,
რას გვირჩევენ ვარსკვლავები 27 ივლისისთვის:
ვერძი (21 მარტი - 20 აპრილი)
ეცადეთ დღის პირველ ნახევარში თქვენი საუკეთესო თვისებები გამოავლინოთ. ამ დროს ვარსკვლავები წარმატების მიღწევაში დაგეხმარებათ. კოლეგებს შორის თქვენ მიმართ არაკეთილგანწყობილებიც არიან და მოერიდეთ ადამიანებს, რომლებიც კონფლიქტის პროვოცირებას ცდილობენ, მით უმეტეს, რომ ამ დღეს ემოციების მოთოკვა გიჭირთ. ერიდეთ ფულის ვალად აღებას და ფლანგვას.
კურო (21 აპრილი - 21 მაისი)
გახსოვდეთ, რომ ნაყოფიერი დღეა. სასიამოვნო სიურპრიზები გელით. დროა, დიდი ხნის წინ ჩაფიქრებული იდეების განხორციელებას შეუდგეთ. საქმიანი მოლაპარაკებები სასურველ შედეგს მოგიტანთ. ხელსაყრელი დღეა ახალი გარიგებებისთვის.
ტყუპები (22 მაისი - 21 ივნისი)
ეცადეთ მთელი ყურადღება სამუშაოზე გადაიტანოთ. ეს დღე რუტინულ, ერთფეროვან აქტივობებში ჩაივლის, რაც დიდ სიხარულს არ განიჭებთ. განწყობას მხოლოდ მეგობრების ან საყვარელი ადამიანის გარემოცვაში გატარებული საღამო გამოგიკეთებთ.
დაძაბული მუშაობის შემდეგ დასვენება დაიმსახურეთ. დროა შვებულება და მოგზაურობა დაგეგმოთ.
კირჩხიბი (22 ივნისი - 22 ივლისი)
პრობლემების გადაჭრაში მოულოდნელად გამოჩენილი მოკავშირეები დაგეხმარებიან, მაგრამ იმედი ნუ გექნებათ, რომ მათი ქმედებები უანგარო იქნება. ადრე თუ გვიან ისინი სანაცვლოდ რაღაცის გაკეთებას გთხოვენ.
პირად ცხოვრებაში მოსალოდნელია ცვლილებები. ეს შეიძლება ახალი ნაცნობობა ან ურთიერთობის სხვა დონეზე გადასვლა იყოს.
ლომი (23 ივლისი - 23 აგვისტო)
დღის პირველი ნახევარი რთული იქნება, რადგან უამრავი დაუსრულებელი საქმე დაგიგროვდათ. შესაძლოა კონფლიქტურ სიტუაციაში აღმოჩნდეთ, მაგრამ ეცადეთ, ემოციები აკონტროლოთ და პროვოკაციებს არ აჰყვეთ. გირჩევთ, გაწყვეტილი ურთიერთობების აღდგენაზე იზრუნოთ.
საყვარელი ადამიანის მხრიდან მოსალოდნელია ეჭვიანობა, რაც ნაწილობრივ სამსახურით თქვენს უზომო გატაცებას უკავშირდება.
ქალწული (24 აგვისტო - 23 სექტემბერი)
თუ გადაწყვეტილების მიღების დროს არ აჩქარდებით, ყველა საქმეს თავს გაართმევთ. უსმინეთ საყვარელი ადამიანების რჩევებს, რომლებიც რთულ დროს თქვენი მთავარი მხარდამჭერები გახდებიან.
ხელსაყრელი დღეა ახალი ცოდნის მიღებისა და სწავლისთვის. ამ დღეს მიღებული ცოდნა სამომავლო საქმიანობაში ძალიან გამოგადგებათ.
სასწორი (24 სექტემბერი - 23 ოქტომბერი)
იმედი ნუ გექნებათ, რომ პრობლემები თავისით მოგვარდება. ნუ გადადებთ ხვალისთვის იმას, რისი გაკეთებაც დღეს შეგიძლიათ. ეს დღე ხელსაყრელია გაწყვეტილი ურთიერთობის აღდგენისა და საერთო ინტერესების პოვნისთვის. დღეს თქვენი ცოდნა და გამოცდილება ძალიან გამოგადგებათ.
მორიელი (24 ოქტომბერი - 22 ნოემბერი)
მთელი დღის განმავლობაში სირთულეებს აწყდებით, თუმცა დღე საკმაოდ ნაყოფიერად ჩაივლის. მთავარია თქვენი ძლიერი მხარეები გადაჭარბებულად არ შეაფასოთ და თანაბრად გაანაწილოთ ცხოვრების ყველა სფეროს შორის. ზედმეტი მუშაობა თქვენი ჯანმრთელობის მდგომარეობაზე უარყოფითად იმოქმედებს და მძიმე ნერვულ დაძაბვას გამოიწვევს.
გირჩევთ საკუთარი გეგმების შესახებ არავის უამბოთ, რადგან ვიღაც აუცილებლად ხელს შეგიშლით.
მშვილდოსანი (23 ნოემბერი - 21 დეკემბერი)
ამ დღეს თქვენი ყურადღება მთლიანად პირადი ცხოვრებისკენ გადავა. ის სასიამოვნო სიურპრიზებს გპირდებათ, მაგრამ არც თქვენი პირდაპირი მოვალეობები უნდა დაივიწყოთ.
საღამო სასიამოვნო კომპანიაში დასვენებას უნდა დაუთმოთ, რაც უამრავ დადებით ემოციას გპირდებათ.
თხის რქა (22 დეკემბერი - 20 იანვარი)
ამ დღეს ახალი საქმეების დაწყებას უნდა მოერიდოთ - დროს და ენერგიას ტყუილად დახარჯავთ. სირთულეების ეტაპი ძალიან მალე დასრულდება და თქვენს ცხოვრებაში სიმშვიდე დაისადგურებს.
დროა სამომავლო გეგმების შედგენაზე იზრუნოთ - მათ განხორციელებას ძალიან მალე შეძლებთ.
პირად ურთიერთობებში მოსალდნელია სირთულეები. საყვარელი ადამიანები უყურადღებოდ არ უნდა მიატოვოთ - ახლა მათ ყველაზე მეტად თქვენი ზრუნვა სჭირდებათ.
მერწყული (21 იანვარი - 18 თებერვალი)
ამ დღეს შესაძლოა, საკუთარი ინტერესების დასაცავად კონფლიქტში შესვლა მოგიწიოთ. გირჩევთ, საკუთარი თვალსაზრისიი მშვიდად და ოპონენტის შეურაცხყოფის გარეშე დაიცვათ, წინააღმდეგ შემთხვევაში შეიძლება ურთიერთობა გაწყდეს.
საღამოს ძველ მეგობრებთან შეხვედრის შესაძლებლობა მოგეცემათ და არ უნდა გამოტოვოთ.
თევზები (19 თებერვალი - 20 მარტი)
ამ დღეს ძველი იდეების განხორციელების შესაძლებლობა გექნებათ. ეცადეთ, არ გადაიღალოთ, რადგან ეს თქვენს ჯანმრთელობაზე უარყოფითად აისახება.
ახლობელი ადამიანი დახმარებას შემოგთავაზებთ და უარი არ უნდა თქვათ
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
