,
რას გვირჩევენ ვარსკვლავები 10 აგვისტოსათვის:
ვერძი (21 მარტი - 20 აპრილი)
ეს დღე შესაფერისია ინფორმაციასთან მუშაობისთვის. შეეცადეთ, უფრო მჭიდრო კონტაქტში იყოთ ოჯახის წევრებთან – ისინი გიხსნიან ნაჩქარევი ნაბიჯებისგან. ახლა მნიშვნელოვანია ახალი ცოდნისა და უნარების შეძენა, რომლებიც მალე ძალიან გამოგადგებათ.
კურო (21 აპრილი - 21 მაისი)
ბედი შანსს გაძლევთ, რომ ფინანსური მდგომარეობა გაიუმჯობესოთ! დღის განმავლობაში შეიძლება ფულადი ბონუსი ან ძველი ვალი მიიღოთ. თუ უფრო შემოსავლიანი სამსახურის მოძებნას გეგმავთ, ამისთვის უკეთეს დღეს ვერ იპოვით.
ტყუპები (22 მაისი - 21 ივნისი)
ოპტიმისტური განწყობა დაწყებული საქმის წარმატებით დასრულებაში გეხმარებათ. ერთფეროვან სამუშაოს თუ პროექტს, რომელიც ანალიზს მიდგომას საჭიროებს, განსაკუთრებული ძალისხმევის გარეშე გაუმკლავდებით. ეცადეთ საღამოს დიდი ხნის უნახავი ნათესავი მოინახულოთ და საჭიროების შემთხვევაში დახმარება შესთავაზოთ.
კირჩხიბი (22 ივნისი - 22 ივლისი)
კეთილსინდისიერი შრომისთვის შეიძლება მოულოდნელი საჩუქარი მიიღოთ. ეს შეიძლება, მენეჯმენტის მხრიდან მადლიერება ან დაწინაურებაც კი იყოს. თუმცა, თქვენს ცხოვრებაში სხვა სასიამოვნო სიურპრიზებიც შესაძლებელია. ერთი სიტყვით, ხვალ ბედი გაგიღიმებთ და შეიძლება ეს თქვენს ცხოვრებაში წარმატების ახალი სერიის დასაწყისი იყოს.
ლომი (23 ივლისი - 23 აგვისტო)
რთული და მოვლენებით დატვირთული დღე გელით - მოვლენები შეიძლება იმაზე რადიკალურად განხვავებულად განვითარდეს, ვიდრე თქვენ დაგეგმეთ. ფრთხილად იყავით, შესაძლოა ინიციატივა ხელიდან გაგექცეთ და სიტუაცია ვეღარ გააკონტროლოთ. სავარაუდოდ, ეს არასაკმარისი ინფორმირებულობის შედეგი იქნება. ამიტომ ეცადეთ, მხოლოდ ის საქმე აკეთოთ, რაც კარგად იცით.
ქალწული (24 აგვისტო - 23 სექტემბერი)
ვარსკვლავები გირჩევენ, იმ პროექტის განხორციელებას შეუდგეთ რომელზედაც დიდი ხანია, ფიქრობთ. შესაძლოა, სწორედ ხვალ რაღაც სასიამოვნო სიახლე გაიგოთ, რომელიც უახლოეს მომავალში პროექტის დაწყებაში დაგეხმარებათ. ეცადეთ, ეს შანსი გამოიყენოთ.
სასწორი (24 სექტემბერი - 23 ოქტომბერი)
ვარსკვლავები გაფრთხილებენ, რომ შეიძლება რაღაც ჭორებმა თქვენს სამსახურზე, სტატუსსა თუ ცხოვრების დონეზე უარყოფითად იმოქმედონ! უფრო მეტიც, შესაძლოა, თქვენივე ნათქვამმა დაგაზარალოთ, ამიტომ პრობლემების თავიდან ასაცილებლად ეცადეთ, სხვა ადამიანების შესახებ საუბრისგან თავი შეიკავოთ. სამაგიროდ, ყურადღებით უსმინეთ ყველაფერს, რასაც თქვენ გარშემო ამბობენ – ეს საშუალებას მოგცემთ, ჭორების წყარო იპოვოთ და მისგან თავი დაიცვათ
მორიელი (24 ოქტომბერი - 22 ნოემბერი)
ამ დღეს სხვა ადამიანების გამო დიდ იმედგაცრუებას იგრძნობთ, ამიტომ ზედმეტად კატეგორიულად და მკაცრად განსჯით ყველას. ვარსკვლავები გირჩევენ, რომ გარშემო ნაკლებად იყუროთ და საკუთარ საქმეს მიხედოთ. ეს საშუალებას მოგცემთ, ახალი სიმაღლეები დაიპყროთ და ძველი დიდება დაიბრუნოთ!
მშვილდოსანი (23 ნოემბერი - 21 დეკემბერი)
ამ დღეს მშვილდოსნის მამოძრავებელი ძალა ნებისმიერ საქმეში ჯანსაღი კონკურენციაა. ის გაიძულებთ, რომ ჩვეულებრივზე უფრო ენერგიულად იმოქმედოთ. შესაძლოა, სწორედ კონკურენციამ გადაგადგმევინოთ ისეთი ნაბიჯი, რომელსაც ადრე სიფრთხილის გამო მოერიდებოდით. რამდენად გამართლდება ეს რისკი, მოგვიანებით გაირკვევა.
თხის რქა (22 დეკემბერი - 20 იანვარი)
ამ დღეს ზედმეტად მოწესრიგებული, თუმცა, ამავდროულად, კატეგორიული ხართ. ყოველ შემთხვევაში, გარშემო მყოფებს ასე ეჩვენებათ - ერთი მხრივ, სხვა ადამიანებს თქვენს საქმეში ჩარევის უფლებას არ აძლევთ, მეორე მხრივ, გარშემო ყველას აკრიტიკებთ. დარწმუნებული ხართ, რომ საქმის ინტერესებიდან გამომდინარე მოქმედებთ და შეიძლება მართლაც იყოთ.
მერწყული (21 იანვარი - 18 თებერვალი)
ზუსტად იცით, როდის, სად და როგორ იმოქმედოთ და ეს თქვენი წარმატების გასაღებია. სიტუაცია თქვენგან სწორად ორიენტირებას და საკუთარი იდეების ისე გამოხატვას მოითხოვს, რომ სხვებსაც მოეწონოთ. მოქმედების ყველა შესაძლო ვარიანტიდან ხვალ თქვენთვის ყველაზე მომგებიანს აირჩევთ, თუნდაც ამისთვის საკუთარ პრინციპებზე უარის თქმა მოგიწიოთ.
თევზები (19 თებერვალი - 20 მარტი)
ნებისმიერი წამოწყებისთვის ხელსაყრელი დღეა! თითქმის ყველაფერი, რასაც ამ დღეს ხელს მოჰკიდებთ, უახლოეს ხანებში მოგებას და წარმატებას გპირდებათ. ამიტომ შეგიძლიათ, ახალი გეგმები შეადგინოთ, ახალი პროექტები დაიწყოთ და ახალი მიზნები დაისახოთ. ერთადერთი, რაც ხვალ ხელს შეგიშლით, შურიანი ადამიანის კრიტიკაა, რომელმაც შეიძლება თავდაჯერება დაგაკარგვინოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
