21 მაისი - ეს დღე ისტორიაში

21 მაისი - ეს დღე ისტორიაში

თარიღი: 405

21 მაისი — გრიგორიანული კალენდრის 141-ე დღე (ნაკიან წლებში - 142-ე დღე). წლის ბოლომდე დარჩენილია 224 დღე.

დღის მოვლენები

996 : თექვსმეტი წლის ოტო III საღვთო რომის იმპერატორად აკურთხეს.
1502 : წმ. ელენეს კუნძული აღმოაჩინა პორტუგალიელმა მეზღვაურმა ჟუან და ნოვამ.
1503 : ქრისტეფორე კოლუმბმა აღმოაჩინა კაიმანის კუნძულები.
1712 : პეტრე პირველმა დედაქალაქი მოსკოვიდან პეტერბურგში გადაიტანა
1725 : ალექსანდრე ნეველის ორდენი დააწესა რუსეთის იმპერატრიცა ეკატერინე I-მა.
1769 : რუსეთის, ქართლ-კახეთისა და იმერეთის შეთანხმება.
1804 : პარიზში პერ-ლაშეზის სასაფლაო გაიხსნა
1840 : ახალი ზელანდია ბრიტანეთის კოლონიად გამოცხადდა.
1851 : ავსტრალიაში პირველი ოქროს საბადო აღმოაჩინეს.
1881 : ორგანიზაცია ამერიკის წითელი ჯვარი დაარსდა.
1894 : 22 წლის ფრანგ ანარქისტს ემილ ანრის გილიოტინაზე თავი მოჰკვეთეს.
1904 : პარიზში დაარსდა საფეხბურთო ასოციაციების საერთაშორისო ფედერაცია (ფიფა).
1928 : უოლტ დისნეიმ მიიღო პატენტი მიკი მაუსის გამოსახულების მონოპოლიურ გამოყენებაზე.
1937 : საბჭოთა სადგური პირველი სამეცნიერო-კვლევითი დასახლება ხდება არქტიკის ოკეანის მოძრავ ყინულის ბაქანზე.
1972 : რომში წმინდა პეტრეს ტაძარში ვანდალმა მიქელანჯელოს პიეტა დააზიანა.
1991 :
- ინდოეთის პრემიერ-მინისტრი რაჯივ განდი კამიკაძის თავდასხმის მსხვერპლი გახდა.
- ეთიოპიის პრეზიდენტი მენგისთუ ჰაილე მარიამი გადადგა და ქვეყნიდან გაიქცა.
1998 : ინდონეზიის დიქტატორი 32 წლის განმავლობაში - სუჰარტო - გადადგა.
2003 : მიწისძვრამ ჩრდილოეთ ალჟირში 2000-ზე მეტი ადამიანი იმსხვერპლა.
2004 : 21 მაისიდან შემოღებულ იქნა საქართველოს ამჟამინდელი სახელმწიფო ჰიმნი, „თავისუფლება“,საქართველოს ორგანული კანონის საფუძველზე, რომელიც ძალაში შევიდა საქართველოს პრეზიდენტის ხელმოწერის შემდეგ. საქართველოს ჰიმნის ტექსტის ავტორია დავით მაღრაძე, მუსიკა ეკუთვნის ზაქარია ფალიაშვილს, რომელიც ჰიმნად დაამუშავა იოსებ კეჭაყმაძემ.
სტანისლავ პეტროვს მსოფლიოს მოქალაქის წოდება მიანიჭეს 1983 წელს პოტენციური მესამე მსოფლიო ომის თავიდან აცილების გამო.
2006 : მონტენეგრო რეფერენდუმით სერბეთისგან დამოუკიდებლობას აძლევს ხმას.
2007 : ლიბანის ჩრდილოეთში ბრძოლა გაჩაღდა ლიბანის შეიარაღებულ ძალებსა და ფათჰ ალ-ისლამის დაჯგუფებებს შორის.
2008 :
- პარლამენტის არჩევნებში დეპუტატების ადგილების უმრავლესობა ნაციონალურმა მოძრაობამ მიიღო.
- ფინალურ მატჩში ჩელსის დამარცხებით მანჩესტერ იუნაიტედი 2008 წლის უეფას ჩემპიონთა ლიგის ჩემპიონი გახდა.
2009 : ნეპალელმა მთამსვლელმა აპა შერპამ მე-19-ჯერ დალაშქრა ჯომოლუნგმა და საკუთარი მსოფლიო რეკორდი მოხსნა.
2011 :
- საქართველოს პარლამენტმა სპეციალური დადგენილებით ჩერქეზი ხალხის გენოციდი აღიარა.
- სახალხო კრებამ თბილისსა და ბათუმში პრეზიდენტ მიხეილ სააკაშვილის გადადგომის მოთხოვნით საპროტესტო გამოსვლები დაიწყო.
2013 : პროკურატურამ საქართველოს ყოფილი პრემიერ-მინისტრი ვანო მერაბიშვილი და კახეთის გუბერნატორი ზურაბ ჭიაბერაშვილი დააკავა.

