,
ვერძი (21 მარტი – 19 აპრილი)
დღეს ენერგია და მუხტი გაქვს, მაგრამ არ გააფლანგო იქ, სადაც შედეგი არ ჩანს. ჯანმრთელობა კარგი იქნება, თუმცა გადაჭარბებულმა აქტივობამ შესაძლოა წელის ან სახსრების ტკივილი გამოიწვიოს. ოჯახში ცოტა დაძაბულობა იგრძნობა – შეეცადე იყო მოთმინებით და არ აგყვე გაღიზიანებას. ბიზნესში მოსალოდნელია საშუალო დონის შემოსავალი, მაგრამ ფრთხილად იყავი გადაწყვეტილებების მიღებისას. სიყვარულში – სჯობს თავი შეიკავო დიდგულოვანი სიტყვებისგან, რომ ცეცხლი არ აგიზგიზდეს იქ, სადაც არ გეგმავდი.
კურო (20 აპრილი – 20 მაისი)
მაისი შენი თვეა და დღე მეტ-ნაკლებად სტაბილურად ჩაივლის. ფიზიკური მდგომარეობა გაუმჯობესებულია, მაგრამ საჭმელზე ზედმეტად არ გაიწელო – კუჭი გეტყვის თავისას. ოჯახის წევრებთან კარგად აეწყობა დიალოგი, განსაკუთრებით თუ გახსნილობას გამოიჩენ. სამსახურში მოსალოდნელია შექება, თუმცა მცირე პრობლემამ შეიძლება განწყობა გაგიფუჭოს. სიყვარულში რუტინა შეეპარა – ჩაანაცვლე პატარა სიურპრიზით.
ტყუპები (21 მაისი – 20 ივნისი)
შფოთიანი და ცვალებადი დღეა, როგორც შენ თვითონ. ჯანმრთელობაზე განსაკუთრებული ყურადღება გმართებს – ნერვულმა დაძაბულობამ შეიძლება ძილის ხარისხზე იმოქმედოს. ოჯახში შესაძლოა უკმაყოფილება გამოხატონ შენი უყურადღებობის გამო. ფინანსური კუთხით სჯობს თავი შეიკავო ზედმეტი ხარჯვისგან – ჯერ არ არის მომგებიანი გარიგებების დრო. პირადში სჯობს მეტი სიფრთხილე, მარტივი სიტყვა შეიძლება დიდ გაუგებრობაში გადაიზარდოს.
კირჩხიბი (21 ივნისი – 22 ივლისი)
ემოციური ფონი შედარებით დაბალია, მაგრამ სწორედ ეს გაძლევს შანსს, გააანალიზო ურთიერთობები. ჯანმრთელობის მხრივ, ქრონიკულმა სიფრთხილემ შეიძლება თავი შეგახსენოს – არ გადადო ექიმთან ვიზიტი. ოჯახში ჰარმონიაა, თუ დროს დაუთმობ მათ, ვისაც შენი სჭირდება. სამსახურში არ გირჩევ დიდი ინიციატივების წამოწყებას – დაფიქრდი კარგად. სიყვარულში პოზიტიური ძვრებია – მცირე ჟესტიც კი დიდ გავლენას მოახდენს.
ლომი (23 ივლისი – 22 აგვისტო)
ლომებო, დღეს დაგეტყობა ამბიციური განწყობა. ფიზიკური მდგომარეობა კარგი გაქვს, თუმცა ზედმეტმა თვითდაჯერებულობამ შეიძლება გადაგიღალოს. ოჯახში შენზეა დამოკიდებული მშვიდობა – სჯობს ცოტა თბილი სიტყვა არ დაიშურო. საქმეში წინსვლის შანსი არსებობს, მაგრამ მხოლოდ იმ შემთხვევაში, თუ გაწონასწორებულად იმოქმედებ. სიყვარულში – დრამატულობამ რომანტიკა არ მოკლას.
ქალწული (23 აგვისტო – 22 სექტემბერი)
ყველაფერს უყურებ დეტალებში და სწორედ ეს გაძლევს უპირატესობას დღეს. ჯანმრთელობა სტაბილურია, თუმცა გადაჭარბებულმა ფიქრმა შესაძლოა გამოიწვიოს მენტალური გადაღლა. ოჯახში შენი კრიტიკა შეიძლება ზედმეტად მკვეთრად აღიქვან – მეტი დელიკატურობა გამოიჩინე. საქმეში კარგი დროა დაგეგმვისთვის, მაგრამ ნაკლებად – რეალიზებისთვის. სიყვარულში ურთიერთგაგება მხოლოდ ღიაობით მიიღწევა.
