,
ვერძი (21 მარტი - 20 აპრილი)
ამ დღეს ნებისმიერ ადამიანთან, მათ შორის ოპონენტებთან და არაკეთილმოსურნეებთანაც კი საერთო ენას ადვილად პოულობთ. შესანიშნავი დღეა როგორც პროფესიული, ისე ოჯახური პრობლემების მოსაგვარებლად. გამორიცხული არ არის, რომ საღამოს ღირებული საჩუქრები მიიღოთ.
კურო (21 აპრილი - 21 მაისი)
პლანეტების ხელსაყრელი განლაგება წარმატებულ დღეს გპირდებათ. შეგიძლიათ, რთული საქმეები და მასშტაბური პროექტები დაიწყოთ, რადგან ყველაფერს შესანიშნავად გაუმკლავდებით. მოსალოდნელია ახალი ნაცნობობა, რომელიც, თუ ისურვებთ, შეიძლება უფრო ახლო ურთიერთობაში გადაიზარდოს.
შესაძლებელია ძველი ვალების დაბრუნება ან დაუგეგმავი შემოსავალი. ბევრი კურო საინტერესო საქმიან შეთავაზებას მიიღებს, რომელზედაც დაუფიქრებლად უნდა დათანხმდეთ.
ტყუპები (22 მაისი - 21 ივნისი)
შესანიშნავი დღეა მუშაობისთვის - მიზნის მიღწევა ასეთი მარტივი არასოდეს ყოფილა. ეცადეთ, ყურადღება გაამახვილოთ საქმეზე, რომელიც კრეატიულობას მოითხოვს. შესაძლებელია დაუგეგმავი ფინანსური შემოსავალი მიიღოთ ან სარფიანი გარიგება დადოთ. დღის მეორე ნახევარი ხელსაყრელია ოჯახური საქმეების მოწესრიგებისთვის. საყვარელი ადამიანების გარემოცვაში თავს მშვენივრად იგრძნობთ.
.კირჩხიბი (22 ივნისი - 22 ივლისი)
რთული და წინააღმდეგობრივი დღეა. სავარაუდოდ, სერიოზულ გამოწვევებთან გამკლავება მოგიწევთ, მაგრამ ოპტიმიზმით სავსე ხართ და საკუთარი თავის იმედი გაქვთ, რაც წარმატების მიღწევაში დაგეხმარებათ. შესაძლოა, გავლენიანი ადამიანების მხარდაჭერა მოიპოვოთ.
სავარაუდოდ, მალე მოკავშირეებს იპოვით, რომლებიც გეგმების განხორციელებაში დაგეხმარებიან. სამსახურებრივი რომანი თ გაქვთ, იცოდეთ, რომ მისი პერსპექტივა ძალიან ბუნდოვანია.
ლომი (23 ივლისი - 23 აგვისტო)
ხელსაყრელი დღეა საქმიანი ურთიერთობისთვის. პოტენციურ დამსაქმებლებთან და პარტნიორებთან შეხვედრები კარგად ჩაივლის. გირჩევთ, ყოფილ კოლეგებს თავი შეახსენოთ - შესაძლებელია, თქვენთვის საინტერესო შეთავაზება აქვთ.
ზოგი ლომი შეძლებს, ფინანსური მდგომარეობა მნიშვნელოვნად გააუმჯობესოს. გირჩევთ, დღის მეორე ნახევარში პატარა წვეულება გამართოთ და დიდი ხნის უნახავი ადამიანები მიიწვიოთ.
ქალწული (24 აგვისტო - 23 სექტემბერი)
დილიდან სიფრთხილე უნდა გამოიჩინოთ - დაძაბული ვითარება შეცდომის დაშვების ალბათობას ზრდის. ურთიერთობაში მოსალოდნელია პრობლემები - ვიღაც თითქოს განგებ გაღიზიანებთ და ცდილობს, წყობიდან გამოგიყვანოთ.
დღის მეორე ნახევარი გაცილებით უკეთესია. თითქმის ნებისმიერ საქმეში შესანიშნავ შედეგს მიაღწევთ. მარტოხელა ქალწულები შეიძლება ოცნების ადამიანს შეხვდნენ.
