,
ციკლიდან თბილისური ტაძრების ისტორია
საბურთალოს წმინდა გიორგის სახელობის ტაძარი 10 წლის წინ გიორგობა დღეს გაიხსნა.
არქიტექტურულად მთავარი ტაძარი ჭიათურაში მდებარე კაცხის ისტორიული ეკლესიის ანალოგია.
საბურთალოს წმინდა გიორგის ტაძარი თბილისის 62-ე სკოლის ეზოში მდებარეობს, ზუსტად იმ ადგილას, სადაც 1937 წლამდე წმინდა გიორგის სახელზე ეკლესია იდგა.
ტაძრის წინამძღვარია 13 შვილის მამა , დეკანოზი ალექსანდრე ბოლქვაძე.
როდესაც ის 62- ე სკოლაში პირველ კლასში შეიყვანეს, ალბათ ვერც წარმოიდგენდა, რომ კომუნისტების მიერ, სკოლის ეზოში დანგრეული ეკლესიის აღდგენის ინიციატორი გახდებოდა.
მთავარი ტაძარი, რეკორდულ დროში, წელიწადსა და ოთხ თვეში აშენდა და 2014 წლის 23 ნოემბერს ეკურთხა.
მოგვიანებით , ამავე ტერიტორიაზე სხვა ტაძრის ნაშთებიც აღმოჩნდა. ნანგრევებზე წმინდა დავით და კონსტანტინეს სახელობის და ილორის წმინდა გიორგის სახელობის ორი ეკლესია აიგო, რომელთა მოხატვა ცნობილმა ხატმწერმა ზურა მანწკავამ შეასრულა. მასთან ერთად, ხატწერის პროცესში მაკა ასათიანიც მონაწილეობდა. ის ხატწერის ხელოვნებას ზურა მანწკავასთან სწავლობს.
.jpg)
ტაძრის ეზოში, სატრაპეზოს კედელზე განთავსებულია ისტორიული ფოტო, რომელიც 1912 წელს, აღდგომა დღესაა გადაღებული
ფოტოზე : წმინდა გიორგის ტაძრის წინამძღვარი მღვდელი გიორგი ჩიქოვანი, დიაკონი იოსებ ხიზანიშვილი და დიაკონი ასათიანი.
მრევლი : ძმები ლუკა და გიორგი ურთმელიძეები, მიხეილ და ნიკოლოზ მამულაშვილები, ბუკია, მალაქია დოდაშვილი, გაბაშვილი, ფილიპე კუხიანიძე, ალექსანდრე ალთუნაშვილი, ალექსანდრე ბერია, კიმოთე მაისურაძე,მეპურე გვიმრაძე, ოდიშერიძე,ეძგვერაძე და იუნკერი.
ეს კი განახლებული ეკლესიის მოძღვრების და მრევლის სურათია.
ფოტოზე : მამა ალექსანდრე ბოლქვაძე მრევლთან ერთად, 2023 წლის აღდგომა
სტატიაში გამოყენებულია გამოყენებულია ფოტოები დოკუმენტური ფილმიდან " ხატმწერი"
ავტორი: ესმა ხიდაშელი
პრეზიდენტმა ვლადიმირ პუტინმა განაცხადა, რომ 2025 წელს რუსეთის ეკონომიკური ზრდის ტემპი 1%-მდე შენელდა.
მთავრობის სხდომაზე გამოსვლისას მან აღნიშნა, რომ ეს მაჩვენებელი საგრძნობლად ჩამორჩება წინა წლების დინამიკას. კერძოდ, 2023 წელს 4.1%-იანი და 2024 წელს 4.3%-იანი ზრდა დაფიქსირდა, რაც სამხედრო ხარჯების ზრდის ეფექტით იყო განპირობებული.
პრეზიდენტის თქმით, ეკონომიკური აქტივობის ასეთი შენელება მთავრობისთვის მოსალოდნელი იყო და ის დიდწილად ინფლაციის წინააღმდეგ მიმართულმა ხელოვნურმა ზომებმა განაპირობა. ამ შემთხვევაში, პუტინი ცენტრალური ბანკის მიერ განსაზღვრულ რეფინანსირების განაკვეთზე მიუთითებს, რომელიც 16%-იან ნიშნულზეა.
პუტინმა ხაზი გაუსვა, რომ ცენტრალური ბანკის მიზანმიმართულმა პოლიტიკამ შედეგი გამოიღო და ინფლაცია, რომელიც 2024 წელს 9.5%-ს შეადგენდა, წელს 5.6%-მდე შემცირდა. მისივე პროგნოზით, 2026 წლის ბოლოსთვის ეს მაჩვენებელი 5%-იან ნიშნულამდე დაიწევს.
ეკონომიკური ზრდის შენელების მიუხედავად, კრემლი ამტკიცებს, რომ სახელმწიფო ბიუჯეტი სრულად ფარავს სოციალურ ვალდებულებებსა და სამხედრო საჭიროებებს, მიუხედავად იმისა, რომ რეკორდულად მზარდი ბიუჯეტის დეფიციტი სხვა რეალობაზე მიუთითებს.
ექსპერტთა ნაწილი მიიჩნევს, რომ რუსეთის ეკონომიკურ სტაგნაციას სამუშაო ძალის დეფიციტი, მაღალი საპროცენტო განაკვეთები და დასავლური სანქციების კუმულაციური ეფექტი იწვევს, რომლის სრულ მასშტაბებს უფრო მეტად 2026-27 წლებში ვიხილავთ.
ცნობისთვის, 2026 წლისთვის რუსეთის მთავრობა მშპ-ის 1%-1.3%-იან ზრდას პროგნოზირებს, თუმცა საერთაშორისო სავალუტო ფონდი უფრო პესიმისტურ, 0.8%-იან ზრდის მაჩვენებელს ვარაუდობს.
წყარო: https://bm.ge/
