,
ქალების როლი როგორც ქართულ, ასევე საერთაშორისო პოლიტიკაში მნიშვნელოვანი ფაქტორი და გამოწვევაა. ქალთა მონაწილეობა პოლიტიკაში დემოკრატიული პროცესების განვითარების ერთ-ერთი მთავარი წინაპირობაა, რის გარეშეც ვერც ერთი ქვეყანა ვერ შეძლებს თანასწორი და სამართლიანი გარემოს შექმნას. 20 აგვისტოს გაიმართა ვორქშოფი ახალგაზრდების მონაწილეობით, რომელსაც საერთაშორისო ურთიერთობების სპეციალისტი ანი სამადაშვილი ხელმძღვანელობდა. ვორქშოფის მთავარი თემები იყო ქალთა პოლიტიკური წარმომადგენლობა, პოლიტიკის შემუშავება და გენდერული როლების გადანაწილება საერთაშორისო მშვიდობისა და გლობალური მიზნების (SDG) მიღწევაში.
ვოქშოპზე ახალგაზრდებმა გააზიარეს მათთვის საინტერესო მაგალითები უახლესი წარსულიდან, როგორებიცაა: ნორვეგიის პარლამენტის (Storting) 2001 წლის არჩევნების შედეგები, რომლის მიხედვითაც ქალები ნორვეგიის პარლამენტში 36.4%-ს შეადგენდნენ. ამ მაჩვენებლით ნორვეგია წარმოადგენს ლიდერ ქვეყანას მსოფლიოში გენდერული ბალანსის მხრივ; ასევე ელენ ჯონსონ სერლიფის ისტორია, რომელიც 2005 წელს გახდა ლიბერიის პრეზიდენტი და პირველი ქალი სახელმწიფოს მეთაური აფრიკაში; ნატოში ქალი სამხედროების რიცხვი მუდმივად ზრდა და სხვა, სადაც ნათლად ჩანს, რომ ქალების როლი პოლიტიკასა და სამშვიდობო პროცესებში უკიდურესად მნიშვნელოვანია.
ახალგაზრდებმა განიხილეს საქართველოში ქალთა პოლიტიკაში მონაწილეობის დაბალი მაჩვენებლის გამომწვევი მიზეზები, არსებული ბარიერები, ადგილობრივი და საერთაშორისო საკანონმდებლო გამოცდილება. ვორქშოფის მონაწილეთათვის განსაკუთრებით ემოციური აღმოჩნდა ქვეყნის დამოუკიდებლობისთვის ბრძოლაში დაღუპული მარო მაყაშვილის ისტორიის განხილვა, რომელიც პირველი ქართველი ქალია, ვისაც საქართველოს ეროვნული გმირის წოდება მიენიჭა. მარო მაყაშვილმა სათავე დაუდო ქართველი ქალების ბრძოლას საქართველოს დამოუკიდებლობისთვის, რაც მოგვიანებით ეროვნულ მოძრაობაში ქართველი ქალების აქტიური მონაწილეობის საფუძველი გახდა.
ვორქშოფმა, რომელშიც 15 - მდე ახალგაზრდა მონაწილეობდა გაამყარა მოსაზრება, რომ მშვიდობის შესანარჩუნებლად აუცილებელია ქალების აქტიური მონაწილეობა. ახალგაზრდებმა ერთმანეთს გაუზიარეს არგუმენტები, მოისმინეს შეხედულებები და შეთანხმდნენ, რომ ქალების ჩართულობა პოლიტიკურ პროცესებში კრიტიკულად მნიშვნელოვანია. ამ შეხვედრამ შექმნა სივრცე, სადაც გაერთიანდნენ ახალგაზრდები საერთო იდეის გარშემო, რაც მომავალში მათი ხედვების გაფართოებას და სამოქალაქო აქტივობის გაძლიერებას შეუწყობს ხელს.
ვორქშოფის მონაწილენი შეთანხმდნენ, რომ თემის აქტუალობიდან გამომდინარე მსგავსი ტიპის შეხვედრები და დისკუსიები მომავალშიც აქტიურად გაგრძელდება.
#gps #globalpeacechain #womaninpeacebulding #peacbydialouge
***
The role of women in both Georgian and international politics is a significant factor and challenge. Women's participation in politics is one of the key prerequisites for the development of democratic processes, without which no country can create an equal and just environment. On August 20, a workshop was held with the participation of young people, led by international relations specialist Ani Samadashvili. The main topics of the workshop were women's political representation, policy-making, and the redistribution of gender roles in achieving international peace and global goals (SDGs).
During the workshop, the participants shared examples from recent history that interested them, such as the results of the 2001 Norwegian parliamentary (Storting) elections, where women comprised 36.4% of the Norwegian parliament. This made Norway a leading country in the world in terms of gender balance.
