რას გვირჩევენ ვარსკვლავები 12 აპრლისთვის:
ვერძი (21 მარტი - 20 აპრილი)
თუ მნიშვნელოვან შეხვედრას ან მოლაპარაკებებს აპირებთ, დღის პირველ ნახევარში უნდა დაგეგმოთ. დღის მეორე ნახევარში შესაძლოა, გარემოებების ან ვიღაცის გავლენით განწყობა გაგიფუჭდეთ. გამორიცხული არ არის ოდესღაც გაწყვეტილი სასიყვარულო ურთიერთობების აღდგენა და მნიშვნელოვან საბუთებზე ხელის მოწერა.
კურო (21 აპრილი - 21 მაისი)
დღის პირველი ნახევარი ხელსაყრელია ფინანსური საკითხების მოგვარებისა და შოპინგისთვის. საღამოს გარკვეული წესებისა და შეზღუდვების დაცვა მოგიწევთ, რაც სასურველი შედეგების მიღწევაში ხელს შეგიშლით. მოსალოდნელია კონფლიქტი ერთ-ერთ მეგობართან ან კოლეგასთან, ამიტომ სოციალურ ღონისძიებებზე დასწრებას უნდა მოერიდეთ. ზომიერი ფიზიკური აქტივობა თქვენს განწყობას და ჯანმრთელობას მნიშვნელოვნად გააუმჯობესებს.
ტყუპები (22 მაისი - 21 ივნისი)
დღე მშვენივრად დაიწყება. უამრავ საინტერესო ადამიანთან შეხვედრა და ურთიერთობა მოგიწევთ. დღის მეორე ნახევარში თქვენზე ასაკით ან სოციალური მდგომარეობით უფროს ადამიანთან დაპირისპირება გელით. მოერიდეთ სამთავრობო უწყებებში ვიზიტს. ამ დღეს გაცნობილი ადამიანის რჩევა დაგეხმარებათ, თავიდან აიცილოთ შეცდომები ბიზნესში
კირჩხიბი (22 ივნისი - 22 ივლისი)
ინტუიცია დაგეხმარებათ, რომ პროფესიული პრობლემები წარმატებით მოაგვაროთ. თქვენი ახალი იდეები და წინადადებები არავის გაუზიაროთ - ჯერ ამის დრო არ დამდგარა. შორიდან მოსულმა ამბებმა შეიძლება გაგაბრაზოთ. განსხვავებული რწმენის ან პრინციპების გამო შესაძლოა, ახლობელ ადამიანთან კონფლიქტი მოგივიდეთ.
ლომი (23 ივლისი - 23 აგვისტო)
ხელსაყრელი დღეა გუნდური მუშაობისთვის, თუმცა შედეგის მისაღწევად დიდი ძალისხმევა მოგიწევთ. კოლეგებთან და მეგობრებთან ურთიერთობაში მოსალოდნელია ცვლილებები, რომლებიც არ მოგეწონებათ. გირჩევთ, ამ დღეს მნიშვნელოვანი ფინანსური საკითხების მოგვარებაზე უარი თქვათ. თავი შეიკავეთ დაუგეგმავი ხარჯებისგან და ეცადეთ, ფულის დაგროვება დაიწყოთ.
ქალწული (24 აგვისტო - 23 სექტემბერი)
პროფესიულ ცხოვრებაში დადებითი ცვლილებები გელით. შესაძლოა, ეს ხელფასის მომატება ან დაწინაურება იყოს. დღის მეორე ნახევარში პარტნიორთან ურთიერთობაში შესაძლოა, დაძაბულობამ იჩინოს თავი. ნუ დაუშვებთ, რომ მცირე გაუგებრობამ თქვენი ურთიერთობა გააფუჭოს. დღის მეორე ნახევარში სამსახურსა თუ კომერციულ საქმიანობასთან დაკავშირებით ახალი იდეები გეწვევათ. შესაძლოა, დადოთ გარიგება, რომელიც მნიშვნელოვან მოგებას მოგიტანთ.
