,
რას გვირჩევენ ვარსკვლავები 11 თებერვლისთვის:
ვერძი
თქვენს ცხოვრებაში მოსალოდნელია მოვლენები ან სიახლეები, რომლებსაც ბევრი რამის შეცვლა შეუძლია. ეს შეიძლება იყოს მოგზაურობა, შეხვედრა, ნაცნობობა, სიყვარული ან ახალი სამსახურის შეთავაზება. ვარსკვლავები გაფრთხილებენ, რომ სიტუაცია თვითდინებაზე არ უნდა მიუშვათ.
ეცადეთ, ნებისმიერ საკითხში კარგად გააზრებული გადაწყვეტილება მიიღოთ, რადგან შეხვედრა შეიძლება საბედისწერო იყოს, ხოლო გრძნობა მთელი ცხოვრება გაგრძელდეს.
კურო
რა გადაწყვეტილებაც არ უნდა მიიღოთ, ლოგიკის ნაცვლად, ინტუიციით ხელმძღვანელობთ. ამ დღეს ინტუიცია განსაკუთრებით გამძაფრებული გაქვთ, ამიტომ ღამით წინასწარმეტყველურ სიზმრებს ხედავთ, ხოლო დღის განმავლობაში ქვეცნობიერის მინიშნებებს გრძნობთ.
ვარსკვლავები გირჩევენ, რომ შინაგან ხმას ყურადღებით უსმინოთ. ეს დაგეხმარებათ, სიტუაცია ბოლომდე შეიგრძნოთ და სასიამოვნო სიურპრიზი არ გამოგეპაროთ.
ტყუპები
საყვარელ ადამიანთან ურთიერთობაში სირთულეები გელით. შესაძლოა, მისი ბიოგრაფიიდან რამდენიმე უსიამოვნო ფაქტი შეიტყოთ ან უარყოფითი თვისებები აღმოაჩინოთ. არც ისაა გამორიცხული, რომ ზედმეტად მომთხოვნი ხართ ყველასთან, ვინც თქვენთან კომპრომისზე წასვლას არ გეგმავს.
ვარსკვლავები გირჩევენ, დაფიქრდეთ, ღირს თუ არა დაძაბულობის გამწვავება და ბუზისგან სპილოს ქცევა? რა თქმა უნდა, უმიზეზოდ არაფერი ხდება, მაგრამ ეს მიზეზი იშვიათადაა დამაჯერებელი.
კირჩხიბი
ვარსკვლავები გირჩევენ, თავისუფალი დრო მხიარულად გაატაროთ. სად წახვალთ, თქვენი გადასაწყვეტია - ზოგს თეატრი მოსწონს, ზოგს ხმაურიანი წვეულება ან კინო. მთავარია, რომ ურთიერთობების მორევში ჩაიძიროთ და საკუთარი შესაძლებლობები მაქსიმალურად წარმოაჩინოთ.
ლომი
დილიდან დასვენებისა და ცხოვრებით ტკბობის ხასიათზე ხართ. საერთოდ არ ცდილობთ, რომ ვინმეს რაიმე დაუმტკიცოთ ან სადმე იჩქაროთ. ვარსკვლავები გირჩევენ, რომ ეს დღე როგორც საკუთარ თავს, ისე ოჯახსა და მეგობრებს დაუთმოთ. შეგიძლიათ მეგობრული წვეულება მოაწყოთ ან კაფეში წახვიდეთ.
ამ დღეს მშვენიერებას მის ყველა გამოვლინებაში აფასებთ, იქნება ეს კარგი წარმოდგენა, მეგობრული ურთიერთობა, მუსიკა, სიყვარული თუ გემრიელი საჭმელი.
ქალწული
ამ დღეს საქმის კეთებისთვის განწყობილი არ ხართ და მხოლოდ დაძინება გინდათ, მაგრამ თუ აპათიას დაძლევთ, არ ინანებთ! საინტერესო შესაძლებლობები გელით, თუმცა მხოლოდ იმ შემთხვევაში, თუ სამუშაო რიტმს დუბრუნდით.
