,
ფრანქფურტის აინტრახტმა ევროპა ლიგა მოიგო, გერმანელებმა ფინალში გლაზგოს რეინჯერსი დაამარცხეს. სანჩს პის ხუანზე გამართული შეხვედრის ძირითადი და დამატებითი დრო 1:1 დასრულდა, პენალტებში კი აინტრახტმა 5:4 გაიმარჯვა.
მატჩის უმეტესი ნაწილი აინტრახტის უპირატესობით წარიმართა. აღსანიშნავია, რომ აინტრახტმა ევროპა ლიგის ეს სეზონი წაუგებლად დახურა.
მეორე ტაიმში რეინჯერსმა მოწინააღდეგეს აქტიურად შეუტია და ანგარიში გახსნა. 57-ე წუთზე გოლი ადორე-არიბომ შეაგდო. ანგარიშ 69-ე წუთზე რაფაელ სანტოს ბორემ გაათანაბრა და 1:1 გახადა.
საქმე საბოლოოდ პენალტების სერიამდე მივიდა და აინტრახტმა 5:4 მოიგო. 10 პენალტიდან მხოლოდ 1 ვერ გავიდა, გაფუჭებული პენალტის ავტორი აარონ რემზია. გუნდმა ევროპა ლიგა/უეფას თასი მეორედ მოიგო. აღნიშნულ ტიტულს აინტრახტი პირველად 1979-80 წლებში დაეუფლა.
ფინანსთა სამინისტროს შემოსავლების სამსახური საზოგადოებას შეახსენებს, რომ მიმდინარე წლის 1 ნოემბერს იწურება საქართველოს საგადასახადო კოდექსით განსაზღვრული, ფიზიკური პირის ქონების გადასახადის წლიური დეკლარაციის წარდგენის ვადა.
„ქონების გადასახადის (მათ შორის მიწის) გადამხდელი ფიზიკური პირები ვალდებული არიან, წარმოადგინონ ფიზიკური პირის ქონების გადასახადის 2025 წლის წლიური (2024 წელს მიღებული შემოსავლების მიხედვით) დეკლარაცია არა უგვიანეს, მიმდინარე წლის 1 ნოემბრისა და გადაიხადონ კუთვნილი გადასახადი არა უგვიანეს 15 ნოემბრისა.
დამატებითი ინფორმაციის მისაღებად გთხოვთ, იხილოთ ბმულები:
https://rs.ge/PersonsTaxFAQ?cat=5&tab=1
https://rs.ge/LawNewsArchive?newsId=1589
ვიდეო ინსტრუქცია:
https://www.youtube.com/watch?v=9iMXptuh5ro
სასურველი ინფორმაციის მისაღებად ასევე, შეგიძლიათ ისარგებლოთ შემოსავლების სამსახურის ციფრული სერვისებით - “RS ჩათი“ და “RS ბოტი“ ან დაუკავშირდეთ საკონსულტაციო სატელეფონო ცენტრს 2 299 299
საერთო ჯამში 250 ათასზე მეტ ფიზიკურ პირს, დეკლარაციის წარდგენის ვადის შესახებ, საინფორმაციო ხასიათის მოკლე ტექსტური შეტყობინება გაეგზავნება შემოსავლების სამსახურის ელექტრონულ სისტემაში რეგისტრირებულ მობილურ ნომრებზე", - ნათქვამია შემოსავლების სამსახურის მიერ გავრცელებულ ინფორმაციაში.
