,
ვერძი (21 მარტი - 20 აპრილი)
ვარსკვლავები გირჩევენ, რამდენიმე საქმის ერდროულად კეთებას მოერიდოთ, წინააღმდეგ შემთხვევაში შესაძლოა თქვენი პრობლემების რიცხვი გაიზარდოს. მოსალოდნელი შეცდომები თავიდან რომ აიცილოთ, გირჩევთ, დახმარება მეგობრებს სთხოვოთ - ხვალ ისინი არა მარტო სიტყვით, საქმითაც დაგეხმარებიან.
კურო (21 აპრილი - 21 მაისი)
დღის განმავლობაში ეცადეთ, თქვენ გარშემო მიმდინარე მოვლენები აკონტროლოთ და სწრაფად ცვლად სიტუაციას შეეგუოთ. თუ ამას შეძლებთ, თქვენი შემოსავალი შეიძლება მნიშვნელოვნად გაიზარდოს. თუ მოვლენებს დინებაზე მიუშვებთ, შეიძლება ისიც დაკარგოთ, რაც გაქვთ, თქვენი შანსებით კი თქვენი კონკურენტი ისარგებლებს.
ტყუპები (22 მაისი - 21 ივნისი)
ეცადეთ, ველოსიპედის გამოგონებას თავი დაანებოთ - ის დიდი ხნის წინ გამოიგონეს. სანამ პრობლემის გადაჭრას შეუდგებით, უნდა ნახოთ, როგორ გადაჭრეს ეს პრობლემა თქვენამდე სხვებმა. სხვა ადამიანების გამოცდილება საშუალებას მოგცემთ, დრო და ძალისხმევა დაზოგოთ.
კირჩხიბი (22 ივნისი - 22 ივლისი)
ამ დღეს გაკვირვებული აღმოაჩენთ, რომ ადამიანებს იზიდავთ: კოლეგები რჩევას გთხოვენ, მეგობრები სასაუბროდ გიწვევენ და მტრებიც კი ცდილობენ, კორექტულობის ზღვარს არ გადავიდნენ. ასეთი დამოკიდებულების მიზეზი ისაა, რომ დილიდან მშვიდ თავდაჯერებას „ასხივებთ“, რაც გარშემო მყოფ ადამიანებზე უდიდეს შთაბეჭდილებას ახდენს. ვარსკვლავები გირჩევენ, რომ ეს განწყობა ცხოვრების წესად აქციოთ და ის თქვენს მომავალს უკეთესობისკენ შეცვლის.
ლომი (23 ივლისი - 23 აგვისტო)
სამყაროს ახლებური ხედვა ძველი პრობლემის გადაჭრაში დაგეხმარებათ - შეიძლება შეცდომა იქ დაინახოთ, სადაც ვერავინ ხედავს. ამ დღეს თქვენს მზერას - გაცილებით მეტის დანახვა, ხელებს კი გაცილებით მეტის გაკეთება შეუძლიათ და ეს აუცილებლად უნდა გამოიყენოთ.
ქალწული (24 აგვისტო - 23 სექტემბერი)
ყველაზე სკეპტიკურად განწყობილ ქალწულსაც კი დღის განმავლობაში უამრავი დამთხვევა ელის! შესაძლოა, სახლში მთელი საყოფაცხოვრებო ტექნიკა ერთდროულად გამოვიდეს წყობიდან ან ვინმემ ზედიზედ რამდენჯერმე შეცდომა დაუშვას. გასაკვირი არ არის, რომ ეს ყველაფერი საქმეზე კონცენტრირებაში ხელს გიშლით. სამაგიეროდ, შემოქმედებითი საქმიანობისთვის უკეთეს დღეს ვერ იპოვით.
სასწორი (24 სექტემბერი - 23 ოქტომბერი)
უიშვიათესი შესაძლებლობა გექნებათ, რომ გავლენიანი პირის მფარველობა მიიღოთ. ამ დღეს მაღალჩინოსნებზე არაფორმალურ გარემოში შესანიშნავ შთაბეჭდილებას მოახდენთ. სხვა სიტყვებით რომ ვთქვათ, მთელი დღის განმავლობაში მზად უნდა იყოთ - მნიშვნელოვანი საუბარი ნებისმიერ დროს შეიძლება შედგეს!
მორიელი (24 ოქტომბერი - 22 ნოემბერი)
ვარსკვლავები კომუნიკაციასთან დაკავშირებულ ნებისმიერ საქმეში წარმატებას გპირდებიან. ხვალ ყველაფერი ადვილად გამოგივათ და დაბრკოლება არაფერში არ შეგხვდებათ. ეცადეთ, ეს უნიკალური შესაძლებლობა გამოიყენოთ, რათა საკუთარი ცხოვრება ახალ სიმაღლეზე აიყვანოთ.
მშვილდოსანი (23 ნოემბერი - 21 დეკემბერი)
მცირე უსიამოვნებები ძალების მოკრეფას გაიძულებთ. სიტუაცია სწრაფად იცვლება, რაც გადაწყვეტილებების სწრაფად მიღებას მოითხოვს. ეს შესანიშნავი შანსია, რომ საკუთარი შესაძლებლობები ბოლომდე გამოავლინოთ და გარშემო მყოფებს საკუთარი უპირატესობა დაუმტკიცოთ. სავარაუდოდ, მეორედ ასეთი შანსი დიდხანს აღარ მოგეცემათ.
თხის რქა (22 დეკემბერი - 20 იანვარი)
სიტუაცია თქვენგან ერთდროულად რამდენიმე ადგილზე ყოფნას ან რამდენიმე საკითხზე მუშაობას მოითხოვს, თანაც შემჭიდროებულ ვადებში. როგორი დატვირთულიც არ უნდა იყოს თქვენი ხვალინდელი გრაფიკი, ვარსკვლავები გირჩევენ, ჯერ ერთი საქმე დაასრულოთ და შემდეგ შეუდგეთ მეორეს, ვიდრე ათ კურდღელს ერთად სდიოთ და ვერცერთი დაიჭიროთ.
მერწყული (21 იანვარი - 18 თებერვალი)
თანამოაზრეთა დახმარებით პრობლემების უმეტესობას ჩვეულზე უფრო მარტივად გაუმკლავდებით და შეუძლებელსაც კი შეძლებთ. ბევრ კითხვაზე პასუხს თავად მიიღებთ, ზოგიერთის პასუხს კი თანაგუნდელები გაპოვნინებენ. თავადაც ხომ ბევრჯერ დაეხმარებით მათ, ვისაც ეს სჭირდება?
თევზები (19 თებერვალი - 20 მარტი)
ამ დღის დევიზია „რასაც დათეს, იმას მოიმკი“. შესაბამისად, თუ სხვების მიმართ აგრესიული ხართ, მათგანაც აგრესიას მიიღებთ, მაგრამ უპასუხოდ არც თქვენი კეთილი საქმეები დარჩება და ორჯერ მეტი დაგიბრუნდებათ. მოექეცით სხვებს ისე, როგორც გინდათ, რომ თქვენ მოგექცნენ და არ ინანებთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