სასწორი (24 სექტემბერი - 23 ოქტომბერი)
ყველა თვალსაზრისით ხელსაყრელი დღეა. ეცადეთ, საკუთარი პრინციპები დაიცვათ და სინდისთან კომპრომისზე არ წახვიდეთ. საქმიან შეხვედრაზე შესაძლოა, გავლენიანი ადამიანები გაიცნოთ და მათი კეთილგანწყობა მოიპოვოთ. ამ დღეს დაწყებული თანამშრომლობა ძალიან ნაყოფიერი იქნება.
სავარაუდოდ, ძველი ურთიერთობის დაბრუნების შანსი გაჩნდება, მაგრამ ჯერ უნდა დაფიქრდეთ, ნამდვილად გჭირდებათ ეს თუ არა. დროა ილუზიებისგან გათავისუფლდეთ და სიტუაცია მშვიდად და ცივი გონებით შეაფასოთ.
მორიელი (24 ოქტომბერი - 22 ნოემბერი)
ვარსკვლავები მორიელებს უკეთესობისკენ ცვლილებებს ჰპირდებიან, განსაკუთრებით მათ, ვისაც ექსპერიმენტების არ ეშინიათ. საქმის მიმართ კრეატიული მიდგომა სასურველი შედეგის მიღწევაში დაგეხმარებათ.
გარშემო მყოფები თქვენს ინიციატივებს თავიდან ფრთხილად შეხვდებიან, მაგრამ მალე აზრს შეიცვლიან.
მოსალოდნელია შეხვედრა ადამიანთან, რომელიც ოდესღაც ძალიან ძვირფასი იყო თქვენთვის.
მშვილდოსანი (23 ნოემბერი - 21 დეკემბერი)
ამ დღეს სიურპრიზებისა და მოულოდნელობებისთვის მზად უნდა იყოთ. შეიძლება გეგმების შეცვლა და სარისკო მეთოდების გამოყენება მოგიწიოთ, მაგრამ შედეგი მოლოდინს გაამართლებს.
საშუალება გექნებათ, რომ გარშემო მყოფებზე შთაბეჭდილება მოახდინოთ არა მარტო ცოდნითა და უნარებით, არამედ პიროვნული თვისებებითაც.
ასაკით უფროსი ადამიანების რჩევებს ყურადღებით უნდა მოუსმინოთ და აუცილებლად გაითვალისწინოთ.
თხის რქა (22 დეკემბერი - 20 იანვარი)
ეს დღე შეიძლება თქვენს ცხოვრებაში მნიშვნელოვანი ცვლილებების საწყისად იქცეს, ამიტომ მნიშვნელოვანია, რომ შეცდომები არ დაუშვათ, რომლებსაც მოგვიანებით ინანებთ. მოვლენები იმდენად სწრაფად განვითარდება, რომ შეიძლება ფიქრის დროც არ დაგრჩეთ. საბედნიეროდ, მახვილი ინტუიცია ყველაზე სწორი გადაწყვეტილებების მიღებაში დაგეხმარებათ. ეცადეთ, ემოციები აკონტროლოთ, რათა კონფლიქტები თავიდან აიცილოთ.
მერწყული (21 იანვარი - 18 თებერვალი)
ამ დღეს ნებისმიერი საქმე, რომელსაც ხელს მოჰკიდებთ, წარმატებით დასრულდება. ნუ მოდუნდებით - თუ არ შეჩერდებით, პირველ წარმატებას სხვებიც მოჰყვება.
ამ დღეს საშუალება გექნებათ, რომ ახალი ცოდნა და სასარგებლო გამოცდილება მიიღოთ, რომელიც მალე გამოგადგებათ. ეცადეთ, საღამო ოჯახის წევრებთან და უახლოეს მეგობრებთან ერთად გაატაროთ.
თევზები (19 თებერვალი - 20 მარტი)
ამ დღეს შეიძლება ახალი, მნიშვნელოვანი ინფორმაცია მიიღოთ, რომელიც მალე გამოგადგებათ. ნუ დაკარგავთ დროს ისეთ ადამიანებთან საუბარში, ვისი შეხედულებებიც თქვენი შეხედულებებისგან რადიკალურად განსხვავდება.
ფინანსურ საკითხებში სიფრთხილე უნდა გამოიჩინოთ - დარწმუნდით, რომ თქვენი გარიგებები იურიდიულად გამართულია, რადგან შეიძლება თაღლითობის მსხვერპლი გახდეთ. რამდენიმე დღე დიდი შესყიდვებისგან თავი უნდა შეიკავოთ
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