ამ დღეს დაბადებულნი

1471 : დიურერი, ალბრეხტ — გერმანელი მხატვარი.
1855 : ვერჰარნი, ემილ — ბელგიელი პოეტი და დრამატურგი.
1874 : დადიანი, შალვა — ქართველი მწერალი, დრამატურგი.
1919 : ჩაჩავა, კონსტანტინე — ქართველი მეან-გინეკოლოგი.
1921 : სახაროვი, ანდრეი — რუსი ფიზიკოსი.
1937 : ჭიაურელი, სოფიკო — ქართველი მსახიობი.
1945 : მესერშმიდი, ერნსტ — გერმანელი ფიზიკოსი.
1972 : The Notorious B.I.G. — ამერიკელი რეპერი.

ამ დღეს გარდაცვლილნი

1542 : სოტო, ერნანდო დე - ესპანელი მკვლევარი.
1955 : ურუშაძე, ავთანდილ - ქართველი პოლიტიკური, სამხედრო და საზოგადო მოღვაწე (დ.1890)
1973 : კონევი, ივან - რუსი სამხედრო მოღვაწე (დ.1897)

დღესასწაულები

მართლმადიდებელი ეკლესია აღნიშნავს შემდეგი წმინდანების ხსენების დღეს:
- იოანე ღვთისმეტყველი
- არსენი დიდი

აგრეთვე:
- კულტურული მრავალფეროვნების მსოფლიო დღე
- კოსმოსის საერთაშორისო დღე
- კაიმანის კუნძულები — კუნძულების აღმოჩენის დღე
- ჩაის საერთაშორისო დღე

ანალიტიკა

«The Hill» (აშშ): „მკვდრეთით აღმდგარი: დონალდ ტრამპი როგორც ამერიკული პოლიტიკის „ლაზარე“

ამერიკული გაზეთი „ჰილი“ (The Hill) აქვეყნებს სტატიას სათაურით „მკვდრეთით აღმსდგარი: დონალდ ტრამპი როგორც ამერიკული პოლიტიკის „ლაზარე“ (ავტორი - დერეკ ჰანტერი).

„სიტყვას „ისტორიული“ პოლიტიკაში ხშირად იყენებენ ხოლმე და მას ფეხბურთის ბურთივით ათამაშებენ, ზოგჯერ კი მიზანში ვერ ურტყამენ. დონალდ ტრამპთან მიმართებით კი ამ სიტყვის გამოყენება სამართლიანია. მისი მიღწევა მართლაც ისტორიულია. მან უდიდესი რევანში აიღო პოლიტიკაში.

დონალდ ტრამპი არამხოლოდ პოლიტიკური გვამი იყო, არამედ საერთოდ, „პერსონა ნონ-გრატა“ როგორც ვაშინგტონში, ასევე მშობლიურ ნიუ-იორკშიც. და როგორც ხდება ხოლმე პოლიტიკაში, მას საპყრობლეში გაგზავნითაც ემუქრებოდნენ... და ახლა იგი თეთრ სახლში ძლევამოსილად ბრუნდება - ისეთ თამაშში გამარჯვების შემდეგ, რომელიც მანამდე არავის უთამაშია.

