,
წყარო: https://bm.ge
თაბორის მთაზე სასტუმრო Paragraph Tabori-სა და გოლფ კლუბის გახსნა 2023 წლის შემოდგომისთვის იგეგმოდა, თუმცა ვადები დაკორექტირდა და კომპლექსის გახსნა ახლა უკვე 2024 წლისთვის იგეგმება.
აღსანიშნია, რომ პროექტის დასრულების გადავადების გადაწყვეტილება ტურიზმის განვითარების ფონდში უკვე მესამედ მიიღეს. თავდაპირველად კომპლექსი 2021 წელს უნდა გახსნილიყო, გასული წლის ინფორმაციით კი Paragraph Tabori პირველ სტუმრებს მიმდინარე წლის შემოდგომისთვის მიიღებდა.
როგორც BM.GE-ის საქართველოს ტურიზმის განვითარების ფონდიდან აცნობეს, რომელიც პროექტის შემსრულებელია და 2020 წლის დეკემბრიდან „ქართუ ფონდში“ ერთიანდება, დღეს მთელი ყურადღება თავისუფლების მოედანზე არსებული „პარაგრაფ თბილისის“ გახსნაზეა გადატანილი, რომელიც 2023 წლის ზაფხულში უნდა გაიხსნას.
ფონდში აცხადებენ, რომ პროექტის საინვესტიციო ღირებულება გაიზარდა და აპრილის თვის მდგომარეობით, პროექტის ინვესტიციის ჯამური მოცულობა 139 მლნ დოლარს აჭარბებს. მაშინ როდესაც სასტუმროსა და გოლფ კლუბის კომპლექსის საწყისი ღირებულება 86 მლნ დოლარი იყო, 2022 წელს დაკორექტირებული ფინანსური მაჩვენებლებით კი პროექტის განხორციელებისთვის 128 მლნ დოლარი უნდა ჩადებულიყო. შესაბამისად, პროექტის ღირებულება ჯამურად ამ წლების განმავლობაში 53 მლნ დოლარით გაიზარდა.
„აღნიშნული პროექტი განვითარების ბოლო ეტაპზეა და მისი სამიზნე აუდიტორიიდან გამომდინარე, მიზანშეწონილად მიგვაჩნია, რომ სასტუმროსა და გოლფ კლუბის პროექტი ერთად გაიხსნას და სხვადსხვა ქვეყნებიდან მაღალმხარჯველი ტურისტები მოიზიდოს“, - აცხადებენ ტურიზმის განვითარების ფონდში.
შეგახსენებთ, რომ თაბორის მთაზე სასტუმროს და გოლფ კლუბის პროექტის შესრულება 2018 წელს დაიწყო. კომპლექსი 402 009 კვ/მ რეკრეაციული ზონას, ლანდშაფტთან შერწყმულ 9-ფოსოიან გოლფის მოედანს, ხელოვნურ ტბას და ჩოგბურთის კორტებს, ასევე 177-ნომრიანი სასტუმრო, საცურაო აუზს, სპა ცენტრს, სავარჯიშო დარბაზს და რესტორანს მოიცავს.
აღნიშნული პროექტი საბაგირო საშუალებით სოლოლაკის ქედზე მდებარე მასშტაბურ პროექტს და თავისუფლების მოედანზე არსებულ სასტუმრო „პარაგრაფ თბილისს“ დაუკავშირდება. პროექტის სრულად დაგეგმარებას და საბაგირო დანადგარებით აღჭურვას ავსტრიულ-შვეიცარიული კომპანია „დოპელმაიერი“ (Doppelmayr) უზრუნველყოფს. მნიშვნელოვანია, რომ 34-გონდოლიან საბაგიროს საზოგადოებრივი ტრანსპორტის ფუნქცია ექნება, რომელიც როგორც ტურისტების, ასევე ადგილობრივი მოსახლეობის უსაფრთხო და სწრაფ გადაადგილებას შეუწყობს ხელს.
რაც შეეხება ამ ფართომასშტაბიანი პროექტის კიდევ ერთ ნაწილს, რომელიც სოლოლაკში სასტუმრო და საკონფერენციო ცენტრის მოწყობას გულისხმობს, BM.GE-სთვის ცნობილი იყო, რომ $115 მილიონიანი პროექტის კონცეფცია შეიძლებოდა შეცვლილიყო. აქედან გამომდინარე ტურიზმის განვითარების ფონდს ვკითხეთ, რა ცვლილებები შევიდა პროექტში. ფონდში ადასტურებენ, რომ არსებული გამოწვევებიდან გამომდინარე პროექტის კონცეფციაში გარკვეული ცვლილებები შედის, თუმცა აცხადებენ, რომ სიახლეებს მოგვიანებით გაასაჯაროებენ.
„სუფრა - ასე ჰქვია ქართულ მოლხენა-დროსტარებას, რომელიც სტუმართმოყვარეობისა და მხიარულების განსახიერებას წარმოადგენს. რომელი კერძებს მიირთმევენ ქართველები სტუმრებთან ერთად? ჩვენი კორესპონდენტი შეეცადა ქართული სუფრის დიდებულება ეჩვენებინა და დარწმუნდებით, რომ ეს მართლაც კარგად გამოუვიდა“, - ასე იწყება გერმანულ გაზეთ „ფრანკფურტერ ალგემაინე ცაითუნგში“ (Frankfurter Allgemeine Zeitung) გამოქვეყნებული სტატია სათაურით „ქართული სამზარეულოს მრავალფეროვნება“ (ავტორი - მაიკე ფონ გალენი).