სასწორი (24 სექტემბერი - 23 ოქტომბერი)
დღის პირველი ნახევარი ხელსაყრელია ახალი ცოდნის მიღების, მოგზაურობისა და სამართლებრივი საკითხების მოგვარებისთვის. ნებისმიერ საქმეში, რომელიც ფულს და ქონებას ეხება, სიფრთხილე უნდა გამოიჩინოთ. დღის მეორე ნახევარში მოსალოდნელია ჯანმრთელობასთან დაკავშირებული პრობლემები, თუმცა ეს დიდხანს არ გაგრძელდება.
მორიელი (24 ოქტომბერი - 22 ნოემბერი)
თქვენმა ნაყოფიერმა მუშაობამ დღეს შეიძლება დამატებითი შემოსავლის სახით სასურველი შედეგი მოგიტანოთ. სამაგიეროდ, პირად ურთიერთობებში სირთულეები გელით. შესაძლოა, ზოგ მორიელს პარტნიორთან დაშორებაც კი მოუწიოს. ეცადეთ, ბავშვებთან ურთიერთობაში მეტი მოთმინება გამოიჩინოთ.
მშვილდოსანი (23 ნოემბერი - 21 დეკემბერი)
12 აპრილს ეცადეთ, უფროსი ნათესავების მხრიდან ზეწოლას მოთმინებით შეხვდეთ. გაითვალისწინეთ, რომ დღეს თქვენს საქმეებში ჩარევა ბევრს მოუნდება და მხოლოდ თქვენ უნდა გადაწყვიტოთ, ვის მისცეთ ამის უფლება და ვის არა. კარგი დღეა სახლში ფიზიკური დატვირთვისთვის.
თხის რქა (22 დეკემბერი - 20 იანვარი)
დღის პირველი ნახევარი საყოფაცხოვრებო და საოჯახო საკითხების მოსაგვარებლად საუკეთესო დროა. ეცადეთ, ემოციები აკონტროლოთ, რათა ოჯახის წევრები და მეზობლები თქვენი კრიტიკული შენიშვნებით არ გააღიზიანოთ. შესაძლებლობა გაქვთ, პროფესიული საკითხები არაფორმალურ გარემოში განიხილოთ და გავლენიანი ადამიანების მხარდაჭერა მიიღოთ.
მერწყული (21 იანვარი - 18 თებერვალი)
ამ დღეს საყვარელი ადამიანისგან სასიამოვნო სიახლეებს ან ხელსაყრელ შეთავაზებას უნდა ელოდოთ. აკონტროლეთ საკუთარი ჯანმრთელობა და ნუ გადაიღლებით. უმჯობესია, ძვირად ღირებული შესყიდვები სამომავლოდ გადადოთ.
თევზები (19 თებერვალი - 20 მარტი)
ამ დღეს გარშემო მყოფებთან საერთო ენას ადვილად პოულობთ და მათ ფარულ სურვილებსა და მოლოდინებს უსიტყვოდ ხვდებით. სახლში არსებულმა მდგომარეობამ შეიძლება თქვენზე ფსიქოლოგიური ზეწოლა მოახდინოს. სავარაუდოდ, დამატებითი პასუხისმგებლობის აღება და ახლობელთან დაპირისპირება მოგიწევთ.
გლობალური ფინანსური ქსოვილი სხვადასხვა ტიპის კომპანიების ურთიერთქმედებაზე დგას. ფინანსურ ეკოსისტემაში ვხვდებით, როგორც ბანკებს, ასევე ნეობანკებს და ფინტექ-კომპანიებს, საპენსიო ფონდებს, საგადახდო სერვისების მიმწოდებელ ორგანიზაციებს, კერძო კაპიტალის მმართველებს, ჰეჯ-ფონდებსა და აქტივების მმართველ კომპანიებს. აი, სწორედ ამ ბოლო კატეგორიას განეკუთვნება ამერიკული BlackRock-ი, რომელიც სხვა ადამიანებისა და კომპანიების აქტივებს მართავს, ანუ მარტივად რომ ვთქვათ, ინვესტიციას მათ ნაცვლად დებს. გამართული ბიზნესმოდელის გარდა, ამერიკულ კორპორაციას მაღალი რეპუტაცია, ინვესტორებისთვის ფინანსური სარგებლის გენერირების დეკადების განმავლობაში დამტკიცებული შედეგები და პლანეტარული მასშტაბის კავშირები გამოარჩევს.
