელ ადამიანებს უამბოთ. მათი მხარდაჭერა ახლა ყველაზე მეტად გჭირდებათ.
მერწყული (21 იანვარი - 18 თებერვალი)
ამ დღეს ჯანმრთელობას უნდა გაუფრთხილდეთ - არსებობს ტრავმის ან საკვებით მოწამვლის რისკი. მოერიდეთ ნათელმხილველებთან ურთიერთოობას, ჰიპნოზით მკურნალობას და ფსიქო-კორექტირებას. თავი შეიკავეთ ბნელ და უკაცრიელ ადგილებში სიარულისა და უცხო ადამიანებთან ურთიერთობისგან.
თევზები (19 თებერვალი - 20 მარტი)
ახალი სამსახური, სავარაუდოდ, თევზების პიროვნების განვითარებას ხელს შეუწყობს. ცვლილებების ნუ შეგეშინდებათ და ეცადეთ, ახალი გამოწვევებისთვის მოემზადოთ. თუ არ იზარმაცებთ, ამ დღეს მნიშვნელოვანი ჩანაფიქრის განხორციელებას შეძლებთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
