,
რას გვირჩევენ ვარსკვლავები 10 თებერვლისთვის:
ვერძი
თუ დილიდან უმიზეზო სევდას და დაღლილობას გრძნობთ, თავს ნუ აიძულებთ, რომ შრომატევადი საქმე ან ახალი პროექტი დაიწყოთ. ამჟამად მუშაობისთვის განწყობილი არ ხართ და წარუმატებლობა გელით.
ამ დღემ რომ იმედგაცრუება არ მოგიტანოთ, მოდუნდით და დინებას მიჰყევით. თუ ვერაფერს გააკეთებთ, გაფუჭებასაც ვერ შეძლებთ.
კურო
ეცადეთ, გარშემომყოფების, განსაკუთრებით საყვარელი ადამიანის მიმართ მეტი ყურადღება და მზრუნველობა გამოიჩინოთ, თუნდაც არ იყოთ ამის ხასიათზე. გაითვალისწინეთ, რომ თქვენი პრეტენზიულობა და მოუთმენლობა შეიძლება კონფლიქტის მიზეზი გახდეს.
თუ ვინმეს არ შეურაცხყოფა არ გსურთ, ეცადეთ მარტივი წესი დაიცვათ: „სხვას ნუ გაუკეთებ იმას, რაც საკუთარი თავისთვის არ გსურს.“
ტყუპები
ეცადეთ, საკუთარ პრობლემებსა და წყენას ნაკლები ყურადღება მიაქციოთ და გვერდით მყოფ ადამიანებზე მეტად იზრუნოთ. შესაძლოა, საქმე სამსახურს ეხებოდეს და კოლეგისთვის საკუთარი ცოდნისა და გამოცდილების გაზიარება მოგიხდეთ. არც ისაა გამორიცხული, რომ თქვენი დახმარება მეგობარს დასჭირდეს.
შეიძლება, არჩევანის წინაშეც კი დადგეთ - დაეხმაროთ თუ არა? ვარსკვლავები დახმარებას გირჩევენ, რადგან სიკეთე აუცილებლად დაგიბრუნდებათ და სამყარო უკეთესი გახდება.
კირჩხიბი
შესაძლოა, ამ დღეს თავზე კრიტიკის ქარცეცხლი დაგატყდეთ. გარშემო მყოფები თქვენს უმცირეს შეცდომასაც კი შენიშნავენ, ხოლო თუ არ შეცდით, შეცდომას გამოიგონებენ. ეცადეთ, შექმნილ ვითარებას იუმორით მიუდგეთ და წყენა გულთან არ მიიტანოთ.
ლომი
ვარსკვლავები გაფრთხილებენ, რომ თქვენს ზურგს უკან რაღაც მნიშვნელოვანი ხდება! შესაძლოა, ვიღაც ინტრიგას ხლართავს, სამსახურში პრობლემებს გიქმნით ან ჭორებს გივრცელებთ.
ფარულმა მტრებმა რომ არ დაგაზარალონ, ეცადეთ, მეტი სიფრთხილე და ყურადღება გამოიჩინოთ. გარდა ამისა, იქნებ, იპოვოთ ადამიანი, ვინც მომხდარის შესახებ ყველაფერი იცის და მასთან კონსულტაცია გაიაროთ.
ქალწული
ამ დღეს შესანიშნავად გამოგდით საქმე, რომელიც სიზუსტეს, მოთმინებას და პუნქტუალურობას მოითხოვს. შესაბამისად, ფინანსურ ოპერაციებში წარმატება გელით. ეს დღე ხელსაყრელია ინვესტიციებისთვის, ბიუჯეტის დაგეგმვისა და შოპინგისთვის.
სასწორი
ამ დღეს თქვენთვის საკუთარი თავი და შეხედულებები უმთავრესია. უზომოდ თავდაჯერებული ხართ და გადაწყვეტილების მიღებისას სხვების აზრი არ გაინტერესებთ.
საეჭვოა, გარშემო მყოფებს თქვენი ასეთი დამოკიდებულება მოეწონოთ, ამიტომ გამორიცხული არ არის კონფლიქტები და წინააღმდეგობა გარედან.
მორიელი
ვარსკვლავები გირჩევენ, საყვარელ ადამიანებს განსაკუთრებული ყურადღება მიაქციოთ. თუნდაც უამრავი სამუშაო გქონდეთ, ეცადეთ, საყვარელ ადამიანებთან ერთად ყოფნის დრო გამონახოთ.
დაფიქრდით, ბოლოს გულწრფელად როდის ესაუბრეთ? იქნებ ამ ხნის მანძილზე ორმხრივი წყენა დაგროვდა? აუცილებელი არ არის, რომ ურთიერთობები არკვიოთ. პარკში გასეირნება, კაფეში ან კინოში წასვლა ან სადილის ერთად მომზადებაც საკმარისია, რომ თქვენს სულში ისევ სიმშვიდემ დაისადგუროს.
მშვილდოსანი
არ არის გამორიცხული, რომ საკუთარი სიტყვებსა თუ ქმედებებზე ვინმესთვის ანგარიშის ჩაბარება მოგიწიოთ. ერთგვარი შემოწმება გელით, თუმცა, რაც არ უნდა უსიამოვნო იყოს, მოთმინება უნდა გამოიჩინოთ.
თუ სიმშვიდეს შეინარჩუნებთ, საკუთარ პოზიციას შესანიშნავად ახსნით, მაგრამ თუ მაკონტროლებლებთან დავას დაიწყებთ, საქმის გარჩევა ძალიან დიდხანს გაჭიანურდება.
თხის რქა
ამ დღეს წარმატებას მხოლოდ ძველი, კარგად ნაცნობი ხერხები მოგიტანთ. გაბედული ექსპერიმენტი უშედეგოდ და სინანულით დასრულდება, ამიტომ ეს იდეა სასწრაფოდ უნდა დაივიწყოთ.
ხვალინდელ ქათამს დღევანდელი კვერცხი გირჩევნიათ და ეს მიდგომა არა მარტო ბიზნესში, არამედ ურთიერთობასა და პირად ცხოვრებაშიც დაგეხმარებათ.
მერწყული
ახლობელი ადამიანებისთვის მიცემული თქვენი რჩევები უზომოდ ემოციური, მაგრამ ძალიან სასარგებლოა. ამასთან, თუ ვინმე დახმარებისთვის მოგმართავთ, არა მხოლოდ სიტყვით, არამედ საქმითაც ეხმარებით, თუმცა კრიტიკისთვისაც მზად უნდა იყოს. მერწყული ყველას დაუნდობლად მიუთითებს შეცდომებსა და ნაკლოვანებებზე.
თევზები
საკმაოდ რთული დღე გელით და ამის მიზეზი თავად ხართ - ნებისმიერი წვრილმანი გაღიზიანებთ, რასაც შეიძლება კონფლიქტი, წყენა და გაუგებრობა მოჰყვეს.
ამის თავიდან ასაცილებლად, გირჩევთ, დღეს კომუნიკაცია მინიმუმამდე შეამციროთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
