,
რას გვირჩევენ ვარსკვლავები 10 დეკემბრისთვის:
ვერძი (21 მარტი - 20 აპრილი)
სერიოზული საქმეები გვერდით გადადეთ და ეს დღე საყვარელ საქმიანობას და სასიამოვნო ურთიერთობას დაუთმეთ. გავლენიან და თავისი საქმის მცოდნე ადამიანთან საუბარი საინტერესო იდეებით აგავსებთ. მოერიდეთ საზოგადოებრივი თავშეყრის ადგილებს - მაღალია ვირუსის რისკი. საღამოს შეიძლება სიტუაცია უკონტროლო გახდეს, რაც ძალიან განერვიულებთ და გაღიზიანებთ. გირჩევთ, დინებას მიჰყვეთ - პრობლემები არც ისე სერიოზულია, როგორც ერთი შეხედვით ჩანს.
კურო (21 აპრილი - 21 მაისი)
თუ უახლოეს წარსულში სწორი გადაწყვეტილება მიიღეთ, ეს დღე წარმატებული იქნება. გეგმების შეცვლა და სიტუაციის მიხედვით მოქმედება მოგიწევთ. ნუ მოგერიდებათ ახლობლებისთვის დახმარების თხოვნა - ისინი შესანიშნავად გაგიგებენ. დააკვირდით თქვენ გარშემო განვითარებულ მოვლენებს - თუ სწორ დასკვნებს გამოიტანთ, მომავალში ბევრ პრობლემას აიცილებთ თავიდან.
ტყუპები (22 მაისი - 21 ივნისი)
ამ დღეს ყველაზე მნიშვნელოვანი საქმეები საყვარელი ადამიანების პრობლემებს უკავშირდება. ცოტა ხნით საკუთარი ინტერესები უნდა დაივიწყოთ და დაეხმაროთ მათ, ვისაც ყველაზე მეტად სჭირდებით. საქმიანი მოლაპარაკებები თქვენთვის სასურველი სცენარით განვითარდება, მაგრამ ყველა დაპირებას, რომელსაც დღეს მოისმენთ, არ უნდა დაუჯეროთ. თუ ხვდებით, რომ ყველა და ყველაფერი გაღიზიანებთ, ეცადეთ ცოტა ხნით განმარტოვდეთ.
კირჩხიბი (22 ივნისი - 22 ივლისი)
დილიდან თავს მოდუნებულად გრძნობთ, თითქოს გამოღვიძება გიჭირთ, ამიტომ გირჩევთ, სამომავლოდ გადადოთ საქმეები, რომლებიც სწრაფ რეაქციას ან ყურადღების კონცენტრაციას გაზრდას მოითხოვს. სასურველია, რომ პირად ურთიერთობებში გრძნობები არ დამალოთ და მეტი ინიციატივა გამოიჩინოთ. ამ დღეს ასაკით უფროს ადამიანებთან ურთიერთობა სასარგებლოა - მათი სიბრძნე და ცხოვრებისეული გამოცდილება ძალიან დაგეხმარებათ.
ლომი (23 ივლისი - 23 აგვისტო)
შესაძლოა, ნათესავებთან ურთიერთობა დაიძაბოს - ერთმანეთის გაგება და შეთანხმება გიჭირთ. კონფლიქტის თავიდან ასაცილებლად, ეცადეთ, გონიერი მომრიგებელი იპოვოთ და პრინციპულ საკითხებზე კომპრომისების დაშვება შეძლოთ. ნუ დაიჯერებთ თქვენთვის ძვირფას ადამიანთან დაკავშირებულ ჭორებს. მიეცით მას მეტი თავისუფლება და დამოუკიდებლობა - ეს ორივეს სარგებელს მოგიტანთ.