They also discussed the story of Ellen Johnson Sirleaf, who became the President of Liberia in 2005 and the first female head of state in Africa. Another example was the steadily increasing number of women in NATO's military forces. These examples demonstrate the crucial role women play in politics and peace processes. The participants discussed the reasons behind the low rate of women's participation in politics in Georgia, the existing barriers, and the local and international legislative experiences. The discussion of the story of Maro Makashvili, who died fighting for the country's independence and became the first Georgian woman to be awarded the title of National Hero of Georgia, was particularly emotional. Maro Makashvili laid the foundation for the struggle of Georgian women for the independence of Georgia, which later became the basis for the active participation of Georgian women in the national movement.
The workshop, attended by around 15 young people, reinforced the idea that maintaining peace requires active participation by women. The participants shared arguments, listened to opinions, and agreed that women's involvement in political processes is critically important. This meeting created a space where young people united around a common idea, which will contribute to the broadening of their perspectives and the strengthening of civic engagement in the future.
The participants agreed that, given the importance of the topic, similar meetings and discussions will actively continue in the future.
#gps #globalpeacechain #womaninpeacebulding #peacbydialouge
ანი სამადაშვილი/ani samadashvili
ბრიტანულ „დეილი ტელეგრაფში“ (The Daily Telegraph) გამოქვეყნებულია სტატია სათაურით „ტრამპმა პუტინისათვის დრო ისე გამოთვალა, რომ სანქციებით მაქსიმალურ შედეგს მიაღწიოს“ (ავტორი – კონ კოფლინი). პუბლიკაციაში განხილულია აშშ-ის პრეზიდენტის მიერ რუსეთის წინააღმდეგ მიმართული მეორადი სანქციების ათდღიანი ვადა და მოცემულია მათი სავარაუდო შედეგები.
გთავაზობთ სტატიას შემოკლებით:
დონალდ ტრამპმა, ალბათ, ყველაზე საუკეთესო და შესაფერისი დრო შეარჩია თავისი მეორადი ეკონომიკური სანქციების ახალი ვადის გამოცხადებისათვის, რომ რუსეთს ნავთობისა და გაზის გაყიდვით მიღებული შემოსავლები შეუმცირდეს და უკრაინაში ომი შეწყვიტოს.
დონალდ ტრამპს სამჯერ ეგონა, რომ ვლადიმერ პუტინი სამშვიდობო მოლაპარაკების აუცილებლობაში დაარწმუნა, მაგრამ სამჯერვე, როგორც კი სატელეფონო საუბარი მთავრდებოდა, რუსეთის არმია უკრაინული ქალაქების დასაბომბად რაკეტებსა და დრონებს უშვებდა.
აშშ-ის პრეზიდენტის მხრიდან იმის დაგვიანებული აღიარება, რომ „პუტინი მას თურმე ათამაშებდა და ომის გასაგრძელებლად დროს იგებდა“, იმას ნიშნავს, რომ როგორც იქნა, „ტრამპი აბობოქრდა“ და თავის რუს კოლეგას ათდღიანი ვადა დაუწესა ცეცხლის შესაწყვეტად. თუ კრემლი თეთრი სახლის მოთხოვნას არ დაეთანხმება, ძალაში შევა ახალი მომატებული საბაჟო ტარიფები იმ ქვეყნების მიმართ, რომლებიც რუსეთისაგან ნავთობს ყიდულობენ. სანქციის მიზანი და განხორციელების პროცედურა ასეთია: აშშ რუსული იაფი ნავთობისა და გაზის მოყვარული ქვეყნების – ინდოეთის, ჩინეთის (და ალბათ, თურქეთის და სხვების) მიერ წარმოებულ იმპორტირებულ პროდუქციაზე მომატებულ საბაჟო ტარიფებს დააწესებს. მათი ფასი იმდენად გაძვირდება, რომ ამერიკაში მყიდველი აღარ ეყოლება, ანუ ინდური და ჩინური კომპანიები დაზარალდებიან. ზარალის თავიდან ასაცილებლად იგივე ქვეყნები იძულებულნი გახდებიან, რომ რუსეთისაგან ნავთობისა და გაზის შესყიდვა შეწყვიტონ, რის შედეგადაც რუსეთს შემოსავლები შეუმცირდება, ანუ კრემლს აღარ ექნება თანხები უკრაინასთან ომის გასაგრძელებლად. რუსეთი ცეცხლს შეწყვეტს და სამშვიდობო მოლაპარაკებაზე დათანხმდება.
კონგრესში ზოგიერთი დეპუტატი უფრო რადიკალურად არის განწყობილი, რომლებიც 500%-იან სანქციების დაწესებას მოითხოვენ.
უეჭველია, რომ დონალდ ტრამპი სერიოზულად არის განწყობილი. თუ გავითვალისწინებთ იმ ფაქტს, რომ მან იძულებული გახადა იაპონია და ევროკავშირი სავაჭრო ხელშეკრულებების დადებისას აშშ-ის მოთხოვნებზე დათანხმებულიყვნენ, განა თეთრი სახლი კრემლის წინაშე უკან დაიხევს?
როგორც კი ინდოეთი და ჩინეთი მტკივნუულ დარტყმას იგრძნობენ ამერიკასაგან, ისინი იძულებულნი გახდებიან რუსეთისაგან ნავთობ-გაზის შესყიდვა შეამცირონ (ან საერთოდ შეწყვიტონ). ამით დაინგრევა ვლადიმერ პუტინის გენერალური გეგმა რუსეთის იმპერიული ძლიერების აღდგენის შესახებ.
რუსეთი უკრაინის ფრონტზე წარუმატებლობას განიცდის. მართალია, კრემლმა დრონებითა და რაკეტებით უკრაინული ქალაქების დაბომბვა გააძლიერა, მაგრამ ფაქტია, რომ მაისში დაწყებულ შეტევას რუსეთის არმიისათვის რაიმე მნიშვნელოვანი წარმატება არ მოუტანია. ვლადიმერ პუტინი ბოლო დროს მუდმივად ცდილობს რომელიმე მსხვილი უკრაინული ქალაქის დაპყრობას, მაგრამ უშედეგოდ – პოკროვსკს და კონსტანტინოვკას ისევ უკრაინელები აკონტროლებენ. უკრაინელები მამაცურად იბრძვიან, რუსები უამრავ ჯარისკაცს კარგავს – კრემლის ზარალმა უკვე მილიონს მიაღწია დაღუპულებისა და დაჭრილების სახით. ეს ნიშნავს ყოველდღიურად 1080 რუსი მებრძოლის დაღუპვა-დასახიჩრებას.
ასევე ნაკლებად სავარაუდოა, რომ რუსეთი ათასკილომეტრიან ფრონტის ხაზზე რაიმე წარმატებას მიაღწევს მას შემდეგ, რაც დონალდ ტრამპი უკრაინას მეტ იარაღს მიაწვდის. უკრაინელებს თუ იარაღი საკმარისი რაოდენობით ექნებათ, ისინი რუსებს უკან დაახევინებენ და საეჭვოა პუტინმა ის ტერიტორია შეინარჩუნოს, რაც ბოლო დროს დაიპყრო. კრემლს ირანის იმედიც აღარ ექნება, რადგან თეირანი მნიშვნელოვნად არის დასუსტებული ისრაელთან (და აშშ-სთან) ამასწინანდელი საჰაერო შეტაკების გამო.
არის იმის ნიშნებიც, რომ თვითონ ვლადიმერ პუტინს მისსავე გარემოცვაში ბევრი არ ეთანხმება, რასაც მოსკოვში მიმდინარე საკადრო წმენდა მოწმობს. ზოგიერთი მაღალჩინოსანი ჩინოვნიკი სიცოცხლეს თვითმკვლელობით ამთავრებს, ცნობილი ოლიგარქები კი ქვეყნიდან გაქცევის დროს იქნენ დაკავებულები. ზოგიერთი მაღალჩინოსანი ოფიცერი, რომლებსაც ყოფილ თავდაცვის მინისტრთან სერგეი შოიგუსთან ახლო ურთიერთობა ჰქონდათ, დაპატიმრებულები იქნენ კორუფციის ბრალდებით.
იმ სიძნელეების მასშტაბს, რასაც ვლადიმერ პუტინი შეეჯახა ომის გამო, მოწმობს ის ფაქტი, რომ იგი იძულებული გახდა გასულ კვირას ყოველწლიური სამხედრო-საზღვაო აღლუმის ჩატარება გაეუქმებინა – უკრაინაში განცდილი დიდი დანაკარგების გამო.
ამრიგად, დონალდ ტრამპის გადაწყვეტილება ვადების შემცირების თაობაზე დროულია – ის იმ დროს იქნა მიღებული, როცა ვლადიმერ პუტინს, ყოყოჩობის მიუხედავად, ე.წ. „სპეციალური სამხედრო ოპერაციის“ გაგრძელების ვარიანტები უმთავრდება.
თუ რუსეთის პრეზიდენტი გამოფხიზლდება და მიხვდება, რომ მას უკრაინაში ომის მოგების შანსი არ აქვს, მას სხვა არჩევანი არ ექნება იმის გარდა, რომ დონალდ ტრამპის მოთხოვნას დათანხმდეს – ცეცხლი შეწყვიტოს და სამშვიდობო მოლაპარაკება დაიწყოს.