სასწორი (23 სექტემბერი – 22 ოქტომბერი)
დღეს ბალანსის პოვნა შენთვის გასაღებია. ჯანმრთელობა არაა საგანგაშო, თუმცა არ დაგავიწყდეს მოძრაობა – სედენტარული რეჟიმი ზიანს მოგიტანს. ოჯახში ურთიერთობების დარეგულირება შენგან ინიციატივას მოითხოვს. ბიზნესში და კარიერაში გადამწყვეტი დღე არაა, თუმცა ერთი სწორი ზარი ბევრს შეცვლის. სიყვარულში მეტი გულწრფელობა მოგეთხოვება – პარტნიორი მოლოდინშია.
მორიელი (23 ოქტომბერი – 21 ნოემბერი)
შინაგანი დაძაბულობა და გარე წნეხი შეიძლება კონფლიქტში გადაიზარდოს. ყურადღება მიაქციე სისხლის წნევასა და ჰორმონალურ ბალანსს. ოჯახში გამოკვეთილია კონტროლის სურვილი – დათმე და იგრძნობ შვებას. პროფესიულად უკეთესი დღე არაა, მაგრამ შეგიძლია მოამზადო საფუძველი მომავლისთვის. სიყვარულში, თუ გაჩუმდები, ყველაფერს გააფუჭებ – სჯობს ილაპარაკო, მაგრამ გონივრულად.
მშვილდოსანი (22 ნოემბერი – 21 დეკემბერი)
ენერგიული და იმპულსური ხარ, რაც შეიძლება კარგიც იყოს და ცუდიც – გააჩნია სად მიმართავ. ჯანმრთელობა კარგია, თუ სიფრთხილეს გამოიჩენ სპორტისას. ოჯახში სჯობს ცოტა ნაკლები ეგო – ყველა შენს ტემპს ვერ მისდევს. ფინანსურად მოსალოდნელია გაუთვალისწინებელი ხარჯი, ამიტომ გააკონტროლე ბიუჯეტი. სიყვარულში – თუ არ გინდა გაუგებრობა, მოერიდე ორაზროვან მინიშნებებს.
თხის რქა (22 დეკემბერი – 19 იანვარი)
დაგეგმილი ხარ, მაგრამ გარემოებები დაგარღვევენ – ადაპტაციის უნარი დაგჭირდება. ჯანმრთელობა სტაბილურია, თუ არ გადატვირთავ თავს ფიზიკურად ან ემოციურად. ოჯახში შენს სიტყვას აქვს წონა – იყავი ფრთხილად, რას ამბობ. კარიერაში შესაძლოა წარმოიშვას ახალი იდეა, მაგრამ ჯერ ნუ გაამჟღავნებ. სიყვარულში სიწყნარეა – დააფასე ეს მდგომარეობა და არ ეცადო დრამის შემოტანას.
მერწყული (20 იანვარი – 18 თებერვალი)
სოციუმი დღეს შენთვის გადამწყვეტია – ვისთან იქნები, იმ ტალღაზე აღმოჩნდები. ჯანმრთელობა კარგია, თუმცა დაღლილობა – ფსიქოლოგიური – შენში აგროვებს ენერგიას. ოჯახისგან შეიძლება მოულოდნელი რჩევა მიიღო, რომელიც წინააღდეგობაში იქნება შენთან – არ დაიცავი პოზიცია “მესამე მსოფლიომდე.” ბიზნესში ინოვაციური იდეები გაქვს, მაგრამ ჯერ არ არის რეალიზაციის დრო. სიყვარულში პატარა სიურპრიზი დიდ შედეგს მოიტანს.
თევზები (19 თებერვალი – 20 მარტი)
დღეს განწყობა ცვალებადია – ხან მოტივირებული ხარ, ხან უბრალოდ გეზარება. ჯანმრთელობა სტაბილურია, მაგრამ წყლის რეჟიმს არ გაუფრთხილდე – შესაძლოა თავი დაგაბეზროს თავის ტკივილმა. ოჯახში შენს მგრძნობელობაზე სათანადოდ არ რეაგირებენ – ნუ ელოდები, თქვი. კარიერაში საქმე შენს თანმიმდევრულობაზეა დამოკიდებული – ნუ დაკარგავ ფოკუსს. სიყვარულში ემოციური ბარიერი გაქვს – გარისკე და გადალახე.
თუ შენც ელოდები რაღაც დიდს – დღეს არ მოვა, მაგრამ გზაზე დადგომა ნამდვილად შეგიძლია.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