ქალწული (24 აგვისტო - 23 სექტემბერი)
შესაძლოა, ამ დღეს ინფორმაციულმა ნაკადმა მთლიანად დაგფაროთ და მნიშვნელოვანი საქმეებისთვის დრო აღარ დაგრჩეთ. გირჩევთ, რამდენიმე ყველაზე სასწრაფოდ დასასრულებელი დავალება შეარჩიოთ და ყურადღება მათ შესრულებაზე გაამახვილოთ. ხელსაყრელი დღეა რთული ოჯახური პრობლემებისა და ახლობლებს შორის კონფლიქტების მოსაგვარებლად. შეხვედრები წარმატებული იქნება.
სასწორი (24 სექტემბერი - 23 ოქტომბერი)
თქვენმა კრიტიკულმა შენიშვნამ ან უხეშობამ შეიძლება თანამოსაუბრე შეურაცხყოს, ამიტომ ვარსკვლავები გირჩევენ, საკუთარი ემოციები აკონტროლოთ და ურთიერთობებს გაუფრთხილდეთ. გასული დღეების დაღლილობა თავს იჩენს - ძალები აღდგენისთვის სრულფასოვანი დასვენება გჭირდებათ.
მორიელი (24 ოქტომბერი - 22 ნოემბერი)
ამ დღის სირთულეების გადალახვაში შემოქმედებითი აზროვნება დაგეხმარებათ. გირჩევთ, საკუთარი აზრი თამამად გამოხატოთ, უჩვეულო მეთოდებით იმოქმედოთ და იღბალი აუცილებლად გაგიღიმებთ. უახლოეს ადამიანებთან ურთიერთობა უფრო თბილი და ნდობით სავსეა. შეგიძლიათ, მათ საკუთარი პრობლემები და გამოცდილება გაუზიაროთ და კარგ რჩევას, მორალურ მხარდაჭერას ან რეალურ დახმარებას მიიღებთ.
მშვილდოსანი (23 ნოემბერი - 21 დეკემბერი)
დილიდან უჩვეულო გაღიზიანებას გრძნობთ და გარშემო მყოფების ნებისმიერ სიტყვას მწყობრიდან გამოჰყავხართ. კონფლიქტის თავიდან ასაცილებლად ეცადეთ, ურთიერთობები შეზღუდოთ და ეს დღე განმარტოებით გაატაროთ. გირჩევთ, საკუთარ თავს პატარა საჩუქარი გაუკეთოთ და მასაჟი ან კოსმეტიკური პროცედურები ჩაიტაროთ. ეს განწყობას გაგიუმჯობესებთ და საშუალებას მოგცემთ, მიმდინარე მოვლენებს ოპტიმისტურად შეხედოთ.
თხის რქა (22 დეკემბერი - 20 იანვარი)
მოვლენებითა და საინტერესო შესაძლებლობებით სავსე დღე გელით, რომელიც ხელიდან არ უნდა გაუშვათ. რაც უფრო მეტ ადამიანს შეხვდებით, საინტერესო იდეის ან პარტნიორული შეთავაზების მოსმენის შანსი მით უფრო მაღალია. ნუ აწყობთ გეგმებს, ინტუიციურად იმოქმედეთ.
მერწყული (21 იანვარი - 18 თებერვალი)
უმიზეზო შფოთვა და გაღიზიანება მალე გაივლის. ეცადეთ, თქვენი აზრი ღიად გამოხატოთ და ადამიანებს ენდოთ. ვარსკვლავები გირჩევენ, რომ მნიშვნელოვანი გადაწყვეტილების მიღება სხვა დღისთვის გადადოთ და ეს დღე დაგეგმვას და მომავალზე ფიქრს დაუთმოთ.
თევზები (19 თებერვალი - 20 მარტი)
წარმატებული და ნაყოფიერი დღეა. მოზღვავებული ენერგია და კარგი განწყობა საშუალებას გაძლევთ, საუკეთესო შედეგებს მიაღწიოთ. არ ინერვიულოთ, თუ ვიღაცამ გაგჭორათ - რადგან თქვენი შურთ, ესე იგი, მათზე უკეთესად ცხოვრობთ.
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
