,
2020 წელს ევროკავშირის წევრმა ქვეყნებმა 1,3 მილიონი ველოსიპედი და ელექტროველოსიპედი გაყიდეს არაწევრ ქვეყნებში, რომელთა ჯამურმა ღირებულებამ 471 მილიონი ევრო შეადგინა.
ამასთან, ევროკავშირის სტატისტიკური სამსახურის განცხადებით, ევროკავშირის წევრმა ქვეყნებმა 5 მილიონი ველოსიპედი შეიძინეს ევროკავშირის არაწევრი ქვეყნებისგან, რომლის ჯამურმა ღირებულებამ 930 მილიონი ევრო შეადგინა.
თუკი აღნიშნულ მონაცემებს 2019 წელს შევადარებთ, ველოსიპედების ექსპორტი 35%-ით გაიზარდა 2020 წელს, ხოლო იმპორტი 3%-ით შემცირდა.
2020 წელს, ევროკავშირის წევრმა ქვეყნებმა ყველაზე მეტი ველოსიპედის ექსპორტი განახორციელეს დიდ ბრიტანეთში (34%), შვეიცარიაში (13%), ბრაზილიაში (9%), თურქეთსა (5%) და უზბეკეთში (4%).
რაც შეეხება ევროკავშირის წევრი ქვეყნების მიერ იმპორტს, მათ ყველაზე მეტი ველოსიპედის იმპორტი განახორციელეს კამბოჯადან (24%), ჩინეთიდან (17%), ტაივანიდან (11%), ბანგლანდეშიდან (8%), ფილიპინებიდან (6%) და შრი-ლანკადან (5%). რაც შეეხება ელექტროველოსიპედების იმპორტს, ყველაზე მეტი ტაივანიდან შეიყვანეს (53%), მას მოჰყვება ვიეტნამი (19%), ჩინეთი (10%) და შვეიცარია (6%).
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
