,
აშშ-მა და დიდმა ბრიტანეთმა სავაჭრო შეთანხმებას მიაღწიეს. ამის შესახებ აშშ-ის პრეზიდენტმა, დონალდ ტრამპმა თეთრ სახლში გამოაცხადა.
მისი თქმით, შეთანხმება იმას ნიშნავს, რომ დიდი ბრიტანეთი “დაჩქარებულად გაატარებს” ამერიკულ საქონელს თავის საბაჟო პროცედურებზე, მაგრამ მან ასევე აღნიშნა, რომ “შეგვიძლია ზოგიერთი დეტალის მოგვარების დასრულება”.
“ამ შეთანხმებით დიდი ბრიტანეთი აშშ-ის უერთდება იმის მტკიცებაში, რომ ორმხრივობა და სამართლიანობა საერთაშორისო ვაჭრობის არსებითი და სასიცოცხლოდ მნიშვნელოვანი პრინციპია. შეთანხმება მოიცავს მილიარდობით დოლარის გაზრდილ საბაზრო წვდომას ამერიკული ექსპორტისთვის, განსაკუთრებით აგროკულტურაში, ძალიან ზრდის წვდომას ამერიკული საქონლის ხორცისთვის, ეთანოლისთვისა და თეორიულად ყველა პროდუქტისთვის, რომელსაც ჩვენი ფერმერები აწარმოებენ”, - განაცხადა ტრამპმა.
დიდი ბრიტანეთის პრემიერ-მინისტრის, კირ სტარმერის თქმით, სავაჭრო შეთანხმების “ზოგიერთი დეტალის მოგვარების დასრულება” შეიძლება, მაგრამ მხარეებმა “მომავლისთვის წარმოუდგენელი პლატფორმა ააშენეს”.
“ამ პრეზიდენტითა და ამ პრემიერ-მინისტრით იმის მიღწევა შევძელით, რის მიღწევასაც ბევრი ადამიანი წლების განმავლობაში ცდილობდა”, - განაცხადა სტარმერმა და აღნიშნა, რომ ამას “აბსოლუტურად ისტორიული შეგრძნება აქვს”.
ირანისკენ კიდევ ერთი მშვენიერი არმადა მიემართება, - ამის შესახებ აშშ-ის პრეზიდენტმა, დონალდ ტრამპმა აიოვას შტატში, მხარდამჭერების წინაშე სიტყვით გამოსვლისას განაცხადა.
„ივნისში, ირანის ბირთვული პოტენციალი გავანადგურეთ. ამას ხალხი 22 წელი ელოდა. მათ ბირთვულ იარაღამდე დაახლოებით ერთი თვე აშორებდათ. ეს უნდა გაგვეკეთებინა“, - განაცხადა ტრამპმა.
დონალდ ტრამპმა იმედი გამოთქვა, რომ ირანი აშშ-სთან შეთანხმებას გააფორმებს.
„ახლა ირანისკენ კიდევ ერთი მშვენიერი არმადა მიემართება. დიდი იმედი მაქვს, რომ შეთანხმებას გააფორმებენ. შეთანხმება პირველივე ჯერზე უნდა გაეფორმებინათ“, - აღნიშნა აშშ-ის პრეზიდენტმა.
ცნობისთვის, ავიამზიდ „აბრაამ ლინკოლნის“ დამრტყმელი ჯგუფი ახლო აღმოსავლეთში ორშაბათს ჩავიდა. აშშ-ის ცენტრალურმა სარდლობამ განაცხადა, რომ დამრტყმელი ჯგუფი სამხედრო მზადყოფნის შემოწმების მიზნით წვრთნებს ჩაატარებს.
ინფორმაციისთვის, აშშ-ის პრეზიდენტის, დონალდ ტრამპის განცხადებით, ირანმა აშშ-სთან ახალი ბირთვული შეთანხმება უნდა დადოს, რომლის ფარგლებშიც თეირანი ურანის გამდიდრებას ვეღარ შეძლებს. 2025 წლის გაზაფხულზე აშშ-ის პრეზიდენტმა ირანის უზენაეს ლიდერს, აიათოლა ალი ხამენეის წერილი გაუგზავნა და მოლაპარაკებებისკენ მოუწოდა. წერილის თანახმად, დონალდ ტრამპმა ირანს ორი თვე მისცა, რათა ბირთვული პროგრამა შეეჩერებინა. 2025 წლის აპრილში, ომანში აშშ-ისა და ირანის დელეგაციებს შორის მოლაპარაკებები დაიწყო, რომელიც ივნისამდე გაგრძელდა. ირანმა ბირთვული პროგრამის შეჩერების შესახებ აშშ-ის მოთხოვნას მიუღებელი უწოდა და განაცხადა, რომ აშშ-ს ახალ წინადადებას წარუდგენდა. გასული წლის 13 ივნისს ისრაელმა ირანში რამდენიმე სამხედრო ობიექტს დაარტყა, ხოლო ისრაელის იერიშების დაწყებიდან ერთი კვირის შემდეგ, აშშ-მა ირანში ბირთვული ობიექტები დაბომბა.
