,
"ამ რაოდენობით რუსების ჩამოსვლა, ტურიზმი არ არის, ეს ექსპანსიაა. ეს ხალხი პრაქტიკულად სახეს უცვლის ქართული ტურიზმის ეთიკასაც და კულტურასაც და მომავალში დიდ დარტყმას მოგვაყენებს", - ამის შესახებ გადაცემა „ანალიტიკაში“ Caucasus Travel-ის დამფუძნებელმა საბა კიკნაძემ განაცხადა. მისი თქმით, რუსეთთან სავიზო რეჟიმის ამოქმედება საშუალებას მოგვცემს ვნახოთ რეალურად ვინ შემოდის ტურისტული მიზნით და რამდენია ტურიზმის ინდუსტრიის რეალური სარგებელი.
„ავიღოთ მცირე ან საშუალო დონის სასტუმრო, რომელიც დღეს რუსული ტურიზმით ბედნიერად გრძნობს თავს. რას იზამს იმ შემთხვევაში, პუტინმა გზა რომ ჩაკეტოს და ისე გააკეთოს, რომ საქართველოში რუსი ტურისტები არ ჩამოვიდნენ. რას იზამს ჩვენი სასტუმროები ამის შემდეგ, როდესაც დაკარგული ექნებათ წელი და საერთაშორისო მარკეტინგული უნარები. თუ მთელი ცხოვრება რუსეთის შიდა ტურიზმის ნაწილი უნდა ვიყოთ?! ამიტომ, ეს არ არის პოლიტიკა და ქსენოფობია, ეს არის პრაგმატული მიდგომა. ტურისტების რაოდენობა გაწონასწორებული და დაბალანსებული უნდა იყოს. ეს პრაქტიკა 2018-2019 წლებში დიდი იყო. ახლა ასე აღარ არის და არეულია. ფული კარგია, მაგრამ რის ფასად?!“, - აცხადებს საბა კიკნაძე.
მისივე თქმით, ბათუმი სავსეა რუსებით, რის გამოც საერთაშორისო ტურიზმს საქართველოში საფრთხე ექმნება.
„ბათუმში ვერ უნდა ჩავიდეს ფრანგი, ან გერმანელი და ბრიტანელი ტურისტი? ვერ ჩავა, იმიტომ რომ გადატენილია რუსებით“, - დასძინა მან.
ამასთან, როგორც საბა კიკნაძემ აღნიშნა, სულ სხვაა რუსული ტურიზმის მოთხოვნა და სხვაა საერთაშორისო ტურიზმის მოთხოვნები.
ცნობისთვის, მხოლოდ ივნისის თვეში საქართველოში 90 000-ზე მეტი ვიზიტორი შემოვიდა, რუსეთს საქართველოში ჩამოსულ ტურისტებს შორის პირველი ადგილი უჭირავს.
წყარო:https://bm.ge/
ევროკომისიამ ვიქტორ ორბანის მმართველობის პერიოდში გაყინული 35 მილიარდი ევროს განბლოკვის მიზნით პიტერ მადიარს 27 პირობა წაუყენა, - ინფორმაციას Financial Times-ი ავრცელებს.
გამოცემის ინფორმაციით, უნგრეთის საპარლამენტო არჩევნებში გამარჯვების შემდეგ ევროკომისიამ პიტერ მადიარის პარტია „ტისასთან“ მოლაპარაკებები უკვე დაიწყო.
ევროკომისიის მიერ წამოყენებულ პირობებს შორის უნგრეთის მიერ რეფორმების განხორციელება და უკრაინასთან ურთიერთობების გაუმჯობესება შედის.
ევროპელი დიპლომატების განცხადებით, ევროკავშირის წევრი სახელმწიფოები ელიან, რომ პიტერ მადიარის მთავრობა ვიქტორ ორბანის მიერ უკრაინისთვის 90 მილიარდი ევროს სესხის გამოყოფასა და რუსეთის წინააღმდეგ სანქციების ახალ პაკეტზე დაწესებულ ვეტოს მოხსნის.
ასევე, ევროკომისიის წარმომადგენლის ცნობით, 35 მილიარდი ევრო გაყინულია უნგრეთის მოქმედი პრემიერ-მინისტრის ვიქტორ ორბანის მიერ აუცილებელ რეფორმებზე უარის, ასევე, კანონის უზენაესობის დარღვევისა და კორუფციის გაზრდის გამო.
გამოცემა წერს, რომ გაყინული თანხების განბლოკვის მიზნით უნგრეთის ახალ მთავრობას ისეთი წარსული გადაწყვეტილებების გაუქმება მოუწევს, რომლებსაც ევროკავშირი მისი წესების დარღვევად მიიჩნევს.
