21 ნოემბერი — გრიგორიანული კალენდრის 325-ე დღე (ნაკიან წლებში – 326-ე დღე). წლის ბოლომდე დარჩენილია 40 დღე.

დღის მოვლენები

• 1272 : ჰენრი III-ის გარდაცვალების შემდეგ ინგლისის მეფედ პრინცი ედუარდი აკურთხეს.
• 1386 : თემურლენგმა აიღო და გაძარცვა საქართველოს დედაქალაქი თბილისი, მეფე ბაგრატ V კი დაატყვევა.
• 1789 : ჩრდილოეთი კაროლინა აშშ-ის მე-12 შტატი ხდება.
• 1806 : ნაპოლეონი ინგლისს კონტინენტურ ბლოკადას უცხადებს.
• 1877 : თომას ედისონი ხმის ჩამწერი აპარატის ფონოგრაფის გამოგონების შესახებ აქვეყნებს განცხადებას.
• 1905 : გამოქვეყნდა ალბერტ აინშტაინის სტატია „ემყარება სხეულის ინერცია მის ენერგიას?“, რომელშიც აღწერილია ენერგიასა და მასას შორის დამოკიდებულება, რამაც საფუძველი ჩაუყარა განთქმულ ფორმულას e=mc².
• 1920 : სისხლიანი კვირა ინგლის-ირლანდიის ომში.
• 1922 : რებეკა ლატიმერ ფელტონი ჯორჯიიდან პირველი ქალი სენატორი ხდება აშშ-ში.
• 1934 : ელა ფიცჯერალდის სასიმღერო დებიუტი შედგა აპოლოს თეატრში, ჰარლემში, ნიუ-იორკი.
• 1962 : არადი ქალაქად გამოცხადდა.
• 1995 : დოუ ჯონსის ინდუსტრიული საშუალო დაიხურა 5.000 ნიშნულს ზემოთ პირველად.
• 2002 : ნატო იწვევს ბულგარეთს, ესტონეთს, ლატვიას, ლიტვას, რუმინეთს, სლოვაკეთსა და სლოვენიას გასაწევრიანებლად.
• 2004 : პარიზის კლუბი თანხმდება ერაყის საგარეო ვალის 80%-ის ($100 მილიარდ) ჩამოწერას.
• 2005 : საქართველოს ხელისუფლების ინიციატივით ეროვნული გმირის ქაქუცა ჩოლოყაშვილის ნეშტი 75 წლის შემდეგ პარიზიდან სამშობლოში ჩამოასვენეს და მთაწმინდის მწერალთა და საზოგადო მოღვაწეთა პანთეონში დაკრძალეს.
• 2005 : ისრაელის პრემიერ-მინისტრი არიელ შარონი პარტია ლიკუდს ტოვებს და საკუთარ პარტიას, კადიმას, აყალიბებს.
• 2006 : საერთაშორისო კონსორციუმმა ხელი მოაწერა ექსპერიმენტული თერმობირთვული რეაქტორის განვითარების პროექტს.
• 2007 : საქართველოსა და თურქეთის პრეზიდენტებმა თავისუფალი ვაჭრობის შესახებ ხელშეკრულებას და ორმაგი დაბეგვრის თავიდან აცილების შეთანხმებას მოაწერეს ხელი.
• 2017 : ზიმბაბვეში მომხდარი სამხედრო გადატრიალების შედეგად პრეზიდენტი რობერტ მუგაბე თანამდებობიდან გადადგა.

ამ დღეს დაბადებულნი

• 1694 : ვოლტერი — ფრანგი მწერალი, ფილოსოფოსი (გ. 1778)
• 1854 : ბენედიქტე XV — რომის პაპი (გ.1922)
• 1862 : გაბაშვილი, გიორგი (გიგო) — ქართველი ფერმწერი
• 1931 : რევაზ დოღონაძე — ქართველი მეცნიერი
• 1938 : იზა ორჯონიკიძე — ქართველი პოეტესა
• 1965 : ბიორკი — ისლანდიელი მომღერალი

ამ დღეს გარდაცვლილნი

• 496 : გელასიუს I — რომის პაპი
• 1844 : ივანე კრილოვი — რუსი მწერალი
• 1916 : ფრანც-იოსები I — ავსტრიის იმპერატორი და უნგრეთის მეფე
• 1969 : მუტესა II ბუგანდელი — უგანდის პრეზიდენტი
• 1970 : ჩანდრასეხარა ვენკატა რამანი — ინდოელი ფიზიკოსი
• 1983 : ჯაყელი, გაიოზ — ქართველი ინჟინერი
• 1996 : აბდუს სალამი — პაკისტანელი ფიზიკოსი
• 2001 : სალაჰუდინ აბდულ აზიზ შახ იბნ ალმარჰუმი სულთანი ჰისამუდინ ალამ შახ ალ-ჰაჯი — მალაიზიის სულთანი

დღესასწაულები

• მართლმადიდებელი ეკლესია აღნიშნავს შემდეგი წმინდანების ხსენების დღეს:

• • მთავარანგელოზობა – კრება წმიდისა მთვარანგელოზისა მიქაელისა და სხვათა უხორცოთა ზეცისა ძალთა; მთავარანგელოზთა: გაბრიელისა, რაფაელისა, ურიელისა, სელაფიელისა, ეგუდიელისა, ვარახიელისა და იერომიელისა.