,
რას გვირჩევენ ვარსკვლავები 1 იანვრისთვის:
ვერძი
ამ დილით ეცადეთ წვრილმანებზე არ გაღიზიანდეთ და ემოციები აკონტროლეთ. მალე განწყობა გაგიუმჯობესდებათ და სწორ გადაწყვეტილებებს მიიღებთ. გირჩევთ, საკუთარი იდეები ლოგიკით და ფხიზელი გონებით შეამოწმოთ. ყურადღება მიაქციეთ საკუთარი და ახლობელი ადამიანების ჯანმრთელობის მდგომარეობას. სრულყოფილი ძილი სტრესის მოხსნაში დაგეხმარებათ.
კურო
დღის პირველი ნახევარი იმდენად რთული და ქაოსურია, რომ სიმშვიდის პოვნა და წესრიგის აღდგენა გიჭირთ. შესაძლოა მოულოდნელი სიახლე გაიგოთ. სადილის შემდეგ ძველ მეგობრებთან შეხვედრა და წარსულის გახსენება სასიამოვნო ემოციებს მოგიტანთ და თავს უკეთ გაგრძნობინებთ. მოაწყვეთ ამ დღეს ოჯახური დღესასწაული და სასიამოვნო მოგონებები დიდხანს არ დაგტოვებთ.
ტყუპები
სამსახურისა და საქმეების არსებობა ცოტა ხნით დაივიწყეთ და ეს დღე მთლიანად დასვენებას და სასიამოვნო ურთიერთობას დაუთმეთ. თავი ფანტაზიებით გაქვთ გამოტენილი, მაგრამ ეცადეთ, ილუზიებს არ აჰყვეთ და რეალობის გრძნობა არ დაკარგოთ. მოემზადეთ სტუმრების მოულოდნელი ჩამოსვლისა და მხიარული სიურპრიზებისთვის.
კირჩხიბი
გამოიყენეთ შესაძლებლობა და დასვენების დღეები მყუდრო გარემოში, საყვარელი ადამიანების გვერდით გაატარეთ. აჩუქეთ საკუთარ თავს მასაჟის ან სილამაზის პროცედურები. გამორიცხული არ არის, რომ საინტერესო პიროვნებას შეხვდეთ, რომელიც თქვენს აზრებს და იდეებს იზიარებს. საღამოს შეგიძლიათ მეგობრებთან ერთად პარკში ან გასართობ ღონისძიებაზე წასვლა დაგეგმოთ.
ლომი
მშვენიერი დღეა მეგობრებთან შეხვედრისა და სასიამოვნო გარემოში წარსულის გახსენებისთვის. შესაძლებლობა გექნებათ, რომ საკუთარ გატაცებას მეტი დრო დაუთმოთ და ყოველდღიური პრობლემები უჩვეულო გზით გადაჭრათ. ოჯახი სიამოვნებით შემოგიერთდებათ და დროს კარგად გაატარებთ. გირჩევთ, ხმაურიანი წვეულების შემდეგ ჯანმრთელობას მეტი ყურადღება მიაქციოთ და აუზს ეწვიოთ - წყალი დაგამშვიდებთ და სასიცოცხლო ენერგიით აგავსებთ.
ქალწული
საოჯახო საქმეები გვერდზე გადადეთ და გასართობად სადმე ლამაზ და უჩვეულო ადგილზე წადით. ვარსკვლავები გირჩევენ, რომ ახალი ადგილები მოინახულოთ და დადებითი ემოციებით დაიმუხტოთ. ხანმოკლე მოგზაურობა წარმატებული იქნება. უმჯობესია არაფერზე გაღიზიანდეთ და თავი აკონტროლოთ, რადგან ახლობლები ამ დღეს თქვენგან მხოლოდ დადებით ემოციებს ელიან.
სასწორი
წარმატებული და ხელსაყრელი დღეა. ოჯახის წევრებთან და მეგობრებთან ურთიერთობაში სრული იდილიაა და ერთმანეთის სიტყვის უთქმელად გესმით. ეცადეთ ამ რადიკალური გადაწყვეტილებები არ მიიღოთ. თორემ შეიძლება პარტნიორთან ურთიერთობა გაიფუჭოთ. პირად ცხოვრებაში სასიამოვნო მოვლენა გელით, ამიტომ მომავალს ოპტიმიზმით უნდა შეხედოთ.
მორიელი
ხელსაყრელი დღეა, რომელიც საშუალებას მოგცემთ, რომ ნებისმიერი საქმე წარმატებით დაასრულოთ. შესაძლოა, დიდი ხანია უნახავ ადამიანს შეხვდეთ და ძველი შეცდომების გამოსწორება სცადოთ. მოერიდეთ მეტისმეტად ცხარე და ცხიმიანი საკვების მირთმევას, რადგან გამორიცხული არ არის კვებითი ინტოქსიკაცია ან ქრონიკული დაავადების გამწვავება.
მშვილდოსანი
სადღესასწაულო განწყობა და დადებითი ემოციები თავს შესანიშნავად გაგრძნობინებთ. გსურთ, რომ გარშემო მყოფ ადამიანებს სიყვარულში გამოუტყდეთ და ზღაპრულ მოგზაურობაში გაემგზავროთ. გამორიცხული არ არის, რომ ვიღაცამ ძველი, დავიწყებული ვალი დაგბრუნოთ ან მოულოდნელი ფინანსური შემოსავალი მიიღოთ. წვეულებაზე გაიცნობთ ადამიანს, რომელთანაც ხანგრძლივ ურთიერთობას გააბამთ - მეგობრულს თუ სასიყვარულოს, თქვენზეა დამოკიდებული.
თხის რქა
დილით შეიძლება მცირე პრობლემას ან გაუგებრობებს შეეჯახოთ, ამიტომ, უმჯობესია სადილამდე საწოლში ინებივროთ. დღის მეორე ნახევარში საშუალება გექნებათ, რომ საინტერესო იდეები განახორციელოთ. თუ გონიერებას გამოიჩენთ, ნებისმიერი სადავო საკითხის მოგვარებაში წარმატება გელით.
მერწყული
გამორიცხული არ არის, რომ 1-ელი იანვრის დილა ქაოსური იყოს. სიტუაცია მხოლოდ საღამოს გამოსწორდება, როდესაც მიხვდებით, როგორ უნდა მოიქცეთ და რა უნდა გააკეთოთ. თქვენი სასიცოცხლო პოტენციალი მაღალია, მაგრამ ეცადეთ, არ გადაიღალოთ. მეგობრებთან, მხიარულ წვეულებაზე სასიხარულო ამბავს გაიგებთ.
თევზები
ხალისიანი და სასიამოვნო დღეა. შესაძლოა, დიდი ხნის უნახავ, ძველ მეგობრებს შეხვდეთ. მონატრებული ურთიერთობა დადებით ემოციებს მოგიტანთ და განწყობას აგიმაღლებთ. გამორიცხული არ არის, რომ ერთობლივი მოგზაურობა დაგეგმოთ. დაძაბული გრაფიკის მიუხედავად, ეცადეთ, საღამოს სუფთა ჰაერზე გასეირნების დრო გამონახოთ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
