,
რას გვირჩევენ ვარსკვლავები 13 ნოემბრისთვის:
ვერძი (21 მარტი - 20 აპრილი)
ამ დღეს პატარა, მაგრამ ძალიან სასიამოვნო სურვილის ასრულებას შეძლებთ. სირთულეები ნუ შეგაშინებთ - ვარსკვლავების დახმარებით, სირთულეებს ადვილად გაუმკლავდებით. ნუ ეცდებით იმაზე მეტის გაკეთებას, ვიდრე შეგიძლიათ, წინააღმდეგ შემთხვევაში, თავს ცუდად იგრძნობთ. სამსახურში შესვენება და ყურადღების სასიამოვნო საქმეებზე გადატანა სასარგებლო იქნება.
კურო (21 აპრილი - 21 მაისი)
ამ დღეს კუროს განწყობა მეტწილად თანამოსაუბრეებზეა დამოკიდებული, ამიტომ გირჩევთ, პირქუშ ადამიანებს ერიდოთ და გვერდით მხოლოდ პოზიტიურად განწყობილი ადამიანები გყავდეთ. პირად ურთიერთობებში ყველაფერი კარგადაა, მაგრამ საკუთარი გეგმების შესახებ არავის უამბოთ. ფინანსების გონივრულად განაწილება საშუალებას მოგცემთ, რომ სასურველი ნივთებიც შეიძინოთ და უსარგებლო ხარჯებიც აიცილოთ.
ტყუპები (22 მაისი - 21 ივნისი)
მიზანს რომ მიაღწიოთ, ეს დღე ყურადღებით უნდა დაგეგმოთ და ძალები მრავალრიცხოვან დავალებას შორის სწორად გადაანაწილოთ. თქვენი კრიტიკა მეტწილად, სამართლიანია, მაგრამ ნურც გარშემომყოფთა თავმოყვარეობის შესახებ დაივიწყებთ. ჯანმრთელობას ყურადღება მიაქციეთ და ეცადეთ, არ გადაიღალოთ.
კირჩხიბი (22 ივნისი - 22 ივლისი)
ურთიერთობაში მეტი ყურადღება საქმიან და სამუშაო თემებს უნდა მიაქციოთ. შესაძლოა, უსიამოვნო საუბრის მომსწრე გახდეთ, რაც ხასიათს გაგიფუჭებთ. ამ დღეს მაღაზიებში სიარულს მოერიდეთ, რადგან შეიძლება ფული უსარგებლო ნივთებში დახარჯოთ.
ლომი (23 ივლისი - 23 აგვისტო)
ეცადეთ, რომ ეს დღე ოჯახის წევრებთან ან უახლოეს მეგობრებთან ერთად გაატაროთ - სავარაუდოდ, ადამიანები, რომლებსაც კარგად არ იცნობთ, თქვენს პიროვნულ და საქმიან თვისებებს სათანადოდ ვერ შეაფასებენ. წვრილმან უსიამოვნებებზე არ უნდა გაღიზიანდეთ, ეცადეთ, მთელი ყურადღება სამუშაოზე გადაიტანოთ.
ქალწული (24 აგვისტო - 23 სექტემბერი)
მოემზადეთ იმისთვის, რომ გეგმების შეცვლა მოგიწევთ. გარშემო მყოფებთან საერთო ენის პოვნა ადვილი არ იქნება, მაგრამ დასახულ მიზნებს მხოლოდ ამ გზით მიაღწევთ. ამ დღეს ახალი საქმე არ უნდა დაიწყოთ, რადგან დაუძლეველ პრობლემებს შეეჯახებით. ეცადეთ, ღრუბლებიდან დაეშვათ და რეალურად იაზროვნოთ. გახსოვდეთ - ბედნიერება სიმარტივეშია.
სასწორი (24 სექტემბერი - 23 ოქტომბერი)
შეიძლება ახლობელმა ადამიანმა იმედი გაგიცრუოთ. ნაჩქარევი დასკვნის გამოტანამდე ან ურთიერთობების გაწყვეტამდე ეცადეთ, მეტი ინფორმაცია მიიღოთ. დებატების დროს სიმშვიდე შეინარჩუნეთ და ადამიანებს დაუმსახურებლად გული არ ატკინოთ. ცოტაოდენი მონდომება გამოიჩინეთ და საჭირო ადამიანები თქვენს უნარებს შენიშნავენ.
მორიელი (24 ოქტომბერი - 22 ნოემბერი)
ნუ დაჰპირდებით ადამიანებს იმაზე მეტს, ვიდრე შეგიძლიათ. დროა, პირადი ცხოვრების მოწესრიგებით დაკავდეთ. სინანულის გარეშე დაემშვიდობეთ ყველაფერს, რასაც მომავალი არ აქვს.
მშვილდოსანი (23 ნოემბერი - 21 დეკემბერი)
ნაყოფიერი და წარმატებული დღეა. ეცადეთ, კარგი განწყობა მთელი დღის განმავლობაში შეინარჩუნოთ. გარემოებები აქტიურობის საშუალებას არ მოგცემთ, ამიტომ შეგიძლიათ მოუნდეთ და დინებას მიჰყვეთ.
თხის რქა (22 დეკემბერი - 20 იანვარი)
მოემზადეთ რთული დღისთვის. სტრესული სიტუაცია და კოლეგებთან დაპირისპირება თქვენს განწყობაზე და ჯანმრთელობაზე უარყოფითად აისახება, ამიტომ თუ შესაძლებელია, ურთიერთობები შეზღუდეთ და ერთი დღე დაისვენეთ. პირად ცხოვრებაში ყველაფერი შესანიშნავადაა - პრობლემები არ გელით.
მერწყული (21 იანვარი - 18 თებერვალი)
ამ დღეს გარშემო მყოფებთან ურთიერთობაში კომპრომისების პოვნა ადვილი არ იქნება. ეცადეთ, წვრილმან უსიამოვნებებზე არ გაღიზიანდეთ და მეგობრული განწყობა შეინარჩუნოთ. მუშაობის დროს სერიოზული შეცდომა რომ არ დაუშვათ, ყველა საბუთი და ინფორმაცია ყურადღებით უნდა შეამოწმოთ. კოლეგებს დახმარებას ნუ სთხოვთ, ამ დღეს ყველაფერი თავად უნდა გააკეთოთ.
თევზები (19 თებერვალი - 20 მარტი)
იქ, სადაც საერთოდ არ ელით, მოულოდნელი სირთულეები გელით. ოჯახის წევრებთან ურთიერთობაში შეიძლება გაუგებრობები წარმოიშვას, მაგრამ უკმაყოფილების საჯაროდ გამოხატვას და პრეტენზიებს უნდა მოერიდოთ. ეცადეთ, ახალ გაცნობილ ადამიანთან გულწრფელობა გამოიჩინოთ და მისი სახით ერთგულ მეგობარს შეიძენთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
