,
„კოვიდ-19“-ს არ ადარდებს, ვინ ვართ, სად ვცხოვრობთ ან რისი გვწამს. მიუხედავად ამისა, პანდემია იწვევს სიძულვილისა და ქსენოფობიის, განტევების ვაცებისა და შიშის დათესვის ცუნამს, – ამ განცხადებით მიმართავს გაერო-ს გენერალური მდივანი ანტონიუ გუტიერეში მსოფლიოს.
„სწორედ ამიტომ, ყოველმხრივ მოგიწოდებთ, დავასრულოთ ეს გლობალური სიძულვილის ენა“, – განაცხადა გაერო-ს გენერალურმა მდივანმა.
გუტიერეში მსოფლიოს ყველა მოქალაქეს მოუწოდებს, წინ აღუდგნენ სიძულვილს.
გაერო-ს გენერალურმა მდივანი ასევე მიმართავს მედიას, განსაკუთრებით კი, სოციალური მედიის წარმომადგენლებს, მეტად იმოქმედონ და რასისტული და შეურაცხმყოფელი შინაარსის მასალები წაშალონ.
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