აშშ-ის ისტორიაში დონალდ ტრამპამდე მისნაირად მხოლოდ 22-ე და 24-ე პრეზიდენტი გროვერ კლივლენდი იქნა არჩეული ორი ვადით („შუალედური შესვენებით“ 1885-1889 და 1893-1897 წლებში). მსგავსი შემთხვევა ჰქონდა რიჩარდ ნიქსონს, რომელმაც 1960 წელს საპრეზიდენტო არჩევნებიც წააგო, გუბერნატორის არჩევნებიც (1962 წელს) და განაცხადა - „მორჩა, მეგობრებო, რიჩარდ ნიქსონს ვეღარსად ვეღარ ნახავთ - იმიტომ, რომ ეს ჩემი ბოლო პრეს-კონფერენციაა“. ჩვენ მისი ნახვა მაინც მოგვიწია 1968 წელს, თეთრ სახლის ოვალურ კაბინეტში. თუ რითი დაასრულა მან თავისი პრეზიდენტობა, გვახსოვს („უოტერგეიტით“), მაგრამ ფაქტია, რომ მისი დაბრუნება იმ დროისათვის ძალზე შთამბეჭდავი იყო.

დონალდ ტრამპმა კი რიჩარდ ნიქსონსაც გადააჭარბა. იგი ფაქტიურად „დამარხული“ იყო საკუთარი რესპუბლიკური პარტიის წევრების მხრიდანაც კი, სხვები კი მოთმინებით ელოდნენ, რომ იგი უბრალოდ გუდა-ნაბადს აიკრავდა და პოლიტიკიდან წავიდოდა. მაგრამ ასე არ მოხდა.

ამერიკელებმა თავისი პოზიცია გამოხატეს: მათ ცვლილებები სურდათ და კიდეც განახორციელეს. დონალდ ტრამპი ვერაფერმა ვერ შეაჩერა - ვერც ბრალდებებმა, ვერც თავდასხმებმა... ყველა მემარცხენე გაზეთი და ტელევიზია აკრიტიკებდა, ემუქრებოდა, აშინებდა, მაგრამ ისინი ყველა „ქაღალდის ვეფხვები“ აღმოჩნდნენ, დონალდ ტრამპმა ყველა „დაიკიდა“. რას იზამენ ახლა ტელეარხების MSNBC-სა და CNN-ის ხელმძღვანელები და მაყურებლები? ვინ აღმოჩნდა მარგინალი - ისინი თუ დონალდ ტრამპი? აღიარებენ თუ არა იმას, რომ არასწორად იქცეოდნენ - როცა ყველას, ვინც დონალდ ტრამპის გვერდით იდგა, გიჟებად და სულელებად თვლიდნენ?

მოკლედ, დონალდ ტრამპი „კონსტანტის“ (მუდმივის) განსახიერებაა: იგი იყო, არის და იქნება.

წყარო: https://thehill.com/opinion/campaign/4975713-donald-trump-greatest-comeback-since-lazarus/

სრულად

გამოკითხვა

ვინ გაიმარჯვებს რუსეთ - უკრაინის ომში?

უკრაინა

რუსეთი

არ მაქვს პასუხი

ხმის მიცემა

სხვათა შორის

მსოფლიოს ისტორიაში, უდიდესი იმპერიები ტერიტორიით(მლნ კვ. კმ): ბრიტანეთი - 35.5 მონღოლეთი - 24.0 რუსეთი - 22.8 ქინგის დინასტია (ჩინეთი) - 14.7 ესპანეთი - 13.7 ხანის დინასტია (ჩინეთი) - 12.5 საფრანგეთი - 11.5 არაბეთი - 11.1 იუანების დინასტია (ჩინეთი) - 11.0 ხიონგნუ - 9.0 ბრაზილია - 8.337 იაპონია - ~8.0 იბერიული კავშირი - 7.1 მინგის დინასტია (ჩინეთი) - 6.5 რაშიდუნების ხალიფატი (არაბეთი) - 6.4 პირველი თურქული სახანო - 6.0 ოქროს ურდო - 6.0 აქემენიანთა ირანი - 5.5 პორტუგალია - 5.5 ტანგის დინასტია (ჩინეთი) - 5.4 მაკედონია - 5.2 ოსმალეთი - 5.2 ჩრდილო იუანის დინასტია (მონღოლეთი) - 5.0 რომის იმპერია - 5.0

Ford, საავტომობილო ბაზრის დომინანტი მაშინ, როდესაც საავტომობილო ბაზარი ჯერ კიდევ ჩამოყალიბების პროცესში იყო, Ford Model T იყო დომინანტი მანქანა. 1916 წლის მონაცემებით, ის მსოფლიოში ყველა ავტომობილის 55%-ს შეადგენდა.