სავარაუდოდ, ეს შესაძლებლობები საინფორმაციო ნაკადებს უკავშირდება - ინტერნეტიდან და წიგნებიდან დაწყებული, ჭორებით დასრულებული. ასე რომ, გირჩევთ ყურები გახსნათ, პირი კი დახუროთ - დაუფიქრებლად ნათქვამმა შეიძლება ძალიან დაგაზიანოთ.
სასწორები
ფინანსურ საქმეებში წინსვლა გელით. შესაძლოა, დღის განმავლობაში საინტერესო ბიზნესშეთავაზება მიიღოთ ან რომელიმე ნაცნობმა ვალი დაგიბრუნოთ. არც ისაა გამორიცხული, რომ ხელფასი გაგეზარდოთ ან იდეა მოგივიდეთ, რომელიც გაგამდიდრებთ.
ასეა თუ ისე, გირჩევთ, ნებისმიერი ფინანსური იდეა გულდასმით განიხილოთ, თუნდაც ერთი შეხედვით უცნაურად ჩანდეს.
მორიელი
ამ დღეს თქვენს განწყობას და ქმედებებს მშვიდს და სტაბილურს ვერ ვუწოდებთ! არა მხოლოდ მოქმედებები, თქვენი გრძნობებიც ლოგიკის მიღმაა, ამიტომ ახლობელ ადამიანებთან საერთო ენის პოვნა გიჭირთ.
მშვილდოსანი
გირჩევთ, შექმნილ ვითარებას დაემორჩილოთ - თქვენი მცდელობები მაინც ვერაფერს შეცვლის. შეიძლება თქვენი ინიციატივა მიითვისონ ან, უბრალოდ, მოვლენებზე გავლენის მოხდენა ვერ შეძლოთ. თუ ასე მოხდა, ვარსკვლავები გირჩევენ ბედს დაემორჩილოთ. ახლა ყველზე გონივრული დინების მიყოლა იქნება.
თხის რქა
არაპროგნოზირებადი დღეა, როდესაც წარმატებას ყველაზე უჩვეულო გზით მიაღწევთ. თუ ცხოვრების რომელიმე სფეროში ცვლილებას ან გაბედულ ექსპერიმენტს გეგმავთ, ამ დღეს შეგიძლიათ სცადოთ. ნაკლებად სანდო პროექტებმაც კი შეიძლება ბრწყინვალე შედეგი გამოიღოს.
გარდა ამისა, ძალიან ხელსაყრელი დღეა სიყვარულისთვის - ამ დღეს პარტნიორის სასიამოვნოდ გაოცება შეგიძლიათ.
მერწყული
დღეს ლიდერული და ორგანიზაციული უნარებით გარშემომყოფთა გაოცებას შეძლებთ. ადამიანებს მაგნიტივით იზიდავთ და მათ მართვას და შთაგონებას ადვილად ახერხებთ.
გირჩევთ, ოჯახისა და მეგობრების წრეში მხიარული წვეულება მოაწყოთ, ხოლო სამსახურთან და კარიერასთან დაკავშირებით კი ორგანიზაციული უნარები გამოავლინოთ. ეს შესანიშნავი შესაძლებლობაა კარიერული წინსვლისთვის.
თევზები
ვარსკვლავები თევზებს სიურპრიზებისა და აღმოჩენების დღეს ჰპირდებიან! შეიძლება მოვლენებმა რაღაც საკითხზე აზრის შეცვლა გაიძულოთ ან რომელიღაც ახლობელმა თქვენი გაოცება შეძლოს. არ არის გამორიცხული, რომ ახლობელი ადამიანი თქვენ წინაშე მოულოდნელ ამპლუაში აღმოჩნდეს ან თავად გააკეთოთ ის, რასაც თქვენგან არავინ ელოდა.
ცხოვრება ბევრად უფრო საინტერესოა, ვიდრე ჩვენი წარმოდგენები მასზე და ამაში თავად დარწმუნდებით.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