ამ ყველაფრის დამსახურებით, BlackRock-ი პლანეტის უდიდეს აქტივების მმართველ კომპანიად იქცა, რომლის პორტფელი, ბოლო შედეგებით, $10.5 ტრილიონად იყო შეფასებული. 2024 წლის პირველი კვარტალის ფინანსური ანგარიშის თანახმად, გასულ ერთ წელიწადში, ამერიკულმა კორპორაციამ აქტივების ზომა $1.4 ტრილიონით გაზარდა. ამ თანხის მასშტაბს რომ მიხვდეთ, გეტყვით, რომ მექსიკის მთლიანი შიდა პროდუქტი სწორედ $1.4 ტრილიონია, როცა ესპანეთის, ინდონეზიის და საუდის არაბეთის - ნაკლები. თუმცა BlackRock-ის ჯამური აქტივების ზომა უფრო შთამბეჭდავია, რადგან ამ მაჩვენებელს ქვეყნების მშპ-სთან თუ შევაფარდებთ, აღმოვაჩენთ, რომ მას მხოლოდ ამერიკის შეერთებული შტატები და ჩინეთი უსწრებს.
რა შემოსავალს და წმინდა მოგებას აგენერირებს BlackRock-ი $10.5 ტრილიონად შეფასებული აქტივების მართვით?
2024 წლის I კვარტალში, BlackRock-მა $4.7 მილიარდის შემოსავალი მიიღო, რაც 11%-ით მეტია, ვიდრე შარშან. შემოსავალთან ერთად, ბოლო პერიოდში მკვეთრად, კერძოდ 36%-ითაა გაზრდილი კომპანიის წმინდა მოგება, რომელმაც მიმდინარე წლის პირველ სამ თვეში $1.5 მილიარდი შეადგინა. აღნიშნულ მაჩვენებლებს, უმეტესწილად, ის ფინანსური ინსტრუმენტები აგენერირებენ, რომელთაც BlackRock-ის პორტფელში ვხვდებით - აქ იგულისხმება, როგორც კომპანიების კაპიტალი, ანუ აქციები, ასევე ფიზიკური აქტივები, მათ შორის უძრავი ქონება.
აქციების კუთხით, BlackRock-ის აქტივებს შორის ყველაზე დიდი წილი მსოფლიოს უდიდეს ტექნოლოგიურ, ფარმაკოლოგიურ და ფინანსურ კომპანიებზე მოდის. BlackRock-ის აქციების პორტფელის ათი უდიდესი პოზიცია კი, შემდეგნაირად გამოიყურება:
#1 - Microsoft - $229.7 მილიარდად შეფასებული 542.02 მილიონი აქცია (BlackRock-ის პორტფელის 5.37%)
#2 - Apple - $178.4 მილიარდად შეფასებული 1.04 მილიარდი აქცია (BlackRock-ის პორტფელის 4.17%)
#3 - NVIDIA - $164.66 მილიარდად შეფასებული 182.42 მილიონი აქცია (BlackRock-ის პორტფელის 3.85%)
#4- Amazon - $115.18 მილიარდად შეფასებული 638.54 მილიონი აქცია (BlackRock-ის პორტფელის 2.69%)
#5 - META - $77.18 მილიარდად შეფასებული 158.94 მილიონი აქცია (BlackRock-ის პორტფელის 1.8%)
#6 - Alphabet (Class A) - $62.77 მილიარდად შეფასებული 415.9 მილიონი აქცია (BlackRock-ის პორტფელის 1.47%)
#7 - Alphabet (Class C) - $54.11 მილიარდად შეფასებული 355.37 მილიონი აქცია (BlackRock-ის პორტფელის 1.27%)
#8 - Eli Lilly - $50.78 მილიარდად შეფასებული 65.27 მილიონი აქცია (BlackRock-ის პორტფელის 1.19%)
#9 - Broadcom - $46.27 მილიარდად შეფასებული 34.91 მილიონი აქცია (BlackRock-ის პორტფელის 1.08%)
#10 - Berkshire Hathaway (Class B) - $45.21 მილიარდად შეფასებული 107.51 მილიონი აქცია (BlackRock-ის პორტფელის 1.06%)
წყარო:https://bm.ge/