ილია ჭავჭავაძე: "როცა პრუსიამ წაართვა საფრანგეთს ელზასი და ლოტარინგია და პარლამენტში ჩამოვარდა საუბარი მასზედ, თუ რაგვარი მმართველობა მივცეთო ამ ახლად დაჭერილს ქვეყნებს, ბისმარკმა აი, რა სთქვა: ,,ჩვენი საქმე ელზასსა და ლოტარინგიაში თვითმმართველობის განძლიერება უნდა იყოსო. ადგილობრივნი საზოგადოების კრებანი უნდა დავაწყოთო ადგილობრივის მმართველობისთვისაო. ამ კრებათაგან უფრო უკეთ გვეცოდინება იმ ქვეყნების საჭიროება, ვიდრე პრუსიის მოხელეთაგანა. ადგილობრივთა მცხოვრებთაგან ამორჩეულნი და დაყენებულნი მოხელენი ჩვენთვის არავითარს შიშს არ მოასწავებენ. ჩვენგან დანიშნული მოხელე კი მათთვის უცხო კაცი იქნება და ერთი ურიგო რამ ქცევა უცხო კაცისა უკმაყოფილებას ჩამოაგდებს და ეგ მთავრობის განზრახვასა და სურვილს არ ეთანხმება. მე უფრო ისა მგონია, რომ მათგან ამორჩეულნი მოხელენი უფრო ცოტას გვავნებენ, ვიდრე ჩვენივე პრუსიის მოხელენი”. თუ იმისთანა კაცი, როგორც ბისმარკი, რომელიც თავისუფლების დიდი მომხრე მაინდამაინც არ არის, ისე იღვწოდა თვითმმართველობისათვის, მერე იმ ქვეყნების შესახებ, რომელთაც გერმანიის მორჩილება არამც თუ უნდოდათ, არამედ ეთაკილებოდათ, თუ ამისთანა რკინის გულისა და მარჯვენის კაცი, როგორც ბისმარკი, სხვა გზით ვერ ახერხებდა ურჩის ხალხის გულის მოგებას, თუ არ თვითმმართველობის მინიჭებითა, სხვას რაღა ეთქმის."

დედამიწაზე არსებული ცოცხალი არსებებიდან მხოლოდ ადამიანს და კოალას აქვთ თითის ანაბეჭდი

ინდოელი დიასახლისები მსოფლიო ოქროს მარაგის 11% ფლობენ. ეს უფრო მეტია, ვიდრე აშშ-ს, სავალუტო ფონდის, შვეიცარიის და გერმანიის მფლობელობაში არსებული ოქრო, ერთად აღებული.

დადგენილია, რომ სასოფლო-სამეურნეო კულტურათა მოსავლიანობის განმსაზღვრელ კომპლექსურ პირობათა შორის, ერთ-ერთი თესლის ხარისხია. მაღალხარისხოვანი ჯიშიანი თესლი ერთ-ერთი მნიშვნელოვანი ფაქტორია მოსავლიანობის გასადიდებლად, რაც აგრეთვე დასაბუთებულია ხალხური სიბრძნით "რასაც დასთეს, იმას მოიმკი". - ქართული გენეტიკისა და სელექცია–მეთესლეობის სკოლის ერთ-ერთი ფუძემდებელი, მეცნიერებათა დოქტორი, აკადემიკოსი პეტრე ნასყიდაშვილი

ებოლა, SARS-ი, ცოფი, MERS-ი, დიდი ალბათობით ახალი კორონავირუსი COVID-19-იც, ყველა ამ ვირუსული დაავადების გავრცელება ღამურას უკავშირდება.

ყველაზე დიდი ეპიდემია კაცობრიობის ისტორიაში იყო ე.წ. "ესპანკა" (H1N1), რომელსაც 1918-1919 წლებში მიახლოებით 100 მილიონი ადამიანის სიცოცხლე შეეწირა, ანუ დედამიწის მოსახლეობის 5,3 %.

იცით თუ არა, რომ მონაკოს ნაციონალური ორკესტრი უფრო დიდია, ვიდრე ქვეყნის არმია.

ბლოგი

ჩრდილოეთ კორეა 10 ათას სამხედროს გზავნის უკრაინის წინააღმდეგ ომში

სრულად

საზოგადოებრივი სივრცეების მნიშვნელობა ქალაქის სოციალური ცხოვრებისთვის - ურბან მედია

სრულად

ბავშვობა, დაუვიწყარი ამბები, 83:93

სრულად