,
გერმანიის კანცლერი, ანგელა მერკელი „დიდი შვიდეულის“ სამიტზე არ ჩავა. ამის შესახებ AFP წერს.
გამოცემის ცნობით, ინფორმაცია გერმანიის მთავრობის პრესსპიკერმა დღეს ოფიციალურად დაადასტურა.
„პანდემიის გათვალისწინებით, კანცლერი ვერ დათანხმდება სამიტში პერსონალურად მონაწილეობას და ვაშინგტონში ვერ გაემგზავრება. თუმცა ფედერალური კანცლერი პრეზიდენტს ტრამპს სამიტზე დაპატიჟებისთვის მადლობას უხდის“, - აღნიშნა მთავრობის პრესსპიკერმა.
ინფორმაცია იმის შესახებ, რომ მერკელი აშშ-ში არ ჩავა Politico-მ გაავრცელა.
„დიდი შვიდეულის“ წლევანდელი სამიტი ივნისში, აშშ-ში უნდა გაიმართოს. პანდემიის გამო შეხვედრა ვიდეოკონფერენციის ფორმატში უნდა ჩატარებულიყო, თუმცა თეთრმა სახლმა ივნისის ბოლოს სამიტის აშშ-ში ჩატარების სურვილი გამოთქვა. აშშ-ის ხელისუფლება მიიჩნევს, რომ სამიტის ჩატარება პანდემიის შემდეგ ნორმალური ცხოვრებისკენ დაბრუნების შესანიშნავი მაგალითი იქნებოდა.
