,
2013-2020 წლებში საქართველოში 38 ჰიდროელექტროსადგური შევიდა ექსპლუატაციაში. აღნიშნული ინფორმაცია bm.ge-იმ ეკონომიკისა და მდგრადი განვითარების სამინისტროდან გამოითხოვა.
ირკვევა, რომ რაოდენობრივად ყველაზე ნაყოფიერი 2018 წელი იყო, როცა 8 ჰესი ამუშავდა. 2020 წელს კი, 6-მა ჰიდროელექტროსადგურმა დაიწყო ელექტროენერგიის გამომუშავება.
ეკონომიკის სამინისტროს ინფორმაციითვე, ბოლო 8 წელიწადში აშენებულმა 38 ჰიდროელექტროსადგურმა ენერგეტიკის დარგში 1.3 მლრდ დოლარის ინვესტიცია მოიზიდა.
საინტერესოა ისიც, რომ აქედან 1 მლრდ დოლარი მოდის იმ ხუთ მსხვილ ჰესზე, რომელიც ბოლო 8 წელიწადში აშენდა. ესენია: ფარავანჰესი - $196 მლნ, დარიალჰესი - $125 მლნ, შუახევიჰესი - $550 მლნ, ხელვაჩაურჰესი - $98 მლნ, კირნათიჰესი - $104 მლნ.
რაც შეეხება ჰესების რუკას ანუ საქართველოს რომელ რეგიონებში აშენდა ყველაზე მეტი ჰიდროელექტროსადგური ბოლო წლებში - სტატისტიკა აჩვენებს, რომ ლიდერია მცხეთა-მთიანეთი 8 ჰესით. შემდეგ მოდის სამეგრელო ზემო სვანეთი და კახეთი 6-6 ჰესით. ასევე, აჭარაში 2017-2018 წლებში 5 ჰიდროელექტროსადგური შევიდა ექსპლუატაციაში.
თურქეთის პარლამენტმა ბოლო მოსმენით მიიღო კანონი, რომლის თანახმადაც 15 წელს მიუღწეველ მოზარდებს სოციალურ ქსელებსა და ონლაინ პლატფორმებზე რეგისტრაცია აეკრძალებათ. ინფორმაციას Associated Press-ი ავრცელებს.
როგორც სააგენტო იუწყება, კანონი მიიღეს მას შემდეგ, რაც ერთი კვირის წინ 14 წლის მოზარდმა თურქეთის ქალაქ კაჰრამანმარაშის სკოლაში ცეცხლის გახსნა და ცხრა მოსწავლე და ერთი მასწავლებელი მოკლა.
ახალი კანონი სოციალურ ქსელებს დაავალდებულებს ასაკის შემოწმების სისტემა დანერგონ და მშობლის კონტროლი დააწესონ, აგრეთვე ოპერატიული რეაგირება მოახდინონ იმ კონტენტზე, რომელიც სახიფათოდ იქნება მიჩნეული.
სიახლე გულისხმობს იმას, რომ ისეთმა პლატფორმებმა, როგორებიცაა YouTube, TikTok, Facebook, Instagram და ა.შ., 15 წლამდე მოზარდებს რეგისტრაცია აუკრძალონ და შექმნან მშობლის კონტროლი.