გთავაზობთ პუბლიკაციას შემოკლებით:
„როცა მივედით, მაგიდა უკვე გაშლილი დაგვხვდა: თეფშებზე დაწყობილი ყველით და ლორით, ნიგვზის ფარშიანი ბადრიჯნით, მხალეულობით, მწვანილით, კიტრით და პომიდორით... მათ შორის ჩადგმულია გრაფინები მოცხარის წვენით და ტარხუნის ლიმონათის ბოთლებით. ოფიციანტი წითელ ღვინოს ბოკალებში ასხამს. გარეთ თბილისური საღამოა, რესტორან „რიგის“ დარბაზში გაშლილ გრძელ მაგიდაზე კი ქართული სუფრა - ქართული ქეიფი იწყება.
ისინი, რომლებიც ქართულ სამზარეულოს არ იცნობენ, მადააღძრულები სწრაფად მიირთმევენ სიმინდის ფქვილისაგან გამომცხვარ თბილ მჭადებს, სალათებს და ყველს. მაგრამ ვინც იცის, ის ნელ-ნელა ჭამს და მთავარს ელოდება...
ქართველი ქალბატონი თიკო ტუსკაძე, რომელიც ლონდონში ცხოვრობს, მაგრამ ახლა სამშობლოში იმყოფება, ჩვენი გიდის როლს ასრულებს და ქართულ სუფრას გვაცნობს როგორც „გემრიელი საჭმელების უსასრულო რიგს“. იგი კულინარული წიგნის ავტორია და გვიხსნის, თუ რომელი საჭმელი როგორ მივირთვათ.
ზოგიერთმა უკვე საკმაო რაოდენობის სალათა მიირთვა, რომ მაგიდაზე ახალი კერძები მოაქვთ - მოხრაკულ-მოთუშული სოკო, ხაჭაპური, ხორცით მომზადებული კერძები... საჭმლით სავსე თეფშები სულ უფრო მრავლდება და მაგიდაზე თავისუფალი სივრცე მცირდება, თუმცა ახალ-ახალი ნუგბარისათვის ადგილი მოიძებნება.
„სტუმართმოყვარეობა - ქართული კულტურის განუყოფელ ნაწილს წარმოადგენს, რაც კარგად არის გამოხატული ქართულ სუფრაში, როცა მაგიდას ეროვნულ სამზარეულოს კერზები ამშვენებს“, - განმარტავს მაკა თარაშვილი. რა თქმა უნდა, იგი ახალბედა სუფრის წევრებისაგან განსხვავებით, შეცდომებს არ უშვებს და ყველაფერს ერთად არ მიირთმევს. მან კარგად იცის, რა როდის უნდა მიირთვას და უცხოელ სტუმრებს ჭამის საიდუმლოებას ასწავლის: როდის დგება მწვადის, „ჩაქაფულის და საჭმელების მიღების დრო...
ქართული ტრადიციის თანახმად, სუფრაზე იმდენი საჭმელი უნდა იყოს, რომ სტუმრების წასვლის შემდეგაც საკმაო რაოდენობით უნდა დარჩეს: „სუფრა, რომელზეც არაფერი აღარ რჩება, საქართველოში არ არსებობს“, - ამბობს მაკა თარაშვილი, - მასპინძლები იფიქრებენ, რომ სტუმრები მშივრები დარჩნენ. ამიტომ ყველაფერი უამრავია“.
რესტორანი „ქეთო და კოტე“ ძველი თბილისის უბანში, შემაღლებულ ადგილზე მდებარეობს. დარბაზში მყუდრო გარემოა შექმნილი. მაგიდები ყოველთვის მდიდრულადაა გაშლილი - ტრადიციული კერძები თანამედროვე სტილითაა გაფორმებული. თავდაპირველად თვენ მოგართმევენ ცივ და ვეგეტარიანულ კერძებს, ბოსტნეულს, შემდეგ გამომცხავარს, ცომეულს, ბოლოს კი ხორცით მომზადებულ საჭმელებს.
ქართული სუფრის ტრადიციაა თამადა, ანუ დროსტარების ხელმძღვანელი. იგი სუფრის თავში ზის და სადღეგრძელოებს ამბობს. რესტორან „შატო მუხრანში“, სადაც ჩვენ ვიყავით (თბილისიდან ერთი საათის სავალზე), მეღვინე პატრიკ ჰონეფმა ჩვენი სტუმრობის სადიდებელი სადღეგრძელო წარმოსთქვა. გერმანელი მეღვინე უკვე მრავალი წელია საქართველოში ცხოვრობს, ოჯახიც აქ ჰყავს. პატრიკი მადლობას გვიხდის სტუმრობისათვის, რომ გერმანელი ტურისტები საქართველოთი დაინტერესდნენ და კავკასიურ ქვეყანას ეწვივნენ.
მასპინძელი გვიხსნის, რომ სუფრის თამადა ყურადღებით ისმენს სტუმრების საუბარს სადღეგრძელოებისათვის იმპულსის მისაცემად. იგი დისკუსიას ზომიერ მიმართულებას აძლევს და განწყობას ამაღლებს. ამიტომაც თამადა ისეთი პიროვნებაა, რომელიც ცნობილია თავისი კეთილი ხასიათით, გონებამახვილობით და ინტელექტით.
თუ როგორ მზადდება კლასიკური ქართული კერძები, ამას თქვენ თბილისიდან საკმაოდ მოშორებით, კახეთში გაიგებთ, სადაც ღვინის კომპანია „შუმის“ რესტორანი მდებარეობს. აქ სტუმარი საკუთარი თვალით ხედავს, თუ როგორ ცხვება ქართული თონის პური, როგორ კეთდება ხინკალი, რომელიც ქართული სამზარეულოს ერთ-ერთ დიდებულ და გემრიელ კერძს წარმოადგენს.